વેચાતો આવ્યો છું…. (કાવ્ય-ગઝલ )

 

વેચાતો આવ્યો છું …. (કાવ્ય-ગઝલ )

=======================================================

 

                               ચિત્ર માટે ગુગલનો આભાર

============================================================

 

જન્મ્યો તો જગતમાં જયારે ત્યારથી વેચાતો જ આવ્યો છું

 

છે ખરીદવાની ઈચ્છાઓ પણ કાયમ  વેચાતો આવ્યો છું

 

જન્મતાંની  સાથે  વધામણી આપી હતી એ નર્સ ડોકટરે

 

દવાખાનાનું બીલ અને પેંડા માટે પણ વેચાતો આવ્યો છું

 

માતા પિતા કુટુંબ કબીલામાં  હતો આનંદનો અવસર

 

ઝભલાં, રમકડાં, દૂધ સાથે બાધાઓમાં વેચાતો આવ્યો છું

 

થયો  પાંચ વર્ષનો હતી મારી રમવા કુદવાની ઉમર

 

શાળામાં પ્રવેશતાં ચોકલેટ પતાસામાં વેચાતો આવ્યો છું.

 

ભણતર  મારું વિકસતું ગયું ને આગળ વધતો જ ગયો

 

પુસ્તકો નોટબુકો આ ફી તે ફી આપતાં વેચાતો આવ્યો છું

 

ગયો કોલેજમાં ને  ચઢતો ગયો  યુવાની તણો  રંગ

 

ટ્યુશન  ફી ને ડોનેશન ફી  ભરવા  માટે  વેચાતો આવ્યો છું

 

માબાપે અંતરની ઈચ્છાઓ દબાવી ઉછેર્યો છે મને

 

લગ્ન મંડપમાં વાજાં,વરઘોડા,દાગીનામાં વેચાતો આવ્યો છું

 

લગ્ન જીવન ચાલ્યું ને  ઉબડ ખાબડ ટેકરા  જેવું રહ્યું

 

કદી પત્ની  ને કદી પ્રેમિકાની  માંગણીમાં વેચાતો આવ્યો છું

 

બાળ ગોપાલ  મારે આંગણે ખુશીથી ઝૂમી ઉઠ્યો

 

એમના દવા દારૂ ને શાળાના ખર્ચા માટે  વેચાતો  આવ્યો છું.

 

હવે અનુભવાય છે મને માબાપની વેદનાની અસર

 

કહેતા માતા પિતા જીવનમાં બાળકો માટે  વેચાતો આવ્યો છું

 

સંસારમાં  જમા ઉધારના બે પાસાં કેમ કરવા બરાબર

 

વર્ષો વરસ શહેર રાજ્ય અને દેશના બજેટે  વેચાતો  આવ્યો છું.

 

=========================================================

 

સ્વપ્ન જેસરવાકર   ( ગોવિંદ પટેલ )

વખોડે છે……. (ગીત-ગઝલ )

વખોડે છે……….

======================================

          મુક્તક

=======================

મિત્રો ય  મળ્યા છે કેવા જુઓ

એમના જ  લહેણાંનો ય   ભાર    છે.

હસી ખુશી ગુજારતા દિવસ ને રાતો ,

હવે એમણા  મહેણાંનો ય  માર છે.

==================================

 

સાગર ઉપર કરી  સવારી અમે,

જુઓ નાવને  મોજાં રગદોડે  છે.

જીવનના બંધન  ઝાંઝવા નીર,

એ પળમાં પ્રાણને    તરછોડે છે.

સંસાર સંગ્રામ ક્યાંય છે સ્થિર,

એ પળમાં  સબંધો ને   તોડે છે.

સાચા ખોટાની પરખ કરવા કાજે ,

એ હજારો  મોતીઓને ફોડે છે.

કરતા હતા મોજથી વખાણ મારા,

એ મિત્રો જ મને  હવે વખોડે છે.

શું કરવું સમજ નથી  પડતી મને,

સ્વપ્ન એકલો એકલો જ રડે છે.

=================================

સ્વપ્ન જેસરવાકર   ( ગોવિંદ પટેલ )

સિંદુર આજ ઘોળી લાવ્યો છું….

સિંદુર  આજ  ઘોળી લાવ્યો છું

===================================================================

દિકરી તારા સોભાગ્યનું સિંદુર આજ ઘોળી લાવ્યો છું,
વિઘાતાએ જે લખ્યું હતું તે સરનામું શોઘી લાવ્યો છું,

કાળજા કેરો કટકો તુ, વેગળી નથી કરી ક્યારેય ,
તારી ને મારી જુદાઇનું કોઇને વચન દઇને આવ્યો છું,

દિકરી તારા માટે આજ પાનેતર લઈને આવ્યો છું,
સપના મારા જે હતા પાલવમાં બાંઘી લાવ્યો છું,

પારકી અમાનત છે તુ બીજાની ક્યાં સુઘી સંભાળુ,
ભારે હૈયે તારી કંકોત્રી હેતના તેડા લખવા લાગ્યો છું,

ઢીંગલી જેવી લાડલી માટે રણઝણ ઝાંઝર લાવ્યો છું,
હદય મારું રડે છે પણ મુખ પર સ્મિત લાવ્યો છું,

પથ્થર જેવો બાપ પણ રડી પડે છે દિકરી ની વિદાયથી,
આંગણું મારૂ સુનું થાશે હું વિવશ બની ઉભો છું,

સંસાર તારો સ્વર્ગ બને એજ આશિષ ગુંથી લાવ્યો છું,
દર્પણ છે તુજ મારૂ એવો અરીસો લાવ્યો છું,

પારકાને પોતિકા ગણી બન્ને કુળને શોભાવજે ,
લુછી નાંખ આંસુ દિકરી ખુશીનો અવસર લાવ્યો છું,

ખુણે ખુણે સંભળાશે તારો નાદ , હરપળે આવશે અમોને તારી યાદ,
કોને પાડીશું હવે અમે સાદ, સાસરવાસને શોભાવજે એવી અમ આસ.

===============================================================================

- એક કંકોત્રી માંથી ( લેખક અજ્ઞાત )

===============================================================================

 

સંકલન: ’ સ્વપ્ન’  જેસરવાકર  ( ગોવિંદ પટેલ)

સ્વપ્નનું સમર્પણ ” આદિલ” ને……….

      સ્વપ્નનું  સમર્પણ  “આદિલ”  ને

============================================================================

 

                         મુક્તક

============================================================================

 

બેફામ  બન્યા  વિના  આદિલ   તૂટતું  નથી,

ઘાયલ બન્યા વિન  ગઝલ  કોઈ લખતું  નથી.

સ્વપ્ન  ગમે તેવું   સુંદર  હોય  છતાં ,

પરિણામે  શૂન્ય  એ કદી  સાચું   પડતું    નથી.

=============================================================================

 

(  રાગ: ====  માનવ  ના થી   શક્યો તો  ઈશ્વર બની  ગયો.==== )

 

પામી ન શક્યો  પ્રેમ  તો   પાગલ  બની  ગયો,

બેફામ  બની ને   પ્રેમમાં  ઘાયલ  થઈ  ગયો.

અસીમ   પ્રેમ  પામીને  ગુમાવ્યું  છે  આદિલ ,

કેલાશ જવાની  આશમાં   બેહાલ  બની ગયો.

અવિનાશ ને  આદમ તો  ગની મત દહીથી,

શોભિત  થઈને  વેણી   માં ફુલ  બની ગયો.

સૈફ   હતો  હું  પણ   પ્રેમમાં  મળ્યું  જ  શૂન્ય ,

જલન  લાગી  દિલમાં તો  ગુલાલ બની ગયો.

આઝાદ,  બાપુ  કેરું  મનહર  ખીલ્યું  છે પંકજ ,

મરીઝ બનીને  સ્વપ્ન  માં ગઝલ લખી ગયો.

=========================================================================

 

સ્વપ્ન જેસરવાકર  ( ગોવિંદ પટેલ)

( આ રચના પણ આદિલની ષષ્ઠીપૂર્તિ સમયે લખેલું છે.)