દુર દર્શન અને પાસ દર્શન … (કવિતા)

દુર દર્શન અને પાસ દર્શન … (કવિતા)

                                                                 ===============================

વર્ષો જૂની એક એવી દિલની  કહાણી સંભળાવું છું

દુરદર્શન ને પાસ દર્શનની પ્રેમ કહાણી જણાવું છું

આવ્યું દુર દર્શન જયારે આનંદ થયો તો મનમાં

મન મારું મોર બનીને નાચવા લાગ્યું તન મનમાં

દિલમાં તો  વસંત ખીલતી તમને  જોઈને  તનમાં  

ખીલતા પુષ્પની  જેમ જોઈ તમને હું હરખાતો  મનમાં

જોઇને એન્ટીના તમારું  ઉચે નજર કરી લઉં  છું

 વાવાઝોડામાં  ડોલતું જ  જોઈ ગભરાઉં જાઉં છું

જમાનાની ઝાલિમ  નજરો પણ પડતી લાગે છે

હાલત પણ એવી થાય કે  નજરોની ગોળી વાગે છે

પાસ દર્શનની તો ક્યાં નવાઈ કાયમ પાસે છે

 કડવા શબ્દોની મિસાઈલ એ  હરદમ નાખે છે

ભૂલેચૂકે નીકળે જો  વાત તમારી રુદન રોકાતું નથી

સમજાવું   લાખવાર તોયે એમને કશું સમજાતું નથી

વેપારની અદમ્ય ઈચ્છાઓને મનમાં બાંધી રાખીતી  

પાસ દર્શન , દુરદર્શનના શેરની લોટરી બહાર પાડીતી

વેચાયા તમારા તો થોડા, ના પાસ દર્શનના ખરીદનાર મળ્યા

પાંખડીયો ફૂલની સુકાયેલી જ એમની, તમારાં તાજાં નીકળ્યા  

લખીને કાગળ તમને સર્વેની વાત જણાવું છું હું

દુર દર્શન અને પાસ દર્શનનો ભેદ જણાવું છું હું

દુર દર્શન એટલે પ્રેમિકા ને પાસ દર્શન એટલે પત્ની 

 પ્રેમની પૂજા ઘણા માને છે કે ભાઈ ભજીયા સાથે ચટણી

આ વાત સાથે તમને સમજાવાનું એજ કે  જીવનમાં આવું  બનતું

સમજી ગયા તે શાણા ને ના સમજે તેને આવું કાયમ જ  નડતું

ઈચ્છા  મારી એ છે કે પ્રેમનો પવિત્ર દિવસ આવે

સહુ કોઈ એમને પ્રેમ પુષ્પોની ભેટ દઈને વધાવે

વેલેન્તાઈન દિવસ જીવનમાં હર રોજ ઉજવાય

પ્રેમીઓના પ્રેમજીવનની કહાનીઓ રોજ લખાય

શબ્દો થકી વધાવ્યા તમને એજ આશિષ આપું છું

પ્રેમ તમારો પવિત્ર બને જગમાં એ આશા જગાવું છું

ફૂલ સરીખું જીવન મહેકાવો તો પ્રભુ પ્યારા મળશે

જગતના  મુક્ત પ્રેમની જગ  ગગને  કહાણી બનશે

=============================================

સ્વપ્ન જેસરવાકર     ( ગોવિંદ પટેલ )

ભારતની ગૌરવ ગાથા….. ( કવિતા)

  

=====================================================================

                          ભારત થી   અમેરિકા  એક  પત્ર ………….

  

========================================================

  

 (  અમેરિકાથી એક  પત્ર ” અમેરિકાની ઝાંખી” ના  જવાબમાં જેસરવાથી એક

  

 પત્ર જેનું   સ્વપ્નની કલમે ” ભારતની ગૌરવ ગાથા ” સ્વરૂપે  અંકિત  થયું…….

  

=======================================================

    (  રાગ=…..   આંધળી  માં નો  કાગળ ……

=================================================

 

ભારત છે  દેવતાઓની ભૂમિ  થયા ઋષિ, મુનિ ને સંત

 

એવી  આધ્યાત્મિકતા  ધરતી પરથી  દીપેશ લખે ખત

 

                                            ભાઈ  મારો  છે  નોર્વોક  ગામે 

 

                                            બ્રિજેશ  જેસરવાકર  જ   નામે

 

રામ- કૃષ્ણ- બુદ્ધ – નાનક  ને  થયા  છે   મહાવીર   સ્વામી

 

હનુમાનજી -જલાબાપા- સાથે કબીર ને સહજાનંદ સ્વામી

 

                                         સવાર-સાંજ આરતી કીર્તન થાયે

 

                                         ભક્તિ ભાવમાં સૌ તરબોળ દેખાયે

 

સૂર્ય -ચન્દ્ર- અગ્નિ -ધરતી , પવન  સાથે  જ ગૌ માતા

 

મહેનત પ્રમાણે આપે છે સૌને, ઉપરવાળો જ અન્નદાતા

 

                                        ગંગા- જમના- ગોદાવરી ને  સરસ્વતી

 

                                        તાપી- નર્મદા- મહી   ને   સાબરમતી

 

આ ધરતી   પર  તો  માનવતા , છે એક રૂડી  ચીજ

 

આવેલાને  ને આવકાર  આપે ઈજ્જતની  છે  બીક

 

                                        ભૂખ્યાને તો એ  જરૂર ભોજન કરાવે

 

                                        મુશીબત ના  ટાણે  એ દોડી ને  આવે

 

સંસ્કૃત  તો છે   ધર્મની  ભાષા, અંગ્રેજી વેપારે વપરાય

 

હિન્દી તો છે રાષ્ટ્રભાષા,પણ ગુજરાતીએ  વિવેક  દેખાય

 

                                      તમારે  ત્યાં પાણીના  પૈસા  લેવાય

 

                                      અહી  તો મફત  પરબો   જ મંડાય

 

ઝાંસીની  રાણી-  તાત્યા ટોપે  થયા  બહાદુરશા   ઝફર

 

સ્વતંત્ર સંગ્રામના સેનાનીઓ, કુરબાની ની કરી સફર

 

                                      વિક્રમ થયો  છે પરદુઃખભંજન  રાજા

 

                                      રાણા  પ્રતાપ  ને    શિવાજી મહારાજા

 

આ  દેશની  ધરતી પર થઈ ગયો   એક  જ  ફકીર

 

આફ્રિકાની ભૂમિ પર ફેક્યું  એણે સત્યાગ્રહ  કેરું   તીર

 

                                     સાબરમતી   કેરો   એ સંત જ  કહેવાયો

 

                                     અહિંસા ના  રસ્તે   એ   આઝાદી  લાવ્યો.

 

ભગતસિહ, આઝાદ, મોલાના, ટીળક, લાલ,બાલ, પાલ

 

શાસ્રી,  સુભાષ,  નહેરુ,  ને  સરદારે  તો કરી  છે કમાલ

 

                                     બારડોલીમાં  અંગ્રેજ  હકુમત  હચમચાવી

 

                                     અખંડ  ભારત  કેરી  જુઓ   ધુણી  ધખાવી

 

ગેટ વે ઓફ  ઇન્ડિયા  મુબઈમાં, ને કલકતામાં બ્રીજ હાવરા

 

કુતુબ, લાલ કિલ્લો  દિલ્હીમાં , ને   તાજ  મહાલ તો  આગરા

 

                                     આણંદની ઓળખ શ્વેતક્રાંતિ  છે   અમુલ  ડેરી

 

                                     રથયાત્રા   માટે  મશહુર અમદાવાદ ને   પૂરી

 

ગ્વાલિયર   ને   વડોદરા   તો  ભાઈ,  શ્રીમંત   રાજવી  કેરાં  શહેર

 

અજન્તા – ઈલોરાની  ગુફાઓ, સાથે જુઓ  લખનૌ કેરી  જ  લહેર

 

                                     જયપુર  ને  તો  કહેવાય  છે ગુલાબી   નગર

 

                                      ભોપાલ,પટના, બેગ્લોર, મદ્રાસ, ને અમૃતસર

 

અમેરિકા- રશિયા- ઈંગ્લેડ-   કેનેડા  , ફ્રાંસ   સિંગાપુર ને પાકિસ્તાન

 

ભારતને જ  માતા  કહેવાય  ભાઈ,    ના દુબઈ  ચીન   કે  જાપાન

 

                                     સમર્પણ  ની  ભાવના  હરદમ   શીખાયે

 

                                      કાયમ  પડોશી  રાષ્ટ્રો ની   મદદે  જાયે.

 

ભારત  છે  ભવ્ય  ભૂમિ ને ભવ્ય  સંસ્કૃતિનો વારસો  જ   ગણાય

 

એક  દિ   દુનિયાને   જરૂર દોરશે,  ને   જગતનો   તાત જ  થાય

 

                                       ભારતની   ગૌરવ ગાથા  દુનિયામાં  ગવાય

 

                                       એક  વાર ” સ્વપ્ન “ની પાંખે બેસવાનું થાય

==============================================================

 

      સ્વપ્ન  જેસરવાકર    ( ગોવિંદ  પટેલ )

નવા વર્ષનો રંગ બ્લોગ જગત સંગ… ( કવિતા )

 

 

નવા વર્ષનો રંગ બ્લોગ જગત સંગ… ( કવિતા )

 

=====================================================

( ૨૦૧૧ ના વર્ષાગમને આપને અભિનંદન. આ વર્ષે આપની

 

મનોકામના સફળ થાય અને બ્લોગ જગતમાં આપને અદકેરું

 

માન મળે.આજના પ્રભાતે આપના બ્લોગને વધામણા અર્પવા

 

 બ્લોગના નામ સાથે કાવ્ય રજુ કરું છું. ભૂલ હોય તો

 

પ્રથમથી જ ક્ષમા યાચના કરું છે.)

 

નવા વર્ષના અભિનંદન…. સાલ મુબારક…નમસ્કાર..  વંદન….

 

 ==============================================

 

“કૃપા વર્ષે આપ પર લેખન વિકસતું જાય

 

દેશ પરદેશમાં માન પાન  પામતા જાવ

 

અનોખું મનન ચિતન વધે  પ્રગતિ દિનરાત

 

 અપેક્ષા પૂર્ણ કરી  રીઝશે માં સરસ્વતી માત’

 

=============================================

 

 

 નવા વર્ષના વધામણાં છે સહુને

૨૦૧૧ના વર્ષનાં ભણકાર લાગે છે

 ’ગુજરાતી વિશ્વ બ્લોગ જગત’નો  

દુનિયા ભરમાં ડંકો  વાગતો લાગે છે

‘અસર’ તણાં ઓટલેથી  હવે તો

લેખોના લેખો  ચમકતા લાગે છે

‘આકાશદીપ’ના  ગગનેથી હવે તો

રમેશભાઈ દીવડા જગમગાવતા લાગે છે

‘સાસ્વત પરિચય’ તો છે  સુરેશ જાની  

‘કાવ્યસુર’ ‘ગદ્યસુર’  ગરજતા  લાગે છે

‘કુરુક્ષેત્ર’ ક્યાં અજાણ્યું છે  હવે તો

એની કલમે તીર વછુટતાં લાગે છે

‘લેસ્ટર ગુર્જરી’ છે ઘણે  દુર પણ

દિલીપભાઈ ગઝલો  ગાતા લાગે છે

‘હિરેન બારભાયા’ ના ભૂલાય

ડાયરીના પાનાં  ઉથલાવતાં લાગે છે

‘સાગર રામોલીયા’ની  હઝલ

સરદાર કાવ્યનો રંગ જામતો લાગે છે

‘પી.કે.દાવડા’ સાહેબને કેમ ભૂલીએ

જીવન  અંતરંગને  વર્ણવતા  લાગે છે

‘દશા ની દિશા’ છે જ અપ્રતિમ

જગદીશ જગતને  સમજાવતા લાગે છે

‘ફૂલવાડી’ એ મહેકતાં રહે ફૂલો

શબ્દ ગંગાની ઉર્મીઓ વહેતી લાગે છે

જય  ત્રિવેદી   ક્યાં  ગયા તમે

‘કનકવા’  આકાશમાં ઉડતા  લાગે છે

‘નટખટ સોહમ’ શું ચાલે છે

જોક્સ ને ઉખાણાં મરકતાં  લાગે છે

‘અભ્યારણ’માં ઘૂમ્યો  ચારેકોર

સાવજ  અહીં   તો  ગરજતા લાગે છે

ઉડતો રહ્યો છું  દુર ગગન માંહી

ક્યાંક ‘ચન્દ્રપુકાર’  સંભળાતા લાગે છે

‘જ્ઞાન ઝરણાં’માં વહેતો  રહું છું

કથાઓના ઉદ્દેશ પીરસતા  લાગે છે

‘હાસ્ય દરબાર’ માં પગલા પાડો

હાસ્યના દરિયા છલાકવતા લાગે છે

‘વાત મારી મરજીની’  હોય તો

બક્ષી નામાનાં પાનાં ફરતાં લાગે છે

‘વિજયના ચિંતન જગત’ના દ્વારેથી

નવલકથાઓ   પ્રગટતી   લાગે છે

‘પ્રહલાદ પ્રજાપતિ’ તો પ્રભુનો પ્યારો  

ગીત ગઝલ કાવ્ય  ટપકતાં લાગે છે

‘ગુજરાતી એસ.એમ.એસ‘ની વાતો

તપન દ્વારા   નવા  મુકાતા લાગે છે

‘મારી કલમના આંસુ’ વહેતા રાખું

લાગણી અને પ્રેમ વરસાવતાં  લાગે છે

‘મધુવન’માં શોભા અનેરી

‘ભજનામૃત’માં ભજન ગવાતાં લાગે છે

ટોરન્ટોથી  ‘શબ્દસેતુ ’ સાંધ્યો

ગુજરાતીનું  ખમીર  બતાવતા લાગે છે

‘કવિલોક‘ની કલ્પના છે ન્યારી

નવોદિતોને  આવકારી  ઘડતા લાગે છે.

‘પીયુનીના પમરાટે’  અવનવું ,

જીવનના સંભારણાં  સંભળાતા લાગે છે

‘ગુજરાતી વિશ્વ’ નું આગણું અનોખું

નવી માહિતી તરત આપતા લાગે છે

‘રાજુલના મનોજગતે’  આવી જુઓ

છિન્ન  નવલકથાને   મુકતાં  લાગે છે

વ્યક્ત કરે છે જૂની નવી વાતો

‘અભિવ્યક્તિ’ વ્યક્ત   કરતાં  લાગે છે

છે હજારો ઈચ્છાની જુઓ યાદી

‘મારા વિચારો મારી ભાષામાં’ કહેતાં લાગે છે

‘પરમ સમીપે’ પધારી તો જુઓ

આજની ખાટી મીઠ્ઠી   નોધતાં લાગે છે

જુગલકિશોર  કાકાની શાન અનેરી

‘net-ગુર્જરી ’ થી ગુજરાત ગજાવતા  લાગે છે

‘કવિતાનો ક’ છે મસ્તાનો

શેર,શાયરી ગઝલ લલકારતાં લાગે છે

નવીન શરૂઆત ‘માધવ મેજીક’ ની

ચિત્રો, લેખો ક્રિકેટ  રમતાં લાગે છે

‘પ્રત્યાયને‘ છે ભરપુર ગઝલો

પંચમ તો પંચમ સુરે ગાતા લાગે છે

‘મન માનસ અને માનવી’

માતૃદેવો ભવ ને સજાવતાં લાગે છે

‘શબ્દોનું  સર્જન’ છે નવીનતમ

કસુંબલ ગીતોનો વૈભવ માણતાં લાગે છે

‘માં ગુર્જરીના ચરણે’ આવો ને

વિવાહ સંસ્કાર વિધિ સંપન્ન  થતાં  લાગે છે

‘ગુર્જર કાવ્ય ધારા’ વહેતી તો

કૈક કવિઓની ગઝલો   ગાજતી લાગે છે.

‘વાંચન યાત્રા’ માં જોડાઈ  વધારો

મારા પ્રતિભાવોનો ભાવ જાગતો લાગે છે

‘ગુજરાતી કવિતા અને સંગીત’

અછન્દાસ કવિતા ગીત-ગઝલ ગાતા લાગે છે

‘આપણા ઉમરેઠ’ માં આવી જુઓ

વિવેકથી સમાચારો તાજા મુકતા લાગે છે

‘ગંગોત્રી’ના દર્શને આવો એક વાર

આદ્યાત્મિક વિચારોનું ઉદભવ સ્થાન લાગે છે

‘મિતાના મનોમંથને’  વિચારો તમે

સમાજ ઉપયોગી  જાણકારી  માણવા લાગે છે

‘લય શિલ્પ’ ને માણતા  જાઓ

શબ્દ થઈને  એ ઝળહળતા  લાગે છે

‘ઋષિ ચિન્તનના સાનિધ્યમાં’ બિરાજો

માં ગાયત્રી કેરા  ઉપદેશ ગાવા  લાગે છે  

ના ભૂલાય  ‘જયકાંત જાની’ ને તો

કાવ્યો ટુચકા ને કાયમ હસાવતા  લાગે છે

‘ગાંડા વલ્લભ’ નું જ્ઞાન અનેરું

દેશી  આર્યુવેદ  ઉપચાર બતાવતા લાગે છે

‘ગુજરાતી સંસાર’ ને ના ભૂલશો 

ટેકનોલોજી ના નવા રસ્તા દેખાડતા લાગે છે

‘શકીલ મુન્શીના બ્લોગ’ ને માણો

ફોટોગ્રાફીની જન્મ કુંડલી બતાવતા લાગે છે

‘ગીરીશ પરીખ’ નો બ્લોગ જ સુંદર

આદિલના શેરોનો આનદ  લુંટાતો  લાગે છે

‘મારા સર્જનમાં’ છે અનોખી વાતો

ચિંતન,પરિચય પ્રાસંગિક લખતા લાગે છે

‘ દાદીમાં ની પોટલી’  છોડી જુઓ

અશોકકુમાર કૈક નવીન  કહેતા લાગે છે

‘વાહ ગુજરાત’ કેરી આભા અનેરી

સાયબર વિસામો નવું પીરસતો લાગે છે

‘શિક્ષણ સરોવર’ માં મારી ડૂબકી

જ્ઞાન ગણિત ભૂમિતિ ગણાવતા લાગે છે

નિહાળ્યા કરજો ‘ શિક્ષણાકાશ’  ને

શિક્ષણની  અલભ્ય માહિતી મૂકતા લાગે છે

અનેરો બ્લોગ છે ‘માર્કંડ દવે’  નો

ગીત સંગીતના સુરો મધુર લહેરાતા લાગે છે  

‘રમેશ ચૌહાણ’ ની દિલેરી જુઓ

‘અનુભૂતિ’ દ્વારા હૈયાને ડોલાવતા લાગે છે

‘અંતર નું આંજણ’ તમે આંજી લ્યો

હાસ્ય કવિતાના ફુવારા ઉડાડતા લાગે છે

‘ગરવા ગુજરાતીઓનું નેટ  જગત’ અનોખું

કાવ્ય,લેખ ગઝલના સંદેશ મોકલતા લાગે છે

‘ભરત  સૂચક’  ને કેમ  કરી ભૂલાય

‘ગુજરાતી’ કેરો પાયો એનો ગાજતો લાગે છે

‘પરાર્થે સમર્પણ’  ભાંખોડિયાં  ભરતું

આપ સહુના પ્રેમને નમસ્કાર કરતો લાગે છે

હક્ક  પુરેપુરો આપ સહુનો ‘ગોવિદ’ પર

રહે ના સીધો તો ટોકવાનો હક્ક પણ  લાગે છે  

વડીલોના આશીર્વાદે ને  મિત્રોના સથવારે

‘પરાર્થે  સમર્પણ’ આપ થકી  વિકસતો લાગે છે

 ===========================================

સ્વપ્ન જેસરવાકર   ( ગોવિંદ પટેલ )

અમેરિકા ની ઝાંખી…..(કવિતા)

 

       અમેરિકા ની ઝાંખી…… ( કવિતા )

=====================================================

    અમેરિકા થી ભારત એક પત્ર

==================================================

અમેરિકાની ભૌતિક સુવિધાઓ= ઉચ્ચારો=પદ્ધતિઓ સ્ટોરો= અણુશસ્ત્રો =

 

જોવાલાયક સ્થળો =શહેરો=બેકારી-શાસન પદ્ધતિ= તેમજ મંદિરો અને

 

ભક્તિભાવનું વર્ણન કરતો પત્ર …….

==================================================

(રાગ ………….. આંધળી માં નો કાગળ …………..)

 

===================================================

 

અમેરિકા છે અજાયબ ધરતી , વિશ્વ મહાસત્તાનો ખંત

 

એવી ભૌતિકતાની ધરતી પરથી, ગોવિંદ લખે ખત

 

                                                          ભત્રીજો મારો જેસરવા ગામે

 

                                                          દીપેશ ચીમનભાઈ નામે

 

કોમ્પુટરરાઈઝ પદ્ધતિ બધી જગ્યાએ જોવા જાણવા જેવું

 

રણગાડી-વિમાનો-રડાર- ને મિસાઈલ એ અચરજ કેવું

 

                                                         આ તો અણુશસ્ત્રોનો ખજાનો

 

                                                         માનવી તમે માનો યા ના માનો

 

આ દેશમાં પેટ્રોલ બળે ને , પાણીની જેમ મોટર ફરે

 

આખો દિવસ એ ગાડીમાં ફરે ને પછી એ વોકીગ કરે

 

                                                           માઈલ ને એ માયલ કહાવે

 

                                                          ઓઈલ ને એ ઓયલ ગણાવે

 

સ્વીચો ઉધી , રસ્તા ઉધા અવળા છે દિન અને રાત

 

મેટ્રિક પદ્ધતિ દુનિયામાં આવી, આણે ના માની વાત

 

                                                          હજુ પણ પાઉંડ , રતલ ચાલે

 

                                                         ગેલન – ઔસને એ ના ભુલાવે

 

રાલ્ફ -આલ્બર્ટસન – આલ્ફબીટા – વિવા ને છે લકી

 

દરેક વસ્તુ પેકેટમાં જ મળે ને છાપેલા ભાવજ નક્કી

 

                                                          ટાર્ગેટ – માર્વીન્સ – ને સિયર્સ

 

                                                         પ્રાઇસ ક્લબ ને હોમ ડીપો સ્ટોર્સ

 

પટેલ બ્રધર્સ -ઇન્ડિયા ફૂડ ને ગીફ્ટ , ગણેશ ગ્રોસરી કહેવાય

 

પાયોનીયર પર સુરતી ફરસાણ ને કેશ એન્ડ કેરી ના ભૂલાય

 

                                                          અરટેશિયામાં તો લીટલ ઇન્ડિયા દેખાય

 

                                                          જયાં સાડી-  ઝવેરાત ને મીઠાઈ વેચાય

 

રાધાકૃષ્ણ- અક્ષર પુરશોતમ- ને માલી બુ નું મંદિર જણાય

 

આઈ, એસ .એસ ઓ થકી નવું સ્વામીનારાયણ મંદિર બંધાય

 

                                                          ભક્તિભાવ ને ઉત્સવમાં રસ અનેરો

 

                                                          ગરવો ગુજરાતી વેપાર-ગરબામાં શૂરો

 

દુરથી ડોલર ચકરડા જેવો ને એક ના ત્રીસ દેખાય

 

પણ ડોલર લેતા દમ પડે છે અહી ચીસ પાડી જવાય

 

                                                          અહી પણ છે બેકારોની મુશ્કેલી

 

                                                          વિશ્વ મંદીની જાણે ચઢી છે હેલી

 

મેજિક-માઉન્ટએન,ડિઝનીલેન્ડ ને સાનફ્રાન્સિસ્કોમાં ગોલ્ડન ગેટ

 

ન્યુજર્સી, શિકાગો, બોસ્ટન , અલાસ્કા ને હવાઈ ટાપુ ના છે બેટ

 

                                                          ન્યુયોર્કમાં છે સ્વાતંત્ર્ય દેવીની પ્રતિમા

 

                                                          ભાઈ લોસ એન્જલસની છે અનેરી આભા

 

વોશિગ્ટન ડી.સી . માં છે વાઈટ હાઉસ પ્રમુખ શ્રીનું ધામ

 

રિપબ્લિક અને ડેમોકેટ ના સેનેટરો માટે ચર્ચા નો મુકામ

 

                                                          આવી છે અમેરિકા દેશની ઝાંખી

 

                                                          “ સ્વપ્ન “  ને કોઈએ પાંખો આપી

 

 

================================================

 ૪ જુલાઈ અમેરિકાનો સ્વાતંત્ર્ય દિન છે

 

આ ગીત જાન્યુઆરી ૧૯૯૨ માં લખેલ છે

============================================

ભારતની ગૌરવ ગાથા હવે પછી મુકીશ

 

તે ગીત ફેબ્રુઆરી૧૯૯૨ માં લખેલ છે.

==========================================

 

સ્વપ્ન જેસરવાકર      ( ગોવિંદ પટેલ )

ડુંગળી એ તો દઝાડ્યા રે….. ( કવિતા )

ડુંગળી એ તો દઝાડ્યા રે….. (કવિતા )

 

==================================================

 

 ડુંગળીએ  તો  દઝાડ્યા રે

 

પોકાર પડ્યો છે પવાર તારો  દેશ ભરમાં

 

ટામેટાં   તો તરફ્ડાવ્યા રે

 

નફો નડ્યો છે પવાર   તારો  દેશ ભરમાં

 

ડુંગળી તણો  ગાંઠીયો  રે

 

તોડ્યો છે ટાંટીયો અમારો રે   દેશ ભરમાં

 

ગળામાં ગાઠીયો ભરાણો રે

 

તને તો બોલતાં દુખાય  છે રે દેશ ભરમાં

 

ભાવ વધ્યા ટામેટા તણા રે  

 

તું તો ટામેટા જેવો દેખાય રે  દેશ ભરમાં

 

વીસના હવે એંસી થયા ત્યારે

 

શું તને પણ શતકનો વહેમ રે? દેશ  ભરમાં

 

દિલ્હીથી દુબઈ ને દિલ્હી રે  

 

આંટા ફેરામાં કૃષિનું નહી ભાન રે દેશ  ભરમાં

 

ગરીબોની  કસ્તુરી કનડશે રે

 

નહી મળે ઉભા રે’વાનું ધામ રે દેશ  ભરમાં

 

મનમોહન કે મોઘવારી વધારણ

 

પાકિસ્તાનમાં ટામેટાં જાય તો શું રહે દેશભરમાં ?

 

==============================================

 

સ્વપ્ન જેસરવાકર   ( ગોવિંદ પટેલ )

બ્રહ્માંડની અજબ સમસ્યા…

  બ્રહ્માંડની અજબ  સમસ્યા…… ( ગીત-કવિતા )

======================================

               મુક્તક

 

માનવ ઈચ્છે છે જીવનમાં ઉપકારની  જ આશા

 

પ્રભુએ  કદીય મનમાં એવી લાગણી રાખી નથી.

 

સુરજ ચંદ્ર નિત આપે છે  પ્રકાશ આ  દુનિયાને,

 

છતાયે  કદીયે  કોઈ બીલની માંગણી કરી નથી. 

 

===========================================

 

 

બ્રહ્માંડ પણ હવે તો ગુંજવા  લાગ્યું ને

અહીં  તો એકાંતની પળો ઘટી ગઈ છે

જેટ વિમાનોથી  ગાજી રહ્યું  આકાશ ને

ગરુડ  વાહનની મઝા તો મરી ગઈ છે

અગણિત વિમાનો ઉંડે આકાશ  વિષે ને

એર ટ્રાફિક કેરી  સમસ્યા  થઇ ગઈ છે

ટ્રાફિક નિયમન કાજે રડાર  જરૂરી ને

લક્ષ્મીજીને  મંજુરીની ફાઈલ ગઈ છે

બીજા બધી એરલાઇન્સો તો ઠીક ને

એરઇન્ડિયા કૈક આકાશે ભટકી ગઈ છે

તાતા , રિલાયન્સ ને  અરજી કરી ને

કોમ્યુનીકેશનમાં રાજાની જરૂર પડી  છે

પડે ઉપરથી જાય નીચે એ નિયમ ને

નીચેથી મિસાઈલો ઉપર તાકી  ગઈ છે

ચાંદા સુરજના બીલ   ભરતા નથી ને

ચન્દ્ર , મંગળ ઉપર નજર ચોંટી  ગઈ છે

કર્યું છે  પ્રદુષણ પૃથ્વીના ખૂણે ખૂણે ને

વા’લાઓ એ હવે અવકાશે નજર કરી છે

======================================

સ્વપ્ન જેસરવાકર   ( ગોવિંદ પટેલ )

સેન્ચ્યુરીયને શતકીય શમણું …. ( કવિતા)

 

 સેન્ચ્યુરીયને શતકીય શમણું …… (કવિતા)

 

=================================================

 

    “ બેહજાર દશની સાલ ને  કરી  સચિને  કમાલ “

 

ભારતીય જન ગણ મન ના હરેક  નાગરિકના હરખના હુલામણે

 

ભારતીય જન જન દ્વારા અંતરના ઉમળકે  પ્રગટતા આનંદના

 

અવસરે શતકીય વિક્રમ  વિજેતા માસ્ટર બ્લાસ્ટર સચિન ને અર્પણ ….

 

 

=================================================

 

સેન્ચ્યુરીયને શમણાં  આજ  સાકાર થયા છે  રે લોલ.

 

માસ્ટર સચિનનો શતક થયો છે  પચાસમો રે લોલ .

 

આજ ખેલી છે શતકની અર્ધ શતકીય  પારી રે લોલ.

 

ભાઈ ઝૂમવા લાગી  ભારતીય ટીમ તો ન્યારી રે લોલ.

 

જુઓ ધોની ને દ્રવિડ ના વાગ્યા  છે  ધમકારા રે લોલ.

 

ગંભીર ને સહેવાગ કેરા  લાગ્યા છે ચમકારા રે લોલ.

 

ઇશાંત ,હરભજન ને લક્ષ્મણ  તો હેતે  હરખાયા  રે લોલ.

 

શ્રીશાન્થ ,જયદેવ, રૈના ઝબકીને તો જાગીયા રે લોલ.

 

અમલા, કાલીસ, ડીલીવીયર્સ,  સ્મિથ વિચારીયા રે લોલ.

 

સન્ની, કપિલ,રવિ,મદન,ચેતન,મોહિન્દર હરખીયા રે લોલ.

 

ભારત ને જગના ક્રિકેટ પ્રેમીઓ મરક મલકિયા રે લોલ.

 

સ્વપ્ને  આજે સચિન ,અંજલિ , અર્જુનને  વધાવિયા  રે લોલ. 

 

=================================================

 

સ્વપ્ન જેસરવાકર   ( ગોવિંદ પટેલ )

બદલાવવાનું કયું છે કારણ.?

બદલાવવાનું કયું છે કારણ ?………

========================================================

શું  થયું છે માનવીને  આજે ને કેમ બદલાયું છે વલણ,

રોજ ખૂન લુંટ મારધાડ બળાત્કાર કેરું  વધ્યું  છે ચલણ.

રોજ રોજ મનને ઢંઢોળી  વિચારું એક પ્રશ્ન છે  કે , 

માનવીના આ રહેમદિલ બદલાવવાનું  કયું છે   કારણ ?

 

કેવું રૂપાળું આપ્યું   હતું મઝાનું  એક  દિલ તમે નારાયણ,

લાગે કેવો ભલો ભોળો  કયારેક કરે પ્રભુ આપનું પારાયણ.

બનીને સમાજ સેવક પછી  ધરે એ રાક્ષસ રૂપ અનેક,

થોડા રામ હશે  જગ વિષે કેમ હણાશે એ અનેક  રાવણ ?

 

તમે તો વનમાં જાઓ પછી શિકાર કરી મારો છો હરણ,

હવે શોધી કાઢો તત્પરતાથી હે રામ આ રોગ કેરું મારણ.

સમય વીતતો જાય  નિર્દોષ  લુંટાતા ભુંજાતા જાય, 

જગત પૂછે કે કયારે  ઓછું  કરશો  અત્યાચારનું  ભારણ ?

===========================================================

સ્વપ્ન જેસરવાકર   ( ગોવિંદ પટેલ )

યમરાજની હડતાલ ….. ( કવિતા )

યમરાજની હડતાલ …..   ( કવિતા ) 

 

=======================================================

 

જાણી જગતના નિયમ ને  અનોખા વહેવાર,

 

યમલોકે યમરાજને પણ આવ્યો એક વિચાર.

 

પૃથ્વીએ અન્યાય સામે લડતનું છે  હથિયાર,

 

અજમાવી જોઈએ જરા બાપુનો એ  નિર્ધાર.

 

મારી તાળું યમદ્વારે કર્યો  હડતાલનો  પોકાર,

 

ચિત્રગુપ્તજી  ખળભળ્યા મચ્યો  છે  હાહાકાર.

 

ફાઈલ મોકલાવી રીપોર્ટ કર્યો  વિષ્ણુને દ્વાર,

 

સંસદ મળી  બ્રહ્માંડે થાય ચર્ચા અને  વિચાર.

 

ધરપકડ કરો કોઈ કહે જે.પી.સી ની છે જરૂર,

 

ઇન્દ્રરાજા તો કહે વિરોધ પક્ષનો સુણો સાર.

 

ડાહ્યા દેવ કહે યમને પૂછો  સઘળા સમાચાર , 

 

યમરાજાએ વર્ણવી  મુશ્કેલી  એમની અપરંપાર. 

 

પાડો ચાલે કલાકે પાંચ માઈલ  થાય  પસાર,

 

વાહન બદલો પૃથ્વીએ વાહનની  ઝડપ અપાર.

 

દેવ ગણ વિચારે ચડીયો આ વાત સત્ય સાકાર,

 

જાવ યમરાજા વાહને વાહને તમારો જ કારભાર.

 

ત્યારથી થઈ અકસ્માતોની વાહને વાહને ભરમાર,

 

અથડાઈ મરે માનવ ટ્રક, વિમાન, સ્કુટર અને કાર.

 

===================================================

 

સ્વપ્ન જેસરવાકર   ( ગોવિંદ પટેલ )

ગરવા ગુજરાતી થઈને …… ( કવિતા )

ગરવા ગુજરાતી થઈને……( કવિતા )

=========================================================

 

( રાગ: નજરના જામ…… ( ફિલ્મ: અખંડ સૌભાગ્યવંતી )

 

=========================================================

 

 

ગરવા ગુજરાતી થઈને ચાલ્યા ક્યાં તમે

 

દિલને   ટકોરા દઈને  ચાલ્યા ક્યાં તમે.

 

 

 

ગુજરાત તો પાડે   પોકાર તમે ઉભા રહો

 

વાયબ્રન્ટના ખુલ્યાં છે દ્વાર  તમે ઉભા રહો

 

તમે ઉભા રહો તમે ઉભા રહો

 

ગરવા ગુજરાતમાં આવીને ચાલ્યા ક્યાં તમે.

 

 

મંદીનો માર ઝીલીને તમે આવ્યાં હતા

 

પીઝા પાસ્તા ને  તમે અપનાવ્યાં  હતા

 

બર્ગર  બરીટા તો ભાવ્યાં  હતા,  ભાવ્યાં હતા

 

ઘી  ગોળ  રોટલાને છોડીને ચાલ્યા  ક્યાં તમે.

 

 

કોલેસ્ટરના કકળાટે  તો કંટાળ્યા હતા

 

ટેન્શનના તાપે તમને તપાવ્યા  હતા

 

એટલે તો ગુજરાત આવ્યા હતા, આવ્યા હતા 

 

લીલાછમ શાકભાજી છોડીને ચાલ્યા ક્યાં તમે.

 

 

આવ્યાં છો તો ગુજરાતની રંગત જાણો

 

ખીચડી ને ઊંધિયા કેરી  જયાફત માણો

 

ને રણોત્સવ કેરી સંગત માણો,  સંગત માણો 

 

ગુજરાતના પતંગોત્સવની  વિરાસત માણો તમે.

 

===================================================

 

સ્વપ્ન જેસરવાકર  ( ગોવિંદ પટેલ )