વર્લ્ડ કપના મહારથીઓને વધાવીએ ગીતોથી…… ( ગીત- કાવ્ય)

 

વર્લ્ડ કપના મહારથીઓને વધાવીએ ગીતોથી…… ( ગીત- કાવ્ય)

  

=================================================================

 

વર્લ્ડકપના ભારતના ૧૫ મહારથીઓને ફિલ્મી ગીતો અને સ્લોગન દ્વારા

સરાહવાનો એક નમ્ર પ્રયાસ કર્યો  છે.   આશા છે કે આપને ગમશે. શક્ય

હોય તો આપ પણ નવા ગીતો અને સ્લોગનો ઉમેરી શકો છો.  જય હિન્દ… 

 

=================================================================

 

 

(ભારતીય વર્લ્ડ કપના મહારથીઓના ચિત્ર માટે ગુગલનો ખુબ આભાર.)

 

==============================================================

 

સચિન તેન્ડુલકર     ( સદીઓનો  શહેનશાહ )

 

ઉતરું છું જયારે મેદાન પર ત્યારે દરબાર લાગી જાય છે

જુઓ સદી ને બેવડી સદીના  નાદથી ગગન ગાજી જાય છે

 

મહેન્દ્રસિંહ ધોની    ( નસીબ )

 

રંગ જમાવી આવ્યો છું રંગ જમાવી જવાનો છું  

ચઢી ચોકડી તો બધાને ધોઈને જ જવાનો છું

 

વીરેન્દ્ર સહેવાગ    ( ડોન  )

 

અરે દીવાનો મને જુઓ હું છું કોણ ? હું છું કોણ ?

ચૌદ દેશોના ક્રિકેટરો પૂછે આ ભારતનો ડોન કોણ?

 

ગૌતમ ગંભીર     ( ઉપકાર  )

 

આ બાગ છે ગૌતમ નો જ્યાં ક્રિકેટ રંગ જાગે છે

ચોક્કા ને છક્કાની ચકરડીઓ તો  ગંભીર લાગે છે

 

હરભજનસિંહ     ( ગદર )

 

હું નીકળ્યો ગાડી લઈને રસ્તામાં ઓસ્ટે-પાક, ન્યૂઝી,આવ્યો

આફ્રીકા-લંકા ઇંગ્લેન્ડના બેટમેનોની વિકેટોને ઉખાડી લાવ્યો

 

યુસુફ પઠાણ   ( સુભાષ બાબુનું સૂત્ર )

 

તમે જો મને મોકો દેશો ને મારો ભરોસો કરશો તો હું,

ચોક્કા, છક્કા સાથે રન ને વિકેટોનો ઢગલો કરી આપીશ.

 

યુવરાજસિંહ   ( રાજકુમાર)

 

ઓસ્ટેલિયન,આફ્રિકન,પાક,લંક્ન,યુરોપ અંદાઝ પણ શીખ્યો

સામી છાતીએ બાજી  ખેલે  કોઈ હોય એવો   તો સામે આવે

 

સુરેશ રૈના   ( શોલે  )

 

તેર તેર દેશની  ક્રિકેટપ્રેમી જનતા  પૂછે છે આ રૈના કોણ છે?

કેપ્ટન કહે છે અલ્યા સરખી બોલિંગ નાખજે આ રન રૈના છે.

 

વિરાટ કોહલી   ( સંઘર્ષ )

 

કોઈ બોલર જો લુઝ બોલ નાખી દે પછી મારો વટ જોઈ લે

ચઢે એવી ચકરડીઓ કે ચોક્કા ને છક્કાનો ઘાટ પણ જોઈ લે

 

ઝહીરખાન  ( કર્જ )

 

બચના ઓ બેટ્સમેનો લ્યો હું આવી ગયો,આવી ગયો  

વિકેટનો આશિક,બેટ્સમેનોનો દુશ્મન, મારી બોલિંગ છે બીજાથી જુદી  

 

આશિષ નેહરા- પ્રવીણકુમાર- મુનાફ પટેલ   ( અમર-અકબર-એન્થોની)

 

રંગ જમાવી આવ્યા છીએ રંગ જમાવી જવાના

ઝૂમીને ઘુમીને અમે બધાયને નમાવીને જવાના

એક સાથે ઉતરશે જયારે મેદાનમાં આશિષ,પ્રવીણ મુનાફ

 

પીયુષ ચાવલા-રવિચંદ્રન અશ્વિન    ( જોહર મેહમુદ ઇન ગોવા )

 

આ બે દીવાના દિલના સ્પિનર છે ક્રિકેટ ખેલના

ચાલ્યા છે ચાલ્યા છે જંગ જીતવા એ વર્લ્ડ કપના.

 

===============================================

 

સ્વપ્ન જેસરવાકર   ( ગોવિંદ પટેલ )

ગાંધીજીનાં સ્મરણો…….. ( ગીત-કાવ્ય )

 

        ગાંધીજીનાં સ્મરણો ….. ( ગીત-કવિતા )

 

=======================================================================

   રાષ્ટ્રપિતા મહાત્મા ગાંધી બાપુની અંતિમ યાત્રાનું દ્રશ્ય ..

                         ( આભાર– ગુગલ )

 

૩૦ મી જાન્યુઆરી એટલે શહીદ દિન .  આજના દિને ભારતના રાષ્ટ્રપિતા

 

મહાત્મા ગાંધી બાપુ દેશ કાજે શહીદીને વર્યા. ભારતે મુક્તિદાતા અને જગતે

 

એક સત્ય અહિંસા અને સત્યાગ્રહનો પુજારી ગુમાવ્યો . રાષ્ટ્ર સંઘ દ્વારા તેમના

 

જન્મ દિવસને શાંતિ દિવસ તરીકે ઉજવાય છે .તે પણ ભારતનું ગૌરવ ગણાય.

 

ભારત ભરમાં દર વર્ષે ૩૦ મી જાન્યુઆરીના દિવસે સવારના ૧૧ કલાકે તમામ

 

શહીદોને અંજલિ અર્પવા ૨ મીનીટનું મોંન રખાય છે…. ” શહીદો અમર રહો”….

 

=====================================================================

 

“દુર્બળ દેહ ને પોતડી પહેરી, સજ્યો સત્યાગ્રહનો શણગાર

 

અંગ્રેજ હકુમતને હંફાવી,   એના સત્ય અહિંસાનો ચમત્કાર

 

અપાવી આઝાદી  હિન્દને એણે ત્યારે  વરત્યો   જયજયકાર

 

એકતા કાજે ગોળીઓ ઝીલી  અંતે  જપ્યો રામનામ રણકાર”

 

=================================================

           ગાંધીજીનાં સ્મરણો…….

====================================================

 

ગાંધીજીનાં સ્મરણો આવે , સૌના હૈયા ને ભાવે

 

અંગ્રેજ હકુમતને હંફાવે ,જગત એના  ગુણ ગાવે.

 

અહિંસાના હથિયાર બનાવ્યા ને રેટિયો લીધો હાથ

 

આઝાદી  કેરી હાકલ દીધી જયારે ત્રિરંગી ઝંડા સાથ….. ગાંધીજીનાં.

 

હિન્દ દેવીને હાકલ કરીને  સ્વરાજ કેરી  જ શાન 

 

એકી  અવાજે દેશ જગાડ્યો, દેશ બન્યો  બળવાન…..   ગાંધીજીનાં.

 

પંડિત  નહેરુ ને વીર વલ્લભ, નેતાજી સુભાષ બોઝ

 

હિન્દ તણા  ભારતીય યોધ્ધા,  દીસંતા જબરા જોધ….. ગાંધીજીનાં.

 

તારીખ ત્રીસને  માસ જાન્યુઆરી , સાંજનો  શુક્રવાર 

 

ગોડસેની ગોળીએથી વીધાંણા,    હિંદના તારણહાર….. ગાંધીજીનાં.

 

શહેર દિલ્હીના  વાયરા વાયાને,   રેડીયોના રણકાર

 

દેશના બાપુ સ્વર્ગે સિધાવ્યા  મચી ગયો  હાહાકાર……  ગાંધીજીનાં.

 

ચંદન કાષ્ઠની ચિતા રચાવી , મૈયા જમુનાને તીર

 

આઝાદી કેરા અમર ઓઢી  , પોઢ્યા છે એ  નરવીર …..  ગાંધીજીનાં.

 

સંત ગયા શિખામણ મૂકી , તમે રાખજો રૂડી  ટેક

 

હિંદના જન જન એકઠા મળી, રાખજો રૂડો  વિવેક……. ગાંધીજીનાં. 

 

================================================

સ્વપ્ન જેસરવાકર    ( ગોવિંદ પટેલ )

ચાલ્યા તમે તો ભ્રષ્ટાચાર કરીને

ચાલ્યા તમે તો ભ્રષ્ટાચાર કરીને 

=======================================

( મારા ભોળા દિલનો શિકાર કરીને…

=======================================    

  મારા ભોળા સેવક..(૨)

ચાલ્યા તમે તો આજે ભ્રષ્ટાચાર કરીને 

 ચૂંટ્યા તમને ને હાય અમે પ્યાર કરીને 

ચાલ્યા  તમે તો આજે ભ્રષ્ટાચાર કરીને

 હાય!  ભારત દેશને  બરબાદ   કરીને

મારા ભોળા સેવક..ચાલ્યા તમે

  

 કીધું અમે વારંવાર સેવા કરો તમે

પણ ખેલ્યા સદા દાવ અવળા તમે

ચુંટાયા છો સેંવા માટે તો સેવા કરોને

 ના બોલ્યા મનમાં  ગાંઠો   તમે કરીને

ચાલ્યા  તમે તો આજે ભ્રષ્ટાચાર કરીને

 હાય! ભારત દેશને  બરબાદ   કરીને

 મારા ભોળા સેવક..ચાલ્યા તમે

  

 એમના વચન પર અમો  મહોર મારી

જીતી ગયા પછી ક્યા જરૂર છે અમારી

આમને  જોઈ  જનતા માથા કૂટે છે

 

 સાહેબી જોઈ એમની છાતી કૂટે છે

 

ચાલ્યા તમે તો  આજે  ભ્રષ્ટાચાર કરીને

 

હાય! ભારત દેશને  બરબાદ કરીને 

 

મારા ભોળા સેવક… ચાલ્યા તમે  

 

 

 

 

ચિટક્યાં  તો  વારો અમારો બાકી છે

 

પાંચ વર્ષે  તો  ઘાટ તમારો બાકી છે

 

લેખાં જોખાંનો વહેવાર  હજી બાકી છે

 

સબક શીખવવા   વેપાર  હજી બાકી છે

 

ચાલ્યા તમે તો આજે  ભ્રષ્ટાચાર  કરીને

 

હાય!  ભારત દેશને બરબાદ કરીને

 

મારા ભોળા સેવક ….ચાલ્યા  તમે

 

=====================================

 

સ્વપ્ન જેસરવાકર   ( ગોવિંદ પટેલ )

શ્રાદ્ધ પક્ષે પૂર્વજોને… ગીત – કાવ્ય

શ્રાદ્ધ પક્ષે પૂર્વજોને ….( ગીત–કાવ્ય )

======================================================================

 

હે પૂર્વજો પ્રેમે તર્પણ કરી  પ્રેમથી  આશીર્વાદ માંગીએ,

 

આપના આશીર્વાદ થકી  જીવન  સાચું  અમે  જીવીએ.

 

આપના સંસ્કારને  આદર્શ થકી  માનવતા  ને ઉજાળીએ,

 

પરમાત્મા  આપે મોઘેરો  મોક્ષ એ ભાવના ઉચ્ચારીએ.

 

લખચોર્યાશી બંધનોથી મુક્તિને પ્રભુ શરણમાં બીરાજજો,

 

આપના  અમીમય આશીર્વાદ  સદા અમ પર   રાખજો.

 

શ્રાદ્ધ કેરું રૂડું પર્વ  આવ્યે  અમો સહુ આપને સમરીએ ,

 

કાગ વાસ નાખીને ભાવતાં ભોજન  આપને  ધરાવીએ.

 

જન્મો જન્મ મળે  મુજને  આપ સરીખા પ્રેમથી પૂર્વજો,

 

અરજી ધ્યાને  ધરીને આપ સહુ આશીર્વાદ વરસાવજો.

 

===========================================================================

 

સ્વપ્ન જેસરવાકર    (  ગોવિંદ પટેલ )