મુક્તકો……….

—-પ્રિય મિત્રો—– આપણા દેશની અત્યારની પરિસ્થિતિને

 

અનુરૂપ થોડા ‘ મુક્તકો ‘  રજુ કરું છું. આશા છે આપને ગમશે .

 

============================================================

 

               મુક્તકો

=============================================================

 

 

 

 ગરજતી ને વરસતી આ ચુંટણી સભા જોવા દે

 

આક્ષેપબાજી નારા દ્વારા વ્યક્ત થતી વ્યથા જોવા દે

 

સળગી રહી છે સરહદો ને, વિલાઈ ગયું  છે ‘સ્વપ્ન’

 

આઝાદ હિન્દુસ્તાન ની થયેલ આ દુર્દશા જોવા દે

 

=====================================================

 

 

 

 કૌભાંડો ને ગોટાળા જેવું રાજકારણ છે આપણું

 

લોકો ભલે પાડતા બુમો, પણ આ રાજ છે આપણું

 

ચુંટણી ટાણે દઈ ભેટ અને વચનોનું ‘સ્વપ્ન’

 

પાંચ વરસ ચરી ખાવાનું આ ખેતર છે આપણું

 

======================================================

 

 

 

  સરવાળો કર્યો છે એમણે હમેશાં કૌભાંડોનો

 

ગુણાકાર ગણ્યો છે એમના બેનામી  ખાતાંઓનો

 

ભાગકારનું ‘સ્વપ્ન’ છે એમનું આ દેશની સરહદોનું

 

બાદબાકીમાં ગણી લીધું છે  એમણે  આપેલા વચનોનું

 

 

========================================================

 

 

 હિન્દી ને રાષ્ટ્રભાષાના ગૌરવભર્યા સ્થાને જુઓ

 

વિજ્ઞાનને વિશ્વનામના ના અગ્રેસર સ્થાને જુઓ

 

ઈતિહાસને યાદ કરોને આઝાદીના આંગણે   જુઓ

 

ભૂગોળ અને   ભૂમિતિને અખંડીતત્તા  તાંતણે જુઓ

 

ગણિત ગણો પણ લોક કલ્યાણના નાદ ને જુઓ

 

વ્યાકરણમાં વીંટળાઈ ને માનવતાને આબાદ જુઓ

 

રમત રમશો નહિ કદી કચ્છ કે કાશ્મીરના ‘સ્વપ્ન’ પર

 

ભાગલા છે ભાષાના પણ મરશું અખંડ હિંદના નામ પર

 

============================================================

 

સ્વપ્ન જેસરવાકર    ( ગોવિંદ પટેલ )

મુક્તકો……..

                   મુક્તકો …..

===================================================

પોસ્ટ તણા  પ્રેમની છે આ અનોખી   વાત એવી,

પધાર્યા પ્રેમથી પણ સ્વાગત કરી શક્યો જ નહિ.

ગીત, ગઝલ, લેખ,,ટુચકા, મજાક કે બીજું કંઈ પણ,

આપને રૂબરૂ  મળીને  પીરસી  શક્યો પણ જ નહિ .

========================================

વીત્યાં બાળપણ યુવાની ને ઘડપણનો આવ્યો આરો,

ને જવાબદારીના બોજમાં જિંદગી  તો દબાઈ   ગઈ.

હસવું, રડવું, લડવું, ઝગડવું ક્યારેક રીસાવું ને મનાવું,

ગમે તેમ તોય એ લાખેણી જિંદગી  તો જીવાઈ ગઈ.

=========================================

ઝંઝોળી  ઝાકળ  ને એક દિ જોયું  જ હતું 

એક  સોનેરી  સોણલું  હરતું  ફરતું  જ દેખાયું.

નીરખવા ગયો  જ્યાં વધારે ત્યાં  તો એ ,

એકલું એકલું અધૂરું  ઝબુક્તું  રમતું  જ દેખાયું.

==========================================

હતા એક પિતામહ ભીષ્મ જેની પ્રતિજ્ઞા વખણાય છે,

ભાઈના માટે હસ્તિનાપુરની ગાદી પણ છોડી જાય છે.

શું  જમાનો આજે  છે  આ હળાહળ કળીયુગ જ  કેરો,

આજ જ્યાં જુઓ ત્યાં શકુનિઓનો વહીવટ દેખાય છે.

==========================================

 

સ્વપ્ન જેસરવાકર   ( ગોવિંદ પટેલ )

મુક્તકો…….

         મુક્તકો ……

====================================

 

ચાલતાં  જ્યાં પડછાયો તમારો પડતો  હતો,

 

પાગલ હતો  હું  એ જ  જમીનને  ચૂમતો  હતો.

 

પણ ક્યાં હતી  તમને કદીય ફિકર  લાગણીની ,

 

હું તમને  જીવનમાં  ક્યાંય  પણ નડતો  હતો.

 

==============================================

 

 

જીવન  જીવવાની  કળા તમારી  અજબ  છે,

 

પ્રેમના ઢોંગ  કરવાની તમારી કળા ગજબ છે.

 

તમારા પ્રેમ ખાતર બદનામી  ભોગવી જેણે,

 

તેને  તરછોડવાની  કળા પણ  લાજવાબ  છે.

 

===============================================

 

સ્વપ્ન  જેસરવાકર     ( ગોવિંદ પટેલ )