કાયદા મંદિરમાં પેઠા…વ્યંગ કાવ્ય

 

કાયદા મંદિરમાં પેઠા…વ્યંગ કાવ્ય

================================================

   આભાર ગુગલનો
==============================================

શંકર અને જેઠા કાયદા મંદિરમાં પેઠા

શંકરે કાઢ્યું આઈપોડ ને કર્યું છે લોડ

સાથમાં મળ્યા જેઠા બન્ને જોવા બેઠા

આવે ચિત્રો મજાનાં લુંટ્યા છે ખજાના

જોઈને  હસીનાઓ પાર નહી ખુશીનો

પત્રકારની નજર પડી ને ચર્ચા ચડી

વાત અધ્યક્ષ ઓફીસ નીકળી નોટીસ

આદેશ જમા આઈપોડ કાઢીએ એ તોડ

કરો એની ચકાસણી કોંગ્રેસની માંગણી

નથી એમાં જ ફિલ્મ શાને કરો  ચિલ્લમ

મળી કલીનચીટ ઘરની ધોળી છે ભીંત

સમજી  ગયા  શાણા ગોવિંદ ગાયે ગાણાં

=============================

સ્વપ્ન જેસરવાકર

येतो हमारा यूपी हे…व्यंग कवन

 

येतो हमारा यूपी हे…व्यंग कवन

 

=============================================

 

 

        शुक्रिया गुगलकी

===============================================

 

जम गया जंग चुनावका पर जनता दुखी हे  

 

भाई देखो और सोचो येतो  हमारा यूपी हे

 

कही सायकल कही पंजा कही कमल  हे

 

कही कुछ और तो कही चला हाथी हे….येतो हमारा यूपी हे I 

 

कही अजित कही राहुल कही मुलायम हे

 

कही आजम कही माया कही नकवी हे…येतो हमारा यूपी हे ઈ

 

रेली पे रेली सभाओ पर सभाका मारा हे

 

कही भाषण कही नारा तो कही चुप्पी हे…येतो हमारा यूपी हे I

 

मिट गया था  एक दिन डाकुका इलाका

 

आज राजकीय डाकुओकी लम्बी थप्पी  हे…..येतो हमारा यूपी हे I 

 

ढूंढते रास्ते सभी यहासे जानेको  दिल्लीका

 

उनके सब वादेकी होती  जूठी  जबानी हे…येतो हमारा यूपी हे  I

 

पैसे शराब जाती पातीसे ए सबको पटायेंगे 

 

नहीं कुछ काम आयेगा तो चलती गोली हे…येतो हमारा यूपी हे I

 

=================================================

 ’ स्वप्न ‘ जेसरवाकर

નેતા બની ગયો…કટાક્ષ કવન

 નેતા  બની  ગયો…કટાક્ષ કવન  

 

===================================

 

સ્વ. આદિલ મન્સૂરીજીની લોકપ્રિય  ગઝલ-

 

“માનવ ના બની શક્યો તો એ ઈશ્વર બની ગયો”

 

ઉપરથી લખવાનો નમ્ર પ્રયાસ કર્યો છે.

 

===================================

  

નાગરિક ના બની શક્યો તો એ   નેતા  બની  ગયો

 

બધાય ને બનાવી ને એ  પોતે  નેતા  બની  ગયો.

 

પાળ્યું ના વચન એનો  દિલમાં છે ડાઘ

 

એ   અમારા  ડાઘ  ને  ઘોળી  ને  પી   ગયો …નાગરિક.

 

જીવવું  પણ દોહ્યલું  બન્યું છે હવે

 

અમારી એ વ્યથાને એતો  મજાક માની  ગયો… નાગરિક.

 

ગેસ, ડીઝલ.પેટ્રોલે તો માઝા મૂકી

 

અમારી વાતોને એ  હવામાં ઉડાવી ગયો… નાગરિક.

 

પાંચ વર્ષે  ફરી હાથ જોડી ઉભા રહ્યા

 

નઠારા નેતાઓ જુઓ  એકબીજાને ભાંડી રહ્યો … નાગરિક.

 

નહોતું  કશું  ય  પણ હવે  છે  બધું  જ

 

સાયકલવાળો જ હવે  મોટરે ચઢી  ગયો… નાગરિક.

 

“સ્વપ્ન” હતું  જે  એ  પૂરું  થઈ  ગયું

 

ઉધાર માંગતો એતો  કરોડોએ પહોંચી  ગયો… નાગરિક.

 

==========================================

(નાગરિકનો અર્થ દેશ અને પ્રજાને વફાદાર સમજવું ) 

 

સ્વપ્ન જેસરવાકર 

નેતાજી તો પરલોક પધાર્યા….વ્યંગ કવન

 

 

 

 નેતાજી તો પરલોક પધાર્યા….વ્યંગ કવન

 

========================================================

 

(  રાગ:== વૈષ્ણવ જન તો તેને રે  કહીએ…)

 

========================================================

 

નેતાજી  તો પરલોકમાં પધાર્યા, પરલોકને   ફફડાવે   રે

 

ચિત્રગુપ્તજીને  સવાલ   પૂછીને, હિસાબ  સઘળો  માંગે  રે…નેતાજી તો…(૧)

 

આ તમારો  યમરાજ છે  કેવો,  નહી  અક્કલનો  છાંટો   રે

 

પાડે બેસાડી એ મને જ લાવ્યો, શિખામણ  એને આપો  રે…નેતાજી  તો…(૨)

 

મોઘી  ને એરકંડીશન  એવી,  કારોમાં  જ હું ફરનારો  રે

 

પાડે બેસી ને  કમર જ  દુખી,  કોલગર્લને તો બોલાવો  રે…નેતાજી  તો…(૩)

 

ચિત્રગુપ્તજી  કહે બધા પશુઓને, પૂછી ને પૂછાવ્યું    રે

 

પાડો કે’ હું જ  જવાનો,  કેમ કે  એ તો  છે  મારા જેવા   રે…નેતાજી  તો…(૪)

 

આ પાપ પુણ્યના ચોપડા ને, મુકો બધી  ધમાલો રે

 

ભાગમાં આપણે  ધંધો કરીએ, કોન્ટ્રાકટ પદ્ધતિ લાવો  રે…નેતાજી  તો…(૫)

 

મારા  જેવા  હોય  અહી  તો,  એમની  મીટીંગ  બોલાવો ને

 

એક  પાર્ટી અહીજ બનાવીને, મને હાઈકમાંડ બનાવો રે…નેતાજી   તો…(૬)

 

ભાષણ કરવાનું  કામ જ મારું, એ સર્વેને   સમજાવો  રે

 

સ્વર્ગવાળાને  વચનો દેવાના, નર્કવાળાને આવકારો  રે…નેતાજી   તો…(૭)

 

સ્વીસ બેંકમાં ખાતું કરાવું  ને,  તમે  ખાધે જ  રાખો રે

 

બ્રહ્મા-વિષ્ણુ-શંકરને ગણવા નહી, જરૂરે  માફી  માગો રે…નેતાજી તો…(૮)

 

કૈક  થાય  તો   ગભરાતા નહી, છે રસ્તો મારી પાસે રે

 

વિષ્ણુને  વૈકુંઠ મુકાવશું,  પક્ષપલટામાં હું પાવરધો   રે… નેતાજી   તો…(૯)

 

ભાષણમાં હું   ગાંધી  જેવો, ને  કાર્યે ગબ્બર  જેવો   રે

 

ફેશનમાં  તો  જોની  જેવો, ને  ખાધે પીધે પાડા જેવો રે…નેતાજી   તો…(૧૦)

 

બદલી  અને  યોજનાની  સાથે, નાણાં ખાતું  આપો  રે

 

સ્વર્ગમાંથી  નરકમાં ફેરવવાનો , કીમિયો  તો જુઓ  રે…નેતાજી   તો…(૧૧)

 

નેતા થઈને  સભાઓ  ગજવી,  દહેજ વિરોધી નારો  રે

 

પણ દીકરા-દીકરી પરણાવી, લીધો દહેજનો  લ્હાવો  રે…નેતાજી   તો…(૧૨)

 

આ બધું  જ કરું  તમ કાજે, પણ શરત મારી સ્વીકારો રે

 

ચુંટણી  ટાણે  મને  રજા આપી , ધરતી પર મોકલાવો રે…નેતાજી  તો…(૧૩)

 

હાઈકમાંડ  અને  પ્રમુખને હું,  પગે પડી   સમજાવું   રે

 

સગા -સબંધીને  ટીકીટ અપાવું, ફંડ  નો લાગ  સારો રે…નેતાજી   તો…(૧૪)

 

સાભળીને  ચિત્રગુપ્તજી  બોલ્યા, આને હનુમાનને સોંપો રે

 

ગદાથી જ  ગદડાવો  પછી,  હાડકાં તોડી ઉધો લટકાવો  રે… નેતાજી તો…(૧૫)

 

આ તો “સ્વપ્ન“ના શમણાની, એક  રામ   કહાણી  રે

 

સાંભળી  છે  મેં  તો ,  ચિત્રગુપ્તના મોઢાંમોઢ  વાણી રે … નેતાજી તો… (૧૬)

 

============================================================== 

 

  ” સ્વપ્ન” જેસરવાકર   

 

સનેડો હો લાલ સનેડો…. કટાક્ષ કાવ્ય

 
સનેડો હો લાલ સનેડો…. કટાક્ષ કાવ્ય

 

==========================================

 

મિત્રો નવલી નવરાત્રીમા રૂમીઝુમીને ગરબે મહાલ્યા.

 

હવે શરદ પૂર્ણિમા આવશે તો ચાલો શરદના રાસ રમવા 

 

એક નવતર પ્રકારનો સનેડો માણીએ….

 

=========================================
 
સનેડો સનેડો સનેડો  હો લાલ સનેડો
 
સમજી વિચારીને હાંભળજો રાજ લાલ સનેડો………………..હો રાજ સનેડો
 
ગુણલા ગાવો  બાપુના ને ગાંધીજીએ એ રાખી લાજ
 
અંગ્રેજોને હચમચાવ્યા ને, એમણે આંચકી લીધાં છે રાજ…….હો  રાજ સનેડો
 
ભાઈ ઓ ભાઈ બરાક ને તમે સાંભળો ને વાત જરાક
 
મંદીનો માર ઝીલાય  નહિ,  હવે   મિશેલ કહે ઓ-ભામા………હો રાજ સનેડો
 
ઝરદારી તો ઝકડાઈ ગયા ને પડ્યો છે બે બાજુનો માર
 
સેના આઈ.એસ.આઈ ગાંઠે નહિ, હવે  ગાદી ખોવાનો સાર………હો રાજ સનેડો
 
કેમરૂન તો ક્રોધે ભરાયા ને બ્રિટન બની ગયું છે  બેહાલ
 
સૂર્ય હવે આથમી ગયો   છે, હવે એતો  આજે  તૂટે કે કાલ ……..હો રાજ સનેડો
 
બાંગ્લા દેશમાં બહુ થયું ને સાંભળો શેખ હસીના
 
માગ્યું તે આપ્યું છે અમે, હવે તમે ના બનશો કમીના………….હો રાજ સનેડો
 
ગદાફી તો ગાંડો થયો ને ખુબ કર્યો છે નર સંહાર
 
આંતર વિગ્રહ ફાટી નીકળ્યો, એણે હવે છોડ્યા ઘરબાર ……….હો  રાજ સનેડો
 
નેપાળમાં પાળ બંધાઈ  ને પ્રગટ્યું છે માઓ રાજ
 
રાજાશાહી ખતમ થઇ ,જોજો તમે  પ્રજા થાશે તારાજ …………હો રાજ સનેડો
 
દિવાળી તો ડોકિયા કરતી ને ના મળતું  ટીપું  તેલ
 
પ્રજા વલખાં મારે,  આતો વેપારી ને સરકારનો ખેલ ……………હો રાજ સનેડો.
 
સરદાર ને કેમ વિસરીએ એ છે ભારતના  ભડવીર
 
દેશને તો  એક જ કર્યો , એમણે રાજાઓનાં  નમાવ્યા શિર……….હો રાજ સનેડો

 

જવાહરલાલજી  જબરા એમને વહાલું ગુલાબનું ફૂલ

 

શાંતિ દૂત ભલે  થયા ,પણ કાશ્મીરમાં કરી છે ભૂલ……………..હો રાજ સનેડો

 

ગાય શીખે ને સાભળે આ અનોખો સનેડો આજ

 

નર નારી હરખે ભર્યા, ગુણ ગાયે ગોવિંદ રાજ ………………હો રાજ સનેડો.

 

==================================================

 

નોધ-= કોઈ વ્યક્તિ પાસે પૈસા ના હોય અગર કોઈ મહેમાન આવે

 

ત્યારે ઘરમાં ખાંડ કે ચા અગર દૂધ ના હોય ત્યારે ઘરના મહિલા

 

વાત કરતા કહે કે “  હું તો વસ્તુ વિના ઓભાતી હતી

 

આ  ઓભાવું  શબ્દ ચરોતરમાં ખાસ વપરાય છે. એટલે ફસ્ટ લેડી મિશેલ 

 

ઓબામા ને કહે છે….ઓ- ભામા  એટલે કે ઓભાઈશ  નહિ. 

 

===============================================

સ્વપ્ન જેસરવાકર

ભ્રષ્ટાચારની ભૂંગળો….કટાક્ષ કાવ્ય

 

ભ્રષ્ટાચારની ભૂંગળો…….

================================

રાગ:==   સનેડો સનેડો લાલ સનેડો

================================

 

ભૂંગળો ભૂંગળો ભૂંગળો વાગી છે ભાઈ    ભૂંગળો  

 

સાંભળજો ને સમજજો ભાઈ ભ્રષ્ટાચારની ભૂંગળો……..ભાઈ ભૂંગળો  

 

મનમોહનજી ગાદીએ બેઠા ને ચલાવે દિલ્હી દરબાર

 

નાના ભાઈઓ સાંભળે નહિ એતો રોજ કરે તકરાર રે…..ભાઈ ભૂંગળો

 

ચિદમ્બરમ રમે ચલક ચલાણું ને પ્રણવ કરે પોકાર

 

બંને જણા બાખડ્યા કરે  એતો કરતા કાગળ કેરા વાર રે….ભાઈ ભૂંગળો 

 

રાજા કેરું  રજવાડું ગયું  ને દયાનિધિ પણ થયા છે ડુલ

 

કલમાડી કહે હતો હું એકલો ને તિહાડ હવે થશે  ફૂલ રે……ભાઈ ભૂંગળો

 

સોનિયાજી બેઠાં સોગઠાં રમે ને દશ જનપથ દરબાર

 

દિગ્વિજય નિવેદનો કરે ને સજવા રાહુલને રાજકુમાર રે…..ભાઈ ભૂંગળો

 

કૈંક ગયા ને કૈંક જાવાના સુપ્રીમ કોર્ટ કરશે ફટકાર

 

ટુ જી ટુ જી કરતા રહ્યા ને  હવે  જનતા કરશે લલકાર રે…….ભાઈ ભૂંગળો

 

જનતા ને બનાવતા રહ્યા ને કર્યો ભ્રષ્ટાચાર ભારોભાર 

 

કોર્ટ કરશે મોઢું   કાળું ને  મારશે મરણતોલ માર રે ……ભાઈ ભૂંગળો

 

ગાય શીખે ને સાંભળે આ ભ્રષ્ટાચાર ભુંગળોની ભરમાર 

 

ભારત માતનો એ સાચો ભક્ત ‘સ્વપ્ન’ થશે સાકાર રે……ભાઈ ભૂંગળો. 

 

===================================================

 

સ્વપ્ન જેસરવાકર

ગજાનન અને ગોટાળાજન….. કટાક્ષ કવન

================================

 

 ===============================================================================

 

ગજાનન ગણપતિ દાદા  ,  તમે પધારો જરૂર  હરેક  વરસે,  

 

અમારા પ્રતિનિધિઓ  પણ ,  પધારે   જરૂર  પાંચેક   વરસે .

 

તમે તો  અમારા  આરાધ્યદેવ,  અને  છો  આપ  વિઘ્નહર્તા ,

 

આ તો  બની બેઠા  અમારા માલિકો, અને કાયમ દુઃખ દેતા.

 

 

=========================================================================

 

આપ કદીયે ના માગો કશુંયે,  માનવ યથા શક્તિ ભોગ ધરતા,

 

અમારા  આખલાઓ  રોજ ખાતા, ને કોઈક વાર તો માગી લેતા.

 

આપને લાડુના  ભોગ ધરાવીએ તો,  પ્રસાદી  ભોગથી ખુશ થાતા,

 

આ  વિચક્ષણ પ્રાણીઓ  તો, નાણાં પ્રસાદ વગર સહેજ ના ધરાતા.

 

===========================================================================

 

આપ ના દર્શન બહાને તેઓ , પંડાલમાં  રોજ  આંટા  જરૂર   મારશે,

 

આવે  એ  આરતી પ્રસાદ ટાણે, માઈક લઈને પાછા ભાષણ ભરડશે.

 

તમારા સેવા  ગુણો તો બાજુ પર, પક્ષની વાહના ચમકારા ચમકાવશે,

 

પોતાની કે નેતાની  પ્રસંશા  કરતા સુત્રો  શોધી એમના બોર્ડ જ મુકાવશે.

 

 

===========================================================================================

 

આપની શોભા યાત્રામાં, ભક્ત જનો ઢોલ ત્રાંસા દુંદુભી વગાડી નાચે,

 

આમની મુલાકાત યાત્રામાં નાચે  ચમચાઓ, અને પ્રજાને પણ  નચાવે.

 

આપને  ધૂપ દીપ અબીલ ગુલાલ , ચઢે ને  ભક્ત જનો હાર  પહેરાવે,

 

આતો હાર ખરીદી લે ને પાછા,ચમચાઓ  થકી  પ્રજા  દ્વારા  પોતે પહેરે.

 

==============================================================================

 

હે ગજાનન ગણપતી દાદા,સહુ નું રૂડું કરતા ને વિઘ્ન સૌ  હરતા,

 

આ સગવડિયા લોકો  જન સેવા,એવા રૂપાળા નામે ખિસ્સાં ભરતા.

 

આપને દર્શને આવી શાંતિ મળે,  આપ હર સમયે  જરૂરથી  મળતા.

 

કોઠા વીંધીએ પત્ની ,પટાવાળો,અને પી.એ પછી જ પ્રધાન  મળતા.

 

=============================================================================

 

સ્વપ્ન જેસરવાકર   ( ગોવિંદ પટેલ )

મૂષક પરિષદ….વ્યંગ બાણ..કાવ્ય

 

 

 મૂષક પરિષદ ….વ્યંગ બાણ… કાવ્ય

 

==============================================

 

 

 

=================================================

 

 

=====================================================

==================================================

 

 

     ચિત્રો માટે ગુગલનો આભાર…..

 

 

================================================

 

ભરત ખંડે દાદ  અરણ્યે ખોખલા પર્વતે  મૂષક પરિષદ 

 

ભેગા થઈ અસંખ્ય મુષકોએ ઝડી લગાવી કરી ફરિયાદ

 

હે મૂષક રાજા આપ તો કહેવાઓ વાહન ગણ નાયક

 

ખાઉધરા ને ફોલી ખાનારા કહી વગોવે કવિ ને  લેખક

 

બહુ તો અમે અનાજ ખાઈએ કદી કપડાંનો વારો આવે  

 

અમારા કરતા નેતાઓ ,અમલદારો વધુ ફોલી ખાવે

 

ક્યાંક રેલ્વેનાં વેગન ખાયે ક્યાંક જમીનો ને હડપાવે 

 

ટેલીકોમ ને સોસાયટી ખાય  રાષ્ટ્ર ખેલમાં  રમકાવે

 

જી ટુ સ્પેક્ટ્રમ હોય કે જવાનોના કોફીનને ઓડકાવે  

 

લોખંડ,ખાતર,સિમેન્ટ,ઘાસચારાનો ઓડકાર  ના આવે

 

પગાર ભથ્થાં ઓછા પડે હજુ લુંટવા લાલ લાઈટ માંગે

 

દેશમાં ટોલ ટેક્સ ભર્યા વિના રખડવાના પરવાના માંગે

 

અમલદારો ફાઈલો ખાય ને  અમને ઉંદરને  દોષ અપાવે

 

નેતા અમલદારોની કાતર આગળ અમારો શો ભાવ આવે ? 

 

આ “સ્વપ્ન” ને આવે સપના જાતજાતનાં બધાને વગોવે 

 

 ગઈ કાલે વાંદરાને લીધા હડફટે  હવે અમને ભેખડે  ભરાવે.

 

============================================

 

સ્વપ્ન જેસરવાકર  (ગોવિંદ પટેલ)

એક હતો ઓસામા …કટાક્ષ કાવ્ય

 

 

એક હતો ઓસામા…. કટાક્ષ કાવ્ય

==============================

 

 

 

 

એક હતો ઓસામા…. કટાક્ષ કાવ્ય

==============================

 

મિત્રો શ્રી અશ્વિનભાઈ પટેલ ( ઈસરામા) તરફથી એક મેઈલ મળ્યો.

 

તેને જરા વ્યવસ્થિત કરીને આ રચના મુકેલ છે.

 

===============================================

 
એક હતો “ઓસામા”

 

પડયો મોટા “લોચામાં”

પાડયા ટાવર “અમેરીકા” માં

પછી ભાગ્યો “ગુફા” માં

બોમ પડયા ગુફા માં

તોય બચી ગયો ઓસામા

 

પાકિસ્તાન કહે આવતો રહે ને અહિ રે “મોજ” માં

કોઇ નહી આવે અહિ તારી “ખોજ” માં

ત્યાં  આવિયો “ઓબામા”

અક્ક્લ હતી  એ “ડોબા” માં

ગોતી લીધો  ઓસામા

 

ગોળી મારી  દીધી  ”માથા” માં

અને નાખી દીધો  ”દરીયા” માં

મરી ગયો ઓસામા

રાજી થયો ઓબામા

 

બધાયે જોયુ “ટી.વી” માં

 

લાઈટ બીલ ચડયું  ”નફા” માં

 

બાકી તમે કેમ છો??? “મજામા”"?!!

 

===============================

 

સ્વપ્ન જેસરવાકર  (ગોવિંદ પટેલ)

 

 

 

 

 

 

 

 

લાલજી મોહનની રમત… ( વ્યંગ કાવ્ય )

લાલજી મોહનની રમત..( વ્યંગ કાવ્ય )

=========================================================================

                                      કાર્ટુન ચિત્ર માટે ગુગલનો આભાર

==========================================================================

લાગ્યો રમતનો રંગ જામ્યો  હતો ક્રિકેટનો જંગ

હરખતું  હૈયું ને ઉછળતો  દિલમાં જ એક  ઉમંગ

લાલજી ને મોહન  વિચારતા કાતરિયામાં પેઠા

કઈ રમત રમાડવી બધાને એ  વિચારવા  બેઠા

ક્રિકેટમાં આપણું ગજું નહી દોડવાનું જ ના  ફાવે

કુશ્તીમાં પટકવા માટે  ખલી ને  દારસીગ ઝુકાવે

લંગડી કે ખોખોની અનોખી મઝા એક બીજાને ઝાલે

લડે ઝઘડે આપણી સેના ને આપણું મુખ મલકાવે

આપણે  બેવ મુખોટા ને બેય  નારી  મોરચા સંભાળે

મીરાં છોકરી સીધી સાદી નિર્ણાયક ભૂમિકા બજાવે

તમે કહો જી મેડમ અને મારો ભાવ કોઈ ના પૂછે

આવ હરખા આપણે બેવ સરખા કહી  આંસુઓ  લુછે

આપણે રામ રાવણ તો કદી દુર્યોધન અર્જુન બનવું

લડ્યા કરે આપણી સેનાઓ ને આપણે જોયા કરવું

દિવસ આખો આમ ઝઘડા ઝઘડીમાં પસાર કરવો

સાંજ પડે ભાડા ભથ્થાંનો ભેગા મળી હિસાબ કરવો

દેશની મિલકત કે નાણાંને  પોતીકું ગણીને જ  રહેવું

છે ખાનગી સમજણ આપણી સેના જનતાને ના કહેવું

==============================================================

સ્વપ્ન જેસરવાકર   ( ગોવિંદ પટેલ )