એક બોલરની વેદના…… ( કાવ્ય )

એક બોલરની વેદના…….. કાવ્ય

=================================================================

 

 

હશે મારી દશા કેવી તને સમજાય છે સુકાની

 

બોલીગ કરતા મારું દિલ જ ગભરાય છે સાથી

 

હોય જયારે  સામે બેટિંગમાં સહેવાગ ને સચિન

 

એક બે તો દુર  છગ્ગા ચોક્કાની રમઝટ જ સાથી

 

લાઈન અને લેન્થની  વાત જ કેવી રીતે કરવી

 

સ્વિગ કરાવતા વાઈડ કે નો બોલ  જાય   સાથી

 

વળી  આવે રૈના ધોની કે કોહલી અને પઠાણ

 

ચઢી જાય ચકરડી તો મેદાન બહાર બોલ સાથી

 

એવરેજ બગાડી નાખતા આ ભારત  ભડવીરો

 

મેઈડન ઓવરની ઈચ્છા ના ફળીભૂત  થાય સાથી

 

ભલ ભલાને ઝૂડ્યા છે આ માસ્ટર બ્લાસ્ટરે

 

રાત્રિ હોય કે દિન એ સમણામાં સતાવી જાય  સાથી.

 

==============================================

 

સ્વપ્ન જેસરવાકર   ( ગોવિંદ પટેલ )