સિંદુર આજ ઘોળી લાવ્યો છું….
Posted by પરાર્થે સમર્પણ on August 16, 2010
વિઘાતાએ જે લખ્યું હતું તે સરનામું શોઘી લાવ્યો છું,
કાળજા કેરો કટકો તુ, વેગળી નથી કરી ક્યારેય ,
તારી ને મારી જુદાઇનું કોઇને વચન દઇને આવ્યો છું,
દિકરી તારા માટે આજ પાનેતર લઈને આવ્યો છું,
સપના મારા જે હતા પાલવમાં બાંઘી લાવ્યો છું,
પારકી અમાનત છે તુ બીજાની ક્યાં સુઘી સંભાળુ,
ભારે હૈયે તારી કંકોત્રી હેતના તેડા લખવા લાગ્યો છું,
ઢીંગલી જેવી લાડલી માટે રણઝણ ઝાંઝર લાવ્યો છું,
હદય મારું રડે છે પણ મુખ પર સ્મિત લાવ્યો છું,
પથ્થર જેવો બાપ પણ રડી પડે છે દિકરી ની વિદાયથી,
આંગણું મારૂ સુનું થાશે હું વિવશ બની ઉભો છું,
સંસાર તારો સ્વર્ગ બને એજ આશિષ ગુંથી લાવ્યો છું,
દર્પણ છે તુજ મારૂ એવો અરીસો લાવ્યો છું,
પારકાને પોતિકા ગણી બન્ને કુળને શોભાવજે ,
લુછી નાંખ આંસુ દિકરી ખુશીનો અવસર લાવ્યો છું,
ખુણે ખુણે સંભળાશે તારો નાદ , હરપળે આવશે અમોને તારી યાદ,
કોને પાડીશું હવે અમે સાદ, સાસરવાસને શોભાવજે એવી અમ આસ
- એક કંકોત્રી માંથી ( લેખક અજ્ઞાત )
’પ્રમથ’ said
સુંદર અને હૃદયસ્પર્શી રચના!
પરાર્થે સમર્પણ said
શ્રી પ્રમથ ,
આપના અનમોલ અને સુંદર પ્રતિભાવ બદલ ખુબ ખુબ આભાર.
આરીતે અવાર નવાર સંદેશ આપી આભારી કરશોજી.
ડો. કિશોરભાઈ એમ. પટેલ said
સુંદર,હૃદયસ્પર્શી રચના
પરાર્થે સમર્પણ said
આદરણીય શ્રી કિશોરભાઈ
આપે તો એક આદર્શ શિક્ષક છો. આપના પ્રતિભાવથી હરખ થાય જ ને
આપના સુન્દર પ્રતિભાવ બદલ ખુબ આભાર.
praheladprajapati said
nice
દિકરી તારા માટે આજ પાનેતર લઈને આવ્યો છું,
સપના મારા જે હતા પાલવમાં બાંઘી લાવ્યો છું,
પરાર્થે સમર્પણ said
આદરણીય શ્રી પ્રહલાદભાઈ,
આપ અમારે આગને પધાર્યા ને સાથે એક નવલો સંદેશ લાવ્યા તે બદલ ખુબ આભાર.