કાયદા મંદિરમાં પેઠા…વ્યંગ કાવ્ય

 

કાયદા મંદિરમાં પેઠા…વ્યંગ કાવ્ય

================================================

   આભાર ગુગલનો
==============================================

શંકર અને જેઠા કાયદા મંદિરમાં પેઠા

શંકરે કાઢ્યું આઈપોડ ને કર્યું છે લોડ

સાથમાં મળ્યા જેઠા બન્ને જોવા બેઠા

આવે ચિત્રો મજાનાં લુંટ્યા છે ખજાના

જોઈને  હસીનાઓ પાર નહી ખુશીનો

પત્રકારની નજર પડી ને ચર્ચા ચડી

વાત અધ્યક્ષ ઓફીસ નીકળી નોટીસ

આદેશ જમા આઈપોડ કાઢીએ એ તોડ

કરો એની ચકાસણી કોંગ્રેસની માંગણી

નથી એમાં જ ફિલ્મ શાને કરો  ચિલ્લમ

મળી કલીનચીટ ઘરની ધોળી છે ભીંત

સમજી  ગયા  શાણા ગોવિંદ ગાયે ગાણાં

=============================

સ્વપ્ન જેસરવાકર

ગોદડીયો ચોરો..પરમેશ્વરીય પરિષદ – ૩

ગોદડીયો ચોરો..પરમેશ્વરીય પરિષદ = 3

==============================================================

વિષ્ણુલોકમાં બધા આનંદમાં ઝૂમી  રહ્યા છે . મસ્ત મજાના ભોજન અને સુખ સુવિધા  માણી

દરેક  ખુબ ખુશી વ્યક્ત કરી રહ્યા છે . દરેકને બ્રહ્મલોક શિવ લોક અન્ય દેવોના વિસ્તારની ખુબ

આનંદથી મુલાકાત  લીધી. સુખ સાહ્યબી જોઈ દરેક અચંબામાં પડી ગયા.

બીજા દિવસની પરિષદ માટે બધાય આવી પહોચ્યા આજે પણ રંભા ઉર્વશી અપ્સરાઓ વિગરેના

સુંદર નૃત્ય જોઇને સર્વેને આલ્હાદક  આનંદ ઉપજ્યો .

સભામાં દરેક પરમેશ્વરો પોત પોતાની વ્યથા અને બીજી અનેક વાતોની ચર્ચા કરી રહ્યા છે.

મહંમદભાઈ કહે  જ્યારથી સદામ હુસેન , ઓસામા બિન લાદેન અને ગદાફી આવ્યા છે ત્યારથી

વારંવાર બસ એક જ હઠ લઈને બેઠા છે બસ સિનીયર બુશને મળી કેટલીક ચોખવટો કરવી છે .

એમના લીધે જ અમારે અહી વહેલું આવવું પડ્યું છે ને બને તો બદલો લેવો છે.

પેલા જુલ્ફીકાર અલી ભુટ્ટો અને જિયા ઉલ હક તો વારંવાર બાથડે છે  છુટા પાડતાં દમ પડે છે.

ભુટ્ટો તો હજાર વર્ષ સુધી લડવાની વાત લઈને ઇન્દિરા ગાંધી અને મુજીબુર રહમાનને ખોળે છે.

ઈશુભાઈ કહે ભાઈ મારે ત્યાંય આવા જ પ્રોબ્લેમો ઉભા થાય છે .

પેલો ચર્ચિલ વારંવાર કહે છે મારે પેલા પોતડીવાળા ગાંધીને મળવું છે . મારા વા’લાએ એક જ

લાકડીથી અમારું ૧૯૦ વર્ષનું રાજ્ય હચમચાવી મુક્યું ને એની વાત લઈને અમે જે મલાઇ મલીદા
 
ઝાપટતા હતા એવા દુનિયાના ઘણા દેશોને એમને આઝાદીનો રસ્તો બતાવી દીધો અમારો તો

અમૃત ભરેલો પ્યાલો ઝુટવી દીધો.

આ પેલા કિસિંજર વાત વાતમાં કહે છે મારે મોરારજી દેસાઈને મળવું છે એમણે મારી પર ખોટો

કેસ ઠોકી દીધો હતો.?

પેલો  હિટલર અને સ્ટાલિન બંનેની તો આંખો જ વઢે છે .

પેલા કેનેડી ભાઈને ખાલી મુલાકાત  માટે જ લાલ ગુલાબવાળા જવાહરલાલને મળવું છે .

ગૌતમભાઈ કહે મારેય આ માઓ, તાઓ ને ખાઓ ને સાચવવા ખુબ મહેનત કરવી પડે છે.

વિષ્ણુભાઈ કહે તમે બધા આ એક બબ્બે જણથી ત્રાસી જાવ છો તો અમે શું કરતા હોઈશું.?

અમારે તો રાવણ , કંસ, જરાસંઘ, દુર્યોધન , શિશુપાલ ,દુશાસન,અને હજારો રાક્ષસો છે

હજુ તો રોજ રોજ એવા નઠારા લોકોની નવી આવક થતી જ જાય છે .

એટલે બધા એકી સાથે બોલી ઉઠ્યા તો આપ આ બધું કેવી રીતે હેન્ડલ કરો છો ?

વિષ્ણુભાઈ કહે …………………..” મારે પાસ હનુમાન હે”

અમારા  હનુમાન ગદા પછાડે એટલે બધાય ચડી ચુપ થઇ જાય

ત્યાં એમને જોઇને આ બધાની બહુ ફાટે !  એટલે સીધા સટ થઇ જાય

ત્યાં ચિત્રગુપ્તજીએ વચ્ચે કઈક કહેવા મંજુરી માગી તો બ્રહ્માજીએ મંજુરી આપી.

ત્યાં ચિત્રગુપ્તજી કહે ભાઈ અમારા માંય  હવે તો બહુ વંઠી ગયા છે

અમારા યમરાજ પાડો લઈને જાય તો કહે હું પાડા પર નહિ બેસું એના પર લાલ લાઈટ લગાવો .

અરે ચોપડામાં હું જોઇને પુછુ કે અલ્યા તારું નામ શું ?

તો કહે ચતુર મારે કહેવું પડે અલ્યા મથુર તું બહુ ચતુર થઇ ગયો લાગે છે ?

તો પાછો કહે તમે ક્યાં રેશન કાર્ડ કે પાન કાર્ડ માગીને ચકાસણી કરી છે ખરી કે હું જ મથુર છું.

હું તમને કોઈને નડતો જ નથી હું  તો  દર ચાર વર્ષે જ જાગું છું !

વિષ્ણુભાઈ કહે બોલો હવે કોઈને કૈક કહેવું છે ?

નારદ મુનિ કહે પિતાજી અને આપ સહુ આજ્ઞા આપો તો એક નવીન રજૂઆત કરું ?

બ્રહ્માજી અને સર્વ દેવ ગણ કહે આપ જરૂરથી આપની રજૂઆત કરી શકો છો?

નારદભાઈ કહે આપ સર્વેએ અમારી સ્વર્ગ લોકની નર્તકીઓનું નૃત્ય જોયું  બધા ખુબ ખુશ થયા .

ઈશુ ભાઈ આપ આવતા વર્ષે મેરેલીન મનરો અને હોલીવુડની બીજી એક્ટ્રેસોને સાથે લાવજો

અને મહંમદભાઈ આપ હુર નુર અને એરેબીયન નાઇટ્સવળી સુંદરીઓને સાથે લેતા આવજો .

બને તો પાકિસ્તાનવાળા  વિણા માલિકને પણ   બોલાવી રાખજો

આ તો હિન્દુસ્તાનમાંથી આવતા રંગીલા લોકો ઈગ્લીશ ફિલ્મો જોઇને અહી ચર્ચા કરે એ વાત મેં

સાંભળી લીધી એટલે મનેય વિચાર આવ્યો કે બોલીવુડમાં આટલી બધીય એક્ટ્રેસો છે તોય મારા

વા’લા ત્યાં

ઇંગ્લીશમાં શું  ભાળી ગયા હશે ?

અમે રાખી સાવંત પુનમ પાંડે એવી ઘણીને તેડાવી લઈશું .

જરૂરિયાત લાગશે તો ” સ્વર્ગ ડાન્સ ” નામનો શો શરુ કરીશું ?

ત્યાં બ્રહ્માજી કહે ચાલો હવે બીજી ચર્ચા આવતા વર્ષે કરીશું

બધાય ફરી પાછા મા અન્નપુર્ણા દરબારે જઈ ભાવતાં ભોજનિયાં લઇ ઉતારે પહોચ્યા .

બીજા દિવસે દરેકને ભેટ સોગાદ ઈત્યાદી ધરી પુષ્પક વિમાન દ્વારા વળાવી દીધા.

હાટકો-   આ પેટ્રોલ છે કે પછી પેટનો રોલ છે .

પેટ્રોલના ભાવ વધે એટલે ખાવા પીવાની ચીજો મોંઘી થઇ જાય અને પેટનો રોલ વળી જાય ને !

=================================================================

સ્વપ્ન જેસરવાકર

ગોદડીયો ચોરો…પરમેશ્વરીય પરિષદ – ૨

• ગોદડીયો ચોરો…પરમેશ્વરીય પરિષદ – ૨
•  =============================================================
• ====
• 
•  સવારે નારદજીએ મને કહ્યું અલ્યા ગોદડીયા આપણે આ કાર્યક્રમનું સીધું પ્રસારણ
• 
  
• કરવાનું છે.
• 
  
•  મેં કહ્યું  વાંધો નહિ “બક બક “ ચેનલ દ્વારા સીધું પ્રસારણ કરાવી દઈશું .
• 
  
•  પછી મેં થોડા નિર્માતાનો સ્વર્ગમાં સંપર્ક કરી કેમેરા ઈત્યાદિની વ્યવસ્થા કરાવી દીધી.
• 
  
•  આકાશગંગામાં દોડધામ વધી ગઈ છે . સેવકો પરિષદને આખરી ઓપ આપવા જાતજાતના નુસખા
• 
  
•  અપનાવી રહ્યા છે. બેઠક વ્યવસ્થા માટે સોનાનાં સિંહાસનો મંગાવી સુંદર રીતે સજાવી તૈયાર કર્યા છે.
• 
  
•  બેઠક વ્યવસ્થાના પાછળના ભાગે ઇન્દ્રે પોતાનું મોટું ચિત્ર મુકાવેલ તેનો બધા વિરોધ કરી રહ્યા છે.
• 
  
•  પરમેશ્વરોને લાવવા માટે આખરે કોઈને ખોટું ના લાગે એટલે પુષ્પક વિમાન મોકલવાની નક્કી કર્યું.
• 
  
•  આખરે પરિષદના  દિવસે બધાયની પધરામણી થઇ દરેકને સન્માન સાથે બ્રહ્માજીએ સુંદરઆયોજન
• 
  
•  સાથે આવકારી દરેકને પોતાના ઉતારે મોકલી દેવાયા ત્યાં તેમની ચા, નાસ્તા ને ભોજનની વ્યવસ્થા
• 
  
•  કરવામાં આવી. બધાય પરમેશ્વરો આ ઝાકમઝોળ જોઈ વિસ્મય પામ્યા .
• 
  
•  સુંદર સજાવેલ સભાખંડમાં વાતાનુકુલિત વાતાવરણમાં પરિષદની શરૂઆત કરવામાં આવી .
• 
  
•  બધાયની પધરામણી સમયે વાજિંત્રોના મંગલ સુર રેલાતા હતા ખુદ વિષ્ણુભાઈએ આવકાર આપ્યો.
• 
  
•  પહેલા તો ઇન્દ્ર આ સભામાં હાજર રહેવા બાબતે અનિર્ણિત હતા પણ દેવતા ગણના તેમના  ટેકેદારો
• 
  
•  તરફથી ગુફતેગો કરીને હાજર રહેવા સમજાવ્યા જો હાજર નહિ રહો તો ગાદી છીનવાઈ જશે.
• 
  
•  સભાની શરૂઆત મા સરસ્વતી દેવીના વિભાગ તરફથી સુંદર સર્વ ધર્મીય પ્રાર્થનાથી થઇ .
• 
  
•  સમારંભના પ્રમુખ તરીકે વયોવૃદ્ધ બ્રહ્માજીની પસંદગી કરવામાં આવી ફૂલહારથી દરેકનું સ્વાગત કરાયું.
• 
  
•  આવકાર પ્રવચન કરવા ઇન્દ્ર ઉભા થયા તેમણે સુંદર મઝાનો ઝભ્ભો  ઉપર બંડી અને પાઘડીપહેરી હતી.
• 
  
•  જોકે નકલ કરવામાં ઈન્દ્રજી ખુબ જ પાવરધા હતા.
• 
  
• ઈન્દ્રજી એ લલકાર્યું .
• 
  
• “તમારાં આજ  અહી પગલાં થવાનાં ચમનમાં બધાને ખબર થઇ ગઈ છે.
• 
  
•  ઝુકાવી છે ગરદન બધી ડાળીઓએ ને ફૂલોની નીચી નજર થઇ ગઈ છે “
• 
  
•  ઇન્દ્રે શેર શાયરીની આગવી અદામાં બધાયને આવકાર્યા સાથે પ્રસંગ જોયા વિના બસ ભાષણ ભરડવાનું
• 
  
• ચાલુ કર્યું. જુઓ મેં આમ કર્યું મેં તેમ કર્યું પણ જયારે નાણાંની જરૂરિયાત હોય ત્યારે ઉપરવાળા આપતા
  
• 
  
• નથી.
• 
  
•  વચ્ચે શંકરભાઈએ  કહ્યું અલ્યા વાયડો થા મા. આતો સર્વ ધર્મીય પરિષદ છે .
• 
  
• કાલે કારોબારીમાં પ્રશ્ન ઉઠાવજે ને ત્યાજ તારા નાટક વેડા કરજે સમજ્યો ?
• 
  
•  એટલે ઇન્દ્ર કરડાતી નજરે  બ્રહ્માજી શંકર અને વિષ્ણુ તરફ  જોતા રહ્યા ને બધાયે બેસાડી દીધા.
• 
  
•  ત્યાર બાદ અપ્સરાઓ અને ગાંધર્વ કિન્નરનું નાચ ગાન રજુ થયું બધાય સુંદર નાચગાન સાથે સુરાવલીના
• 
  
•  સુર સાંભળી અનહદ ભાવ વિભોર બની ગયા.
• 
  
•  મેનકા અને રંભા ને તૈયાર થઈને આવતા ખુબ વાર લાગી એટલે ઇન્દ્રને બ્રહ્માજીએ પૂછ્યું કેમ આટલી વાર?
• 
  
•  ઇન્દ્ર વીલું મોઢું કરીને કહે જ્યારથી દેવાનંદ અને શમ્મી કપૂર આવ્યા છે ત્યારથી  એ બન્ને મોટા ભાગનો
• 
  
•  સમય એમની સાથે જ ગાળે છે .મેં પૂછ્યું તો કહે એ સ્ટાઇલીશ કલાકારો છે જુદા જુદા સ્ટેપ્સ શીખવે છે.
• 
  
•  આખરે રંભા અને મેનકાએ સુંદર નૃત્ય પેશ કર્યું. બધા વાહ વાહ પોકારી ગયા.
• 
  
•  પ્રથમ મહંમદભાઈએ (મહંમદ પયગંબર) હસતા હસતા કહ્યું કે આપની વ્યવસ્થા જોઇને ખુબ
• 
  
•  આનંદ થયો ખુબ  ખુશી ઉપજી આ ઝાકમઝોળ જોઈ હું તો અચંબામા પડી ગયો છે
• 
  
• .કેટલાક ફોટોગ્રાફ સાથે  લઇ જવા છે.
• 
  
•  ઈશુ ભાઈ (ઈશુ ખ્રિસ્ત -જીસસ)એ પણ આગતા સ્વાગતાનાં ભરપેટ વખાણ કરી ફોટોગ્રાફ લઇ
• 
  
•  જવા કહ્યું .
• 
  
• મહાવીરભાઈ અને ગૌતમભાઈએ પણ આગતા સ્વાગતથી ભાવ વિભોર થઇ ગયા હોવાની જણાવી ખુશ
• 
  
•  થયા
• 
  
•  બધાયે સમગ્ર કાર્યક્રમ ખુબ મજાથી માણ્યો ને બપોરનું લાંચ લેવા મા અન્નપુર્ણાના આશ્રમે પહોચ્યા .
• 
  
•  બાવન ભોગ અને છત્રીસ પકવાનનું અલભ્ય ભોજન માણી સર્વેના આનંદનો પર ના રહ્યો.
• 
  
•  બધાય પરમેશ્વરો પોતાના ફાળવેલ નિવાસસ્થાનોએ જઈ મીઠી મઝાની નિંદ્ર માણી
• 
  
•  સાંજના સમયે ફરી બધાની એક સભા મળી બધાએ નિખાલસપણે ખુબ ચર્ચા કરી જેનો સુર આમ હતો.
• 
  
•  બધાય પરમેશ્વરોની માગણી હતી કે  જેમ ધરતી પર બધાય છુટથી એક બીજા દેશમાં જઈ શકે છે તેમ
  
• 
  
• આપણે પણ એક બીજાના વિસ્તારમાં જઈ કૈક નવું જાણી શકે એવી વ્યવસ્થા કરવી જોઈએ.
• 
  
• મહંમદભાઈ કહે વિષ્ણુભાઈ તમારે ત્યાં આ સોના ચાંદીનાં સિંહાસનો અને નાચગાન, ભોજન
• 
  
• વ્યવસ્થાના જે વિભાગો પાડી  કામ સોપ્યું છે એ વાત મને ખુબ ગમી તમે આવી અમુલ્ય વસ્તુઓ
• 
  
•  કેમની વસાવો છો ?
• 
  
•  વિષ્ણુભાઈ કહે જુઓ અમારા ધરતી પરના મંદિરોમાં બધા પુજારી અને ટ્રસ્ટી રૂપી એજન્ટોએ કબજો
• 
  
•  જમાવી દીધો છ
• 
  
• જે જનતા પાસેથી દાન ભેટ સ્વીકારી લે  છે જોકે એ પણ મારા વા’લા સોયે સો  ટકા તો એ જ રાખી લે છે !
• 
  
• અમને તો મોકલતા જ નથી  અમારા મંદિરોને  પણ હવે તો હાઈ ફાઈ સ્ટાઈલથી મોઘા પથ્થરો અને
  
• 
  
• ઘુમ્મટ સોનાના બનાવે છે ને વાતાનુકુલિત પણ બનાવે છે. ઘણા મંદિરોમાં વેરો પણ લેવાય છે.
• 
  

       જોકે કેટલાક સાધુઓ બાવાઓ અને ગુરુઓ અવળા રવાડે ચડી ગયા છે એ પ્રજાને બરબાદ કરી

•  રહ્યા છે. અરે મારા વા’લા ભોળી જનતાને કહે છે તમને શનિ , મંગલ, બુધ, ગુરુ વિગેરે નડે છે એમ
• 
  
• કરીને જનતા પાસે નંગ માળા માદળિયા ને એવું એવું કરાવી પૈસા જ ઉઘરાવે છે.
• 
  
• આ બધાય કાયમ અમારી પાસે જ રહેતા હોય છે એ કાંઈ નીચે જઈને જનતાને નડતા જ નથી .નડે છે તો
• 
  
•  નેતાઓ ,પ્રધાનો,અમલદારો ,વેપારીઓ અને કાળા બજારીઓ .જો જનતા એમના ” મતદાન “રૂપી નંગને
• 
  
•  સમય આવે યોગ્ય ઉમેદવારના ગળામાં જડે તો આ બધું કહેવાતું નડતર બંધ થઇ જાય 
• 
  
•  જુઓ મંદીરમાં આરતી થાય ત્યારે ભોગ ધરાવે ઘીના દીવાથી આરતી થાય . ફળ ફૂલ ચઢાવે નાણાં રોકડ
• 
  
• તો કોઈ સોનું ચાંદી ભેટમાં ધરાવે મારા બેટા એ જ રાખી લે છે.
• 
  
•  પણ પ્રોબ્લેમ એક જ છે એજ કે
  
• 
  
• આપણો  ધર્મ સાચો બીજાનો નકામો .એનું અપમાન કરો. એવી કામના ઘર કરી ગઈ છે
  
• 
  
•  મહમદભાઈ  કહે એમ તો અમારેય મસ્જિદોમાં ઇમામો ને મુલ્લાઓએ કબજો જમાવી દીધો છે 
  
• 
  
•  મારા વા’લા એ પણ વાત વાતમાં  ફતવા બહાર પાડવામાંથી ઊંચા આવતા જ નથી .
• 
  
• આમ ના પહેરાય. આમ ના થાય આમ કરશો તો ઇસ્લામનું અપમાન થશે.
• 
  
• અધૂરામાં પાછા એય મંત્રેલું પાણી , ટુચકા દોર ધાગા કરવામાંથી ઊંચા આવતા જ નથી
• 
  
•  આના કરતા શિક્ષા અને આરોગ્ય વિષયો પર ધ્યાન આપે તો સમાજ ખુશહાલી અનુભવે
• 
  
•  મસ્જીદમા ફક્ત અગરબતી ને ફૂલો જ ચડાવે છે .અને એય પાછા ફક્ત શુક્રવારે જ આવે .
• 
  
•  એટલે અમને આવું જાહોજલાલી વાળું મળતું નથી
• 
  
• બસ ક્યાંક ગીતા બાળે ક્યાંક બાઈબલ સળગાવે . ને બીજા સાથે લડે .
• 
  
• ઈશુભાઈ કહે મારેય એજ પ્રોબ્લેમ છે આખું અઠવાડિયું મારા વા’લા મોજ મસ્તી કરે અને
• 
  
• રવિવારે સુટ ચડાવીને ચર્ચમાં આવી જાય . ફાધર અને પાદરીઓ  અને  નન પણ મોજ શોખથી રહે છે.
• 
  
•  ભોગવિલાસમાંથી ઊંચા આવતા જ નથી. કોઈક વાર કેક ચડાવે છે.કે ફૂલ ગુચ્છા કે બલુન  લાવે છે
• 
  
•  કોઈ વાર કુરાન અને ગીતા એવા ગ્રંથોનું અપમાન કરે છે
• 
  
• જોકે અમેરિકામાં ઘણા મંદિરો ચર્ચ વેચાઈ જતા બને છે ત્યારે જુના ઘેર જાઉં ત્યારે મંદિરોનો અનુભવ
• 
  
•  મીઠ્ઠો થાય છે.
• 
  
•  મહાવીરભાઈ કહે મારેય સોનું ચાંદી ઘણાય છે ભક્તો ઘણુય ચડાવે છે આરસના દેરાસરો છે
• 
  
• જાહોજલાલી છે. પણ મુનિઓ અને સાધ્વીઓ ઘણીવાર શર્મસાર કૃત્યો આચરે છે.
  
• 
  
• દીક્ષા લીધેલા  ઘણીવાર પાછા સંસારી બની જાય છે.
• 
  
•  જોકે અમારે વિષ્ણુભાઈના ધર્મ સાથે કોલોબ્રેશન હોઈ વાંધો આવતો નથી.
• 
  
•  ગૌતમભાઈ કહે મારી ગુફાઓ ઘણી છે જુઓને અફઘાનિસ્તાનમા ગુફાઓ તોડી પડી
• .
•  મારો જન્મ હિન્દુસ્તાનમા થયો ને મારો ધર્મ ચાઈના, જાપાન કોરિયામા ફેલાયેલો છે.
• 
  
•  મારે તો ભાષાનો પ્રશ્ન છે !
• 
  
•  મારા વા’લા એવી ભાષા બોલે છે ચાઉ વાઉ કાઉ ગાઉ નાં ચ્હાય ચાય બોલે છે એ શું બોલે
• 
  
•  છે . એ મને પણ સમજ પડતી નથી. મારેય દુભાષિયો રાખવો રાખવો પડે છે .
• 
  
•  મહમદભાઈ કહે આ રામભાઈ સાથે મારે ઘણું બને. આ તો પેલા બાબરે અયોધ્યામાં બાબરી

•  મસ્જીદ બનાવી પણ  હું અને રામભાઈ રામચોકના ઓટલા પર ઘણીવાર મોડી રાત સુધી
  
• 
  
• બેસીએ છીએ. એ મને વનની લંકાની યુદ્ધની વાતો સંભળાવે તો હું પણ એમને મક્કા મદીનાની વાતો
• 
  
• સાંભળવું છું. એ મને કથામાં લઇ જાય. તો હું એમને લખનૌ કવાલી સાંભળવા લઇ જાઉં છું.
  
• 
  
• 
  
• આ કૃષ્ણભાઈ સાથે પણ ગોકુળમાં રાસલીલા જોવા જાઉં છું.
• 
  
• અરે એ વાત છોડો આ શંકરભાઈ અને હું મહમદ પેલો ચાંદ અર્ધો અડધો વાપરીએ છીએ
  
• 
  
• પણ કોઈ દિવસ લડતા નથી પણ ધરતી પર ચાંદ સુરજ અને બીજી વસ્તુઓ માટે રમખાણ
  

        સર્જાઈ જાય છે.

• 
  
•  આમ ઘણીય ચર્ચાઓ થઇ રાત્રીનો સમય થયો એટલે પરીષદમાં ચર્ચા અધુરી રહી બધાય
  
• 
  
•  રાત્રી ભોજન લેવા ફરી પાછા મા અન્નપુર્ણાને દરબારે પહોચ્યા ને મસ્ત મસ્ત ભોજન લઇ
  
• 
  
• ઉતારે પહોચી દિવસ બહારના કાર્યક્રમને વાગોળતા મીઠી નીંદર માણવા લાગ્યા.
• 
  
•  હવે પછીના દિવસે પરીષદમાં કેવી રજૂઆત થઇ હશે. તે વિચારો………
• 
  
•  હાટકો- એક રેખાના પ્રવેશથી કેટલાયની કૈક રેખાઓ ખેંચાઈ ગઈ !!!!!!!!!!!
• 
  
• ================================================================
• સ્વપ્ન જેસરવાકર
  
• 
  

રેખા પસંદ હો ગઈ …કાવ્ય

 

રેખા પસંદ હો ગઈ …કાવ્ય

=====================================

  
હમણાં આપણા રાષ્ટ્રપતિએ ફિલ્મ કલાકારીણી એવી

રેખા ગણેશનની  રાજ્યસભામાં નિમણુક કરી .

=====================================

સારી સંસદ ઓર ફિલ્મ ઇન્ડસ્ટ્રીઝ ઇસસે દંગ હો ગઈ

રાજ્યસભા કે લિયે રાષ્ટ્રપતિ સે રેખા પસંદ હો ગઈ

 
રેખાકે આને સે  જયા બચ્ચનકી રેખાએ તંગ હો ગઈ

રાજ્યસભા કે લિયે રાષ્ટ્રપતિ સે રેખા પસંદ હો ગઈ

સબ સાંસદોકી યે નજરે ઉમરાવજાનકે  સંગ હો ગઈ

રાજ્યસભા કે લિયે રાષ્ટ્રપતિ સે રેખા પસંદ હો ગઈ

 
હેમા જયાપ્રદા સ્મૃતિ ઈરાની  સાથ એક રંગ હો ગઈ

રાજ્યસભા કે લિયે રાષ્ટ્રપતિ સે રેખા પસંદ હો ગઈ

દેખો સાંસદો કે લિયે ભી  યે બાત કેસી દબંગ હો ગઈ

રાજ્યસભા કે લિયે રાષ્ટ્રપતિ સે રેખા પસંદ હો ગઈ

ગ્લેમરસસે ભરી ભરી યે સંસદ અબ રંગા રંગ હો ગઈ

રાજ્યસભા કે લિયે રાષ્ટ્રપતિ સે રેખા પસંદ હો ગઈ

=======================================

સ્વપ્ન જેસરવાકર

ગોદડીયો ચોરો…પરમેશ્વરીય પરિષદ- ૧

====================================================

હમણાં આઈ પી એલની મેચો ચાલે છે . સંસદને ૬૦ વર્ષ પુરા થયા. સંસદ બહાર મહિલા

મોરચાની માંગણીઓની બેદરકારી બદલ મોરચો. આવા બધા સમાચાર જોતાં સોફા પર

મીઠી નીંદર આવી ગઈ.

ત્યાંજ મહારાણી ગાંધારી દેવી, શ્રીમતીજી અને બીજી મહિલાઓનો મોરચો નજર સમક્ષ દેખાયો .

વાત હતી  પચાસ ટકાની . મહિલાઓ કહે હવે ઘરકામમાં પુરુષોએ પચાસ ટકા કામગીરી કરવી

પડશે.

એમની માંગણી હતી કે અમે રાંધીએ તો તમે વાસણ સાફ કરો

અમે લોન્ડ્રી કરીએ  તમે  કપડા વાળો .

આવું જ કઈક સ્વપ્નમાં જોતો હતો ત્યાં એક પેન્ટ શર્ટ પહેરેલા મહાનુભાવ પ્રવેશ્યા.

તેમનો દેખાવ સુંદર બાલ બ્રહ્મચારી જેવો કોમલ હતો. પગમાં પાવડી પહેરી હતી

માથે ચોટલી ઉભી ટટ્ટાર હતી.

મને કહે અલ્યા તું જ પેલો ગોદડીયા ચોરાવાળો ગોદડીયો ખરું ને ?

મેં કહ્યું હા મહાશય હું જ એ ગોદડીયો . બોલો શું કામ પડ્યું છે મારું ફરમાવો ?

પેલા ભાઈ કહે હું નારદ છું . મને ભગવાન વિષ્ણુ એ મોકલ્યો છે . અમારે ત્યાં ધર્મ

પરિષદ ભરવાની છે .

તારે મારી સાથે આવીને ત્યાંનો હેવાલ વિગતવાર લખવાનો છે. જેથી દુનિયા પર વસતા

માનવો  ત્યાં શું થયું શું ચર્ચા ચાલી કોણ કોણ આવ્યું તે સુપેરે જાણી શકે  સમજ્યો ?

ચાલ તૈયાર થઇ જા.

મેં પૂછ્યું મહાશય પણ આપણે ત્યાં સ્વર્ગ લોકમાં જઈશું કેવી રીતે.?

નારદજી કહે મને ભગવાન વિષ્ણુજીએ વાહન તરીકે ગરુડજી આપ્યા છે. મેં એમને હેલીપેડ

પર પાર્ક કર્યા છે.

પહેલા અમને લોકોને આ બધા વાહનો પાર્ક કરવામાં ખુબ મુશ્કેલી પડતી હતી. જો અમારા

દેવતા ગણનાં વાહનો પશુ પંખીઓ હોય . એટલે એમની સાચવણી કરવાની, ભોજન વ્યવસ્થા

કરવાની મુશ્કેલી પડે .

હવે દુનિયામાં માનવો અળવીતરા થઇ ગયા છે . વચ્ચે હું ગણેશજીના કામે ઉંદર લઈને આવેલો

તો લોકોએબિલાડી ને કુતરા પાછળ છોડી મુકેલા .

લક્ષ્મીજીના કામે હાથી લઈને આવેલો તો છોકરાં પુછડી ખેચતા .

આ તો નરેન્દ્રભાઈ આવ્યા ને ગરીબ કલ્યાણ મેળા ને બીજા ઉત્સવોમાં એમને જવાનું થાય એટલે

એમણેદરેક શહેરમાં હેલીપેડ બનાવી દેવડાવ્યાં છે

એટલે અમને શહેર બહાર આ વાહનો પાર્ક કરવાનું ફાવી ગયું છે

અમે તો ગરુડજી પર બેસીને સ્વર્ગ લોકમાં ચાલ્યા . ત્યાં જઈ મારી સરસ આગતા સ્વાગતા કરી.

બીજા દિવસે મેં નારદજીને પૂછ્યું આ ધર્મ ધુરંધરોની પરિષદનો  વિચાર કેમ કરીને આવ્યો.?

મેં કહ્યું જોકે અમારે ત્યાં પક્ષોની પરિષદ , કોલેજની પરિષદ, વેપારીઓની પરિષદ અધિકારીઓની

પરિષદ એમ ઘણી ભરાય છે.

આ બધી પરિષદોમાં  કેમ કરીને મારી ખાવું,, તોડ કરવો ને ઘર ભેગું કરવું એની જ ચર્ચા ચાલે છે.

નારદજી કહે જો ભાઈ સ્વર્ગનું  કોમ્યુનીકેશન ખાતું મારી પાસે છે . જો એક ખાતામાંથી બીજા ખાતામાં

ફોન કરવો હોય કે સંપર્ક કરવો હોય તો મારી જરૂર પડે.

ભલે વિષ્ણુ ભગવાન રહ્યા પણ ફોન હું જોડી આપું તો જ વાત કરી શકે?

મારા સિવાય ત્યાં પણ સંદેશા વ્યવહાર શક્ય જ નથી

.
જેમ તમારે ત્યાં એ. રાજા કોમ્યુનીકેશન મંત્રી હતા તેમ અહિયાં હું જ સર્વે સર્વાં છું.

જો હું મારું કોમ્યુનીકેશન ખાતું બંધ કરું તો સંદેશો એક બે વર્ષ સુધી બીજે પહોચે જ નહિ સમજ્યો.?

એટલે મારું અનન્ય મહત્વ છે.

તમે પૃથ્વી વાળા જે કોઈ ઉપગ્રહો છોડો છો તે નકામાં થઇ જાય તે હું જ રાખી લઉં છું.

જે ઉપગ્રહ નકામો થઇ જાય તેને હું રીપેર કરાવી લઉં  છું.

ઘણી વાર તો સરસ ચાલતા ઉપગ્રહોમાં મુશ્કેલી પેદા કરી નકામાં બનાવી દઉં.

તમારી પૃથ્વી પરથી ઘણા ટેકનીશીયનો જે ઉપર આવે છે

તેમની કારીગરીનો ઉપયોગ કરી રીપેરીંગ કરાવું છું.

મારા વા’લા  ઘણી વાર તો રીપેરીંગના બહાને ધરતી પર મફત વાત કરી લે છે.

ઘણીવાર મફતમાં સ્વર્ગમાં આંટો મરાવી મારું કામ કરાવી લઉં છું.

અહિયાં પણ પૃથ્વીના માણસોએ બે નંબરમાં કામ કરાવવાનું અમને શીખવી દીધું

.
મેં અહિયાં  “ચોટલી કોમ્યુનીકેશન “  – “તંબુરા કોમ્યુનીકેશન”  –   “કરતાલ કોમ્યુનીકેશન” બનાવ્યા છે.

હિંદુ ધર્મમાં તો કામગીરી વહેચી દીધેલી છે એટલે વાંધો નથી આવતો પણ મુસ્લિમ,ક્રિશ્ચિયન, બોદ્ધ અને જૈન

એમાં કોમ્યુનીકેશન  પદ્ધતિ નહિ હોવાથી એ બધા સાથે મારું  ખાતું જ વહીવટ કરી લે છે ને કમાણી કરે છે..

આવી  ફોનની આધુનિક  વ્યવસ્થાના લીધે બીજા ધર્મના વડાઓ સાથે ઘણીવાર વાતચીત થાય છે

.
હમણાં થોડા દિવસો પહેલા મહમંદભાઈ  (હજરત મહમદ પયગંબર ) ઈશુભાઈ (જીસસ- ઈશુ ખ્રિસ્ત )

મહાવીરભાઇ (મહાવીર સ્વામી) ગૌતમભાઈ (ગૌતમ બુદ્ધ ) વિગેરે સાથે વાત થયેલી તે બધાની ઈચ્છા

આપણા વિષ્ણુભાઈ અને બીજા દેવોને મળવાની તેમજ  બ્રહ્માંડ જોવાની ઈચ્છા વ્યક્ત કરી હતી.

મેં કહ્યું હું વિષ્ણુભાઈને મળીને વાત કરીશ.

બે દિવસ પહેલા વિષ્ણુજી લક્ષ્મીજીને લઈને નેતાઓની જેમ ફરવા નીકળેલા .રસ્તામાં ગરુડજી પેટ્રોલ

ભરવા ઉભા રહેલા હું પણ આ કોમ્યુનીકેશન પદ્ધતિમાં ક્યાય ડાયરેક્ટ ચાલતું નથી ને એ ચકાસવા નીકળેલો.

એટલે રસ્તામાં અમારો સસ્તો ભેટો થઇ ગયેલો. બાકી વિષ્ણુભાઈ પણ નરેન્દ્રભાઈની જેમ મૂડ આવે અગર જરૂર

પડે ત્યારે જ મુલાકાત આપે છે

.
સમજ્યો ગોદડીયા આ તમારા જગતના નિયમો અહીં પણ લાગુ કરાવ્યા છે

મેં વિષ્ણુભાઈને વાત કરી કે સરહદો અને ઘુષણખોરી તેમજ અન્ય મુદ્દાઓની વિગતવાર ચર્ચા થાય તે માટે આપે

આ વાત સ્વીકારી લેવી જોઈએ.ને મંત્રણાની  રીત અપનાવી સ્પર્શતા મુદ્દા સુલઝાવી લેવા જોઈએ.

વિષ્ણુભાઈએ તરત જ શંકરભાઈ , કૃષ્ણભાઈ, રામભાઈ , બ્રહ્માભાઈ ,સહજાનંદભાઈ ,રામદેવભાઈ ,

તિરુપતિભાઈ ,જગન્નાથભાઈ,નાનકભાઈ , ગણેશભાઈ, હનુમાનભાઈ ,ઇન્દ્રભાઈ સર્વેની મીટીગ બોલાવી

સર્વેની સંમતિથી  સર્વ ધર્મના ધુરંધરોની પરિષદ યોજવાનું નક્કી કર્યું .

ઇંદ્રને સુચના આપી વાતાનુકુલિત વ્યવસ્થા, માઈક વ્યવસ્થા, રોશની વ્યવસ્થા ભોજન વ્યવસ્થા,

બેઠક વ્યવસ્થા તથા નાચગાન વ્યવસ્થા દર્શનીય રીતે ગોઠવાય તેવી વ્યવસ્થા કરવાનું સૂચન કર્યું.

 

બધીય વ્યવસ્થા ગોઠવાઈ ગયા પછી વિષ્ણુજીએ સર્વેને આમંત્રણ મોકલવાનું નક્કી કરી પત્રિકાઓ છપાવી.

 

પત્રિકામાં સર્વે ધર્મોના ચિન્હો છપાવી કળશનું સુંદર ચિત્ર સાથે આવકાર દેતી બે ગાંધર્વ કન્યાનાં ચિત્રો

છપાવ્યાંઅને દૂતો મારફતે વાજતે ગાજતે પત્રિકાઓ મોકલી આપવામાં આવી .વિષ્ણુભાઈએ બધા સાથે

ફોનથી વાત કરીને પ્રેમ પૂર્વક સસ્નેહ આમંત્રણ આપ્યું.

બધા ધર્મોના વડાઓએ આમન્ત્રણ સ્વીકારી ચોક્કસ હાજર રહીશું તેવી ખાતરી આપી.

ખરી સમસ્યા એ હતી કે હિંદુ ધર્મના દેવતાઓ પાસે પોતાના વ્યક્તિગત વાહનો હતાં.

બીજા ધર્મોના દેવતાઓ પાસે વાહન વ્યવહારની કોઈ સુવિધા નહોતી . આ માટે દરેકે નારદજીને ફોન પર

માહિતી આપી કે ભાઈ દુર દુરથી આવવાનું હોવાથી આપ વાહનોની વ્યવસ્થા કરશો એવી વિનંતી છે.

નારદજીએ સહ સ્મિત કહ્યું કે જરૂરથી વ્યવસ્થા થઇ જશે . ચિંતા કરશો નહિ.

ફરી પાછી નારદજીએ બોલાવેલી પરિવહન વિભાગની અલાયદી મીટીંગમાં વાહન વ્યવહારની ચર્ચા થઇ.

ગરુડજી કહે મારે વારા ફરતી જવામાં અને  દુર જવાનું હોવાથી થાકી જવાય. બીજું કે લક્ષ્મીજી પેટ્રોલ અને

ડીઝલના ભાવો વધી ગયા હોવાથી બીલ પણ ઝડપથી પાસ કરતાં જ નથી. કહે છે બચત કરો  .

એક દિવસ તો  મીટીંગમાં એમણે અખિલેશનું ઉદાહરણ આપી સમાજવાદી પક્ષની સાયકલો વસાવી વાપરવાની

સલાહ આપી હતી .

ચિત્રગુપ્તજી કહે હું યમરાજનો પાડો મોકલું પણ કહેવાય કે પાડે બેસાડીને લાવ્યા તો કેવું વરવું લાગે ?

હાથી કહે ભાઈ હું જાઉં ખરો પણ રમતારામ જેવું ધીમે ધીમે આવું.

ઉંદર કહે હું જવું તો ખરો પણ મારું કદ જોઇને એમને વિશ્વાસ બેસે નહિ કે આની ઉપર સવારી કેમ થશે.?

હંસ કહે હું જવું પણ વજન ઉંચકાય નથી ને સફેદી ઝાંખી પડી જાય.

પુષ્પક વિમાન કહે બધા જુદી જુદી દિશામાં રહે છે દરેક સરહદો પર કરતી વખતે જે તે વિસ્તારની મંજુરી લેવી

પડે.

બીજું કે એમને ત્યાં ઉતરાણની વ્યવસ્થા રન વે જેવું હોય તેની શી ખાતરી અને આમેય પેટ્રોલ ખુબ મોંઘુ થઈ

 

ગયું છે.

બધાયે  જવું કે ના જવું એ દ્વિધામાં ચર્ચા કરતા જોઈ હનુમાનજી કહે હું જઈ બધાને  એક સાથે બેસાડી લાવું

મેં રામ લક્ષ્મણ, સીતા ને ઉચક્યાં આખો પર્વત ઉચક્યો તો આ ચાર પાંચ જણ મારા માટે આસાન છે.

છેવટે નારદજીએ કહ્યું હનુમાનજી આપને જોઈ કોઈ બી જાય એવું પણ બને ખરું ને ?

ચાલો સભા પૂરી થઇ હવે વિચારીને કોણે ક્યાં જવું તે આપને જણાવીશું.

આપ સહુ પણ વિચારતા રહેજો કે પરિષદ ભરાઈ કે નહિ અને ભરાઈ તો શી ચર્ચા થઇ કોણે શી રજૂઆત

 

કરી.??????

 

કોણે કેવી રજૂઆત કરી હશે ને શું કહ્યું હશે તે આપ સહુ જણાવતા રહેજો !!!!!!!!!!!!!!!!

હાટકો- લોકપાલ એટલે લોકોનું પડાવીને લુંટેલુ શોધી કાઢવાનું યંત્ર

લ્યો બોલો લોકપાલ દ્વારા સંસદ અને સભ્યોને મિટાવી દેવાનું કાવતરું કહે છે આ સંસદ સભ્યો …….

           કહેતા બી દીવાના અને સુનતા બી દીવાના

=========================================================

સ્વપ્ન જેસરવાકર

સ્વમાન મોતે મરવું છે…કાવ્ય

 સ્વમાન મોતે મરવું છે…કાવ્ય

=================================

જન્મ્યો છું જગતમાં હું  પણ મારે ગુજરાતી બની રહેવું છે

જગતના ઝંઝાવાતો સામે  હિન્દુસ્તાની  બની  લડવું  છે

સ્વાર્થી જગતના પડકારો ને પોકારો પાડીને જ  કહેવું છે

માનવ થઈને જન્મ્યા જગતમાં માનવ  થઈને  મરવું  છે

ભ્રષ્ટાચારના ભોરીંગને હવે તો કિશન બનીને નાથવું  છે

ભારતના  મહામાનવનું  સ્વપ્ન  અદકેરું સાચું કરવું છે

બેફામ બની  જીવ્યો  જગમાં ને આઝાદ બની વિહરવું છે

ખોટું કોઈનું કરવું  નહીં હવે પ્રેમ બનીને જ પરવરવું  છે

નડવાનું નહિ કોઈને પણ ને સીધા રસ્તે  તો સંચરવું  છે

પરમાર્થ કેરો પત્થર બનીને હવે  લોક કલ્યાણ  કરવું  છે

‘સ્વપ્નો” સજાવીને અનમોલ જગ આકાશે  વિસ્તરવું  છે

ડોળ કરીને જીવવા કરતાં એક સ્વમાન મોતે મરવું   છે

 
======================================
 
‘સ્વપ્ન’ જેસરવાકર 

માડી તારો જયજયકાર (માતૃ દિન) ..કાવ્ય

==============================================

માતૃ દિન અર્થાત મઘર ડે નિમિતે ચાલો માતાના ગુણગાન ગાઈએ

માતૃ દિનની શુભેચ્છા સહ

=================================

હે વર્તે જયજયકાર માવડી તારો જગમાં વર્તે જયજયકાર

જેનો કહેતા ના આવે પાર માડી તારો જગમાં વર્તે જયજયકાર

તું છે દયાળી તું છે કૃપાળી તુજમાં વસે દેવી તણો વાસ

કોઈ  તો તને  લક્ષ્મી કહે ને  કોઈ કહે  અન્નપુર્ણાનો  અવતાર …માડી તારો

દેવતાને  તેં જ  જન્મ દીધો ઓળખાણ તારા થકી થાય

કોઈ કહે  જશોદાનો જાયો તો કોઈ કહે કોંશલ્યા તણો  કુમાર….માડી તારો

બાળકને જીવ જેમ સાચવતી ને તેડતી તું ડાબે જ હાથ

હદય આવ્યું  છે ડાબે જ પડખે બાળક  સુણે  હૈયાના ધબકાર….માડી તારો

કોઈ તને મા કહે કોઈ કહે માવડી કોઈ મઘર ને કોઈ બા

માતૃ દિન  ઉજવાય દુનિયામાં મે માસનો બીજો રવિવાર ….માડી તારો .

જગતના વહેવારે  રૂપ તારું છે એક નામો ધર્યા છે જ અનેક

ભાર્યા ભગિની માવડી છે  તું તો ને તારા થકી ચાલે  સંસાર …..માડી તારો 

ઓ માવડી તારા પ્રેમ ત્યાગના ગુણગાન અહર્નિશ ગાઈએ

માડી કૃપાથી “ગોવિંદ ” ગાયે  તારો મહિમા છે  અપરંપાર ……માડી તારો

============================================

સ્વપ્ન જેસરવાકર

ગોદડીયો ચોરો…ભીડ બોર્ડ નિગમ

ગોદડીયો ચોરો…ભીડ બોર્ડ નિગમ

=====================================================================

ગોદડીયો ચોરો જામ્યો છે . અલકમલકની વાતોનો ભંડાર ભર્યો છે .ઉનાળાની ગરમીના કારણે હવે

બધા સુરજ ઢળ્યા પછી ભેગા થાય છે .  મોઘવારી અને  સરકારની પ્રવાહી સ્થિતિના કારણે બધા
 
મુઝાઇ રહ્યા છે . કઈ વસ્તુ  પર ભાવોનું સ્કાયલેબ પડશે તે મુદ્દો કાયમ જનતાની ચર્ચામાં રહે છે .

હું નારણ શંખ , કનું કચોલું, ભદો ભૂત , ધ્રુતરાષ્ટ્ર ,ગોરધન ગઠ્ઠો , અઠા,બઠાની જોડી જામી છે .

બધાય ન્યુઝ પેપરમાં વાંચેલા સમાચારોની ચર્ચા કરતા જ હતા ત્યાં કોદાળાજીની પધરામણી થઇ .

ચર્ચાનો મુદ્દો હતો કે ભાઈ આપના લોક લાડીલા નરેન્દ્રભાઈની સભામાં પહેલા જે ભીડ ઉમટી પડતી હતી

તેમાં હવે નોંધપાત્ર રીતે ઘટાડો થયો છે. નરેન્દ્રભાઈના જાદુમાં જનતાનો રસ ઓછો થઇ રહ્યો છે.

હવે ચુંટણીના નગારાં ગાજી રહ્યા છે ત્યાં ભાજપ અને નરેન્દ્રભાઈ આને ભાવી સંકેત માની રહ્યા છે .

ત્યાજ કોદાળો એકદમ કુદીને બોલ્યો ભાઈ અપની પાસે સબ દર્દકી દવા હે . ભગવાનને હમકો એસા

જાદુકા દિમાગ દિયા હી કી  ઓબામાં ભી હમકુ ફોન કરકે પૂછતા હે અબ મેં ક્યાં કરું કોદલાજી .?

મેં પ્રાઇવેટ ફોન પર ઉસકો સમજાતા હું કી આપ એસા કર દીજિયે ઓર મેરેકુ ડોલર ભિજવા દીજિયે.!

ધ્રુતરાષ્ટ્ર કહે અલ્યા વાયડો થયા વિના હવે આના માટે શો રસ્તો છે એ કહે ને?

કોદાળો કહે  પરફેકટ અને સીધી એક સ્ટોરી છે. એક ભીડ નિગમ બના દેને કા. ઉસમેં સરકાર ઓર યુથકા

પ્રોફિટ  હી ફાયદા  હે .

 ગીવ મી એટ એ ચેરમેન પદ  ઓફ ભીડ  નિગમ …..સમજે એ  એ કોદાળેજી કા જમાના હે.

કનું કચોલું કહે અલ્યા કોદાળા આમાં સરકાર અને યુવાનોને શો ફાયદો ?

કોદાળો કહે દેખો મેં આપકો સબ પોઈન્ટ તું પોઈન્ટ સમજાતા હુંગા .

યુ નો જબ ભીડ એકઠી નો હોગી તબ સરકાર ઓર મોદીજીકી પ્રતિભા ઝાંખી પડેગી ઇસ લિયે એક ભીડ
 
નિગમકી  સ્થપના કરની હોગી .

દેખો ઇન્ડીયાકે ટ્વેન્ટી ફાઈવ સ્ટેટ હેંગે ઇસી મતલબ સે ૨૫ હજાર યુવાકો નોકરીમેં રખ લેને કા . વૈસે ભી
 
સરકાર મીનીમમ ૨૫૦૦ રૂપિયે દેકર વિદ્યા સહાયક, પોલીસ સહાયક  નોકરીમેં રખતી હે ઉસી તરહ સભી
 
યુથકો ૨૫૦૦ દેકર ભીડ નિગમ બના દેનેકા .

એસે  રોજગારીકી તકે બઢેગી ઓર મોદીજીને એક સાથ ૨૫૦૦ હજાર યુવાઓકો નોકરી દી એસા બડા સંદેશ

દેશમે જાયેગા. ઉનકા વોટ બેંક બઢેગા ઓર ઉનકે ચાહનેવાલે જ્યાદા હોંગે .

સબકો સુત્રોચ્ચારકી અલગ અલગ ભાષામે ટ્રેનીગ દેને કી !

માનો કી મોદીજી ભાવનગર જાનેવાલે હે તો જેસે ગરીબ કલ્યાણ મેલેમેં એસ ટી બસ ભેજી જતી હે ઉસી બસમે

ભીડ નિગમકે  યુવા યુવતીઓકો પહેલેસે ભેજ દેનેકા . ૨૫૦૦ હજાર નિગમ કે ઓર કાર્યકર્તા મિલકર ૩૦૦૦૦

હજાર હો જાયેગે ભીડ દેખકર ટુ થ્રી થાઉઝન ઓર આ જાયેગે ઓર મોદીજીકી સભામેં ફૂલ ભીડ લગેગી.

અનધર તરીકા સબ રાજ્યોસે મરાઠી, તેલુગુ,કન્નડ,પંજાબી,કાશ્મીરી,હરિયાણવી ,ભોજપુરી,બિહારી, બંગાલી

કેરાલી ,ગોવાનીઝ,કોંકણી,ઉડીપી સભી ભાષાકે રીટાયર ટીચર કો ભીડ નિગમમેં  હાયર કર લેનેકા .

વો ટીચર વન થાઉઝન યુવાઓકે ઉસીકી ભાષામે સુત્રો , વાહવાહી સબ શીખયેંગે ઓર તાલીયામે તો કોઈ ભાષા
 
હોતી જ નહિ હે .

સમજો કે મોદીજીકો તમિલનાડુ જાના હે ઓર ઉસકા પ્રીપ્લાનીગ  કરનેકા હે તો ક્યા કરેંગે. હમારે  મોદીજીકા

તામીલનાડુ મે ભી જોરદાર સ્વાગત ઓર રેલી હોની ચાહીએ.

તો એક હજાર જો તમિલ ભાષામે સુત્રો ઓર દુસરા શીખે હે વો ઓર દુસરે પંદરસો મિલકે પચ્ચીસો વહાં ભેજ

દેનેકા. વૈસે ભી અદાણી ઓર અંબાણીજી કા હેલીકોપ્ટર કિસ કામકા જો એસે સમય કામ ના આયે.

ગોરધન ગઠ્ઠો કહે અલ્યા પેલા હજારને જ તમિલ આવડે છે પેલા પંદરસો શું કરશે?

જો પેલા તમિલ બોલે એની સાથે હોઠ ફફડાવવાના અને હાથ ઉચા કરી જયકારો જ બોલાવવાનો સમજ્યો?

જાડી દાળમાં થોડુક પાણી ભળી જાય એમ હજાર જોડે પેલાય ટેવાઈ જાય.બબુચક હમજ્યો ..અંડર ઈ સ્ટેન્ડ ?

એમ જે રાજ્યમાં  જવાનું હોય ત્યાં આ ભીડ નિગમવાળા પહોચી જાય.

જો કોઈ રાજ્યને સરઘસ કે રેલી માટે માણસો જોઈએ તો આપણું ભીડ નિગમ માણસો પુરા પડે !

એ રીતે જે તે  રાજ્ય કે પક્ષને રેલી કે સભા કરવી હોય તેને આ ભીડ નિગમ સંખ્યા પૂરી પડે અને મોટું મસ

વળતર મેળવી નિગમ કમાણી કરે

આપણા મુખ્ય મંત્રી  જે કોઈ રાજ્યમાં જાય ત્યાં પુરા જોરશોરથી સુત્રોચાર થાય  અને વટ પડી જાય . જોકે આટલી

બધી  ભીડ એક્ઠી જોઈ  સ્થાનિક લોકો જુએ તો શું થયું તે જાણવા કુતુહલવશ બીજા બે ચાર હજારનું ટોળું જમા
 
થઇ જાય એટલે કમસે કમ ચાલીશ પચાસ હજારની વસ્તી જરૂર દેખાય.

જો ભાજપની સરકાર હોય અને રેલીકે સભા કરવી હોય તો કિફાયત ભાવે નિગમ સંખ્યા આપે જયારે વિરોધ

પક્ષને માણસો જોઈએ તો બે કે ત્રણ ગણી રકમ લઇ માણસો પુરા પાડે.

છેવટે સભા પૂરી થાય પછી તો જેની સત્તા હોય તેના જ સુત્રો પોકારવા એવો એક નિયમ પણ બનાવી શકાય .

આ રીતે આપણું ગુજરાત એક નવો ચીલો પાડીને ફરી પાછુ નંબર વન નું સ્થાન મેળવી શકે.

બોલો ધીસ ઈઝ કોદાળા આઈડિયા કેવા લગા….હે ને કમાલ કા કોદાળાજી  ?????????????????????

હાટકો -  દરેક પક્ષના નેતાઓમાં નીચે મુજબ માનતા  હોય છે.

           ” કાયમ રહીશું  હાઈ કમાન્ડની હોડમાં

              ક્યાંથી ક્યારે કેમનું લુંટવું એ  તોડમાં

              કાયમ ઝંખીને રહેવું સત્તાની સોડમાં

             કોને પડી સેવાની જનતા જાય ભાડમાં “

==================================================================================
સ્વપ્ન જેસરવાકર

બાર માસનું ગીત….કવિતા

 
==========================================

    
આવ્યો પ્રથમ  કારતક માસ,  લાવ્યો નવા  વર્ષનો   સાદ

ભાઈ બીજ ને લાભપાંચમ, આવે દેવ દિવાળી  ની  સાથ.

 

 

માગશર માસ છે બીજો, હવે  શિયાળાની  ખરીદો  ચીજો

અંબાજીના સંઘમાં જોડાઈને, હેતે ગબ્બર ગઢે જ  ઘૂમો.

 

 

પોષ માસ તો છે  રૂડો, ભાઈ પતંગ લઈને આકાશે  ઝૂમો

માણો  પોંકની  મઝા અનેરી,સાથે ઉધીયાની આશ ઘણેરી.

 

 

મહા માસની આભા  સોનેરી, વસંત પંચમી છે મોઘેરી

લાખેણા  લગ્ન જ લેવાય, સર્વે તો  આનંદ મંગલ ગાય

 

ફાગણમાં ફુલો  મહેકાય ,  હોળી ધૂળેટીએ  રંગોમાં ન્હાય

ધાણી-ચણા,ખજુર ખાય, ડાકોર સંઘમાં માનવ ઉભરાય.

 

 

ચૈત્ર  માસે  મેળા  ભરાય, રામ  જન્મોત્સવ જ  ઉજવાય

 હનુમાન  જયંતિની   સાથે,  ચૈત્રી  નોરતાની   જ  વાટે.

 

 

વૈશાખે  આવે   અખાત્રીજ, ખેડૂત  શોધે  બળદ ને  બીજ

લગ્ન સમયનું છે ટાણું,  કપડા, સોનામાં  જ જાયે નાણું.

 

 

જેઠ માસે  થાય છે ઉકળાટ,  સૌ  જુએ વરસાદની  વાટ

ખેડૂત ખેતર સરખું કરે, સહુ અગાશીમાંથી  કચરો   ભરે.

 

 

મોરલો  કળા  અષાઢે  કરે, ગુરુને અર્ચન પૂજન ભેટ ધરે

રીમઝીમ મેઘ મલ્હાર વરસે,તરસી  ધરતી  હરખે  હર્ષે.

 

 

પુરષોતમની થાયે વધામણી, એ  શ્રાવણની તો એંધાણી

શિવ મંદિરમાં ઘંટારવ ગાજે, બહેનો હૈયે હરખ  જ નાચે.

 

 

ભાદરવો  ભરપુર રાચે, દેવ  દુદાળાને શણગારવા લાગે

શ્રાદ્ધ પક્ષનું  પખવાડિયું આવે, પૂર્વજો ને  તર્પણ  ધરાવે

 

 

આસો  નવરાત્રમાં સંગીતના સાજે, અબાલ વૃદ્ધ સહુ જ નાચે

શરદપુનમ,ધનતેરશ ને,ચૌદશ કાળી, રુમઝુમ આવી દિવાળી.

 

 

આવી છે  ભાઈ બારમાસની કહાની, તહેવારોની  છે જવાની

કહી  છે  “સ્વપ્ન” એ  હરખ વાણી,  વાંચો ગાઓ આ  કહાણી.

=============================================

( શ્રાવણ માસમાં “ બહેનો ને હૈયે હરખ નાચે એટલે રક્ષા બંધન )
 
  “  સ્વપ્ન ” જેસરવાકર 

ગોદડીયો ચોરો…પોપટ ખાતો થયો.

================================================================
મિત્રો અગાઉ “પોપટીયો પરધાન થયો ” ને “પોપટ પાટનગરમાં’એમ બે હપ્તા રજુ થયેલા .
ચાલુ સમયના પ્રવાહોને આવરી લેવા પોપટને આરામ અપાયેલ હવે પોપટ કથા આગળ…
=====================================================================
ગોદડીયો ચોરો જામ્યો છે. કનું કચોલું કેહે અલ્યા ગોદડીયા તું પેલા પોપટના પરાક્રમો ભૂલી
ગયો લાગે છે ચાલ બહુ વખત વીત્યો હવે એને આગળ વધાર .
કોદાળો કહે હા બરોબર છે ચાલ હવે આગળની કથા માંડ.
મેં કહ્યું પોપટ અને મેનાને પાટનગરમાં બરોબર ગોઠી ગયું હતું . દારૂનો ધંધો પણ પાછલા
બારણેથી બરાબરનો જામ્યો હતો. હવે પોપટ બે પાંદડે થઇ ઘટાદાર વૃક્ષ બની ગયો હતો.
એક દિવસ પોપટ સચિવાલયમાં ગયો હતો મેના બહેન નવરા હતાં એટલે મંત્રી મંડલ સંકુલમાં
આવેલા બંગલાઓના રોડ પર લતા મારવા નીકળ્યા હતાં .
ફરતા ફરતા એક મંત્રીશ્રીના પત્ની બંગલાની ભાર ગોઠવેલા હીચકા પર બેસી પણ ચાવતાં અને
હળવેથી હિચોળા લેતા હતાં.
જોકે ઘેર કોઈ દિવસ હિચકો જોયો જ નાં હોય અને ચચુકા શેકીને ચાવતાં હોય પણ પરધાન પત્ની
બન્યા પછી પાન અને હિચકાના શોખમાં આપોઆપ જાતને ઢાળી દેતા હોય છે.
ઘણાને પરધાન શપથ વિધિનું આમન્ત્રણ મળે કે તુરંત જ એમની પત્નીઓ માયાવતીની જેમ વાળ
કટ કરવી ફેસિયલ અને મેકપ કરાવી લેતી હોય છે.
એમને જોઇને મેનાબહેને જે માતાજી કહ્યું એટલે પેલા બહેને જય શ્રી કૃષ્ણનો જવાબ આપી કહ્યું
આવો ત્યારે જરાક ગપાટાં મારીએ . મેના બેન તો ઉમળકાભેર બંગલામાં ધસી ગયાં.
પેલા બહેને તેમના પટાવાળાને મેના બહેનને ઠંડુ પાણી આપવા કહ્યું .
મેના બહેને અત્યંત ઠંડુ પાણી પીને પેલા બહેનને સવાલ કર્યો.
બુન તમે રોજ કેટલે બડફ (બરફ) મંગાવો સો ?
પેલા બહેન કહે આ બરફનું પાણી નથી આતો ફ્રીઝમાં ઠંડુ કરેલું પાણી છે.
મેના કહે શું કયું ? ફરી બ્લોલો ને જરા એ માશી કયું સે ?
પેલા બહેન કહે ફ્રીઝ મેનાબેન ફ્રીઝ …ફ્રીઝ…ફ્રીઝ
મેના ફરીઝ ફરીઝ ફરીઝ ફરીઝ ફરીઝ એમ ગોખતાં ઘેર ગયાં ને પોપટને ફોન કર્યો
તમે સુ (શું) ધાન (ધ્યાન) રાખો સો (છો) મોતા પરધાન થઇ જ્યા (ગયા) ઘરનું ધોન (ધ્યાન) રાખો.
પોપટ તો હાફળા ફાફળા દોડતા ઘેર આવી ગયાં કેમકે ઘરની રાષ્ટ્રપત્ની નો ફોન આવે ત્યારે
ભલ ભલા પરધાનોનાં ધોતિયા ઢીલા થઇ જતાં હોય છે.
મેના કહે આપને ઘેર ફરીઝ …બડ્ફીયું…ફરીઝ…બદફીયું કેમ નથી તમે પરધાન સો કે હું સો ?
પોપટે પીએ ને કહ્યું ભૈલા આપને ગેર બડ્ફીયું કેમ નથી તપાસ કરો હું પરધાન છે હૂ હમજોસો મને ?
પહેલા તો પીએને બડ્ફીયું શું એ સમજ ના પડી પાન મેને ઠંડા પાણીની વાત કરી તી હમજ પડી
કે આતો ફ્રીઝની વાત છે
બાધકામ શાખામાં જાણ કરી . બાંધકામ શાખાના અધિકારીઓ દોડતા આવ્યા ને કહ્યું ફ્રીઝ ફાળવેલ છે.
બંગલામાં તપાસ કરી તો ફ્રીઝમાં મેનાએ ચણીયા પોલકાં સાડીઓ પોપટના ઝબ્બા ને ધોતિયા ગડીબંધ
વાળીને મુક્યા હતાં !!!!!!!!!!!
પોપટ હવે તો બેફામ ખાતો થઇ ગયેલ . એતો દારૂના હપ્તા. રોડના હપ્તા. રીક્ષા કારો દરેક પાસેથી
હપ્તા ઉઘરાવી રોકડ નાણું જમા કરાવવા માંડ્યું .
ક્યાંક આખા રોડ ખાઈ જાય, ક્યાંક નાના મોટાં પુલ ખાઈ જાય જાય ક્યાંક તળાવો પણ ખાઈ જાય .
ક્યારે બાળકોને પીરસવાનું ભોજન તો ક્યારેક વિદ્યાર્થીઓના પુસ્તકો કપડા ખાઈને તગડો થવા માંડ્યો.
ખુલ્લે આમ દારૂનો વેપાર કરાવે અને દારૂ વેચે એટલે મોટાં ઉદ્યોગપતિઓ અને પત્રકારો તેમજ મોટાં
નબીરાઓ સાથે અંગત સંપર્કમાં આવી ગયેલ પોપટનું નામ મોટું બની ગયેલું છે.
હવે તો પોપટ ઉદ્યોગપતિઓ સાથે હવામાં ઉડવા લાગ્યો હેલીકોપ્ટરમાં ફરવા લાગ્યો
ઘેર આવીને મેનાને કહે આ ઊડણીયું (હેલીકોપ્ટર )માં બેહવાની મઝો પડે સે (છે )
હવે તો વિચારું સુ કે એક ઊડણીયું વહાવી લેવું સે ગોમમાં (ગામ) ને હમાજ (સમાજ) માં વટ પડે .
હમણાં અમદાવાદમાં શ્રીમંત નબીરાઓની પાર્ટીમાં આ પોપટનો દારૂ વપરાયેલ હતો .

હાટકો- સચિન તેંદુલકરની રાષ્ટ્રપતિ દ્વારા રાજ્યસભામાં નિયુક્તિ કરવામાં આવી !!!!!!!!!!!!!!!!!
સંભાળજે સચિન જરા સાચવીને રહેજે ? આ બધા જાડી ખાલ ધરાવતી જાતિના છે
મારા વા’લા એવો ગુગલી બોલ નાખે છે કે ભલભલા રમવામાં ને કેચ કરવામાં ગોથાં ખાય છે
==============================================================================
સ્વપ્ન જેસરવાકર