તુંક્તકો..કેટલાક કટાક્ષો.. (ગણેશજી અને નેતાજીનો સમન્વય.)

 તુંક્તકો …કેટલાક કટાક્ષો…( ગણેશજી અને નેતાજી  સમન્વય )

===============================================================================

( ૧)

ગજાનન ગણપતિ દાદા  ,  તમે પધારો જરૂર  હરેક  વરસે  ,

અમારા પ્રતિનિધિઓ  પણ ,  પધારે   જરૂર  પાંચેક   વરસે .

તમે તો  અમારા  આરાધ્યદેવ,  અને  છો  આપ  વિઘ્નહર્તા ,

આ તો  બની બેઠા  અમારા માલિકો, અને કાયમ  દુખ દેતા.

 

================================================================================

(૨)

આપ કદીયે ના માગો કશુંયે,  માનવ યથા શક્તિ ભોગ ધરતા,

અમારા   આખલાઓ  રોજ ખાતા, ને કોઈક વાર તો માગી લેતા.

આપને લાડુના  ભોગ ધરાવીએ તો,  પ્રસાદી  ભોગથી ખુશ થતા,

આ  વિચક્ષણ પ્રાણીઓ  તો, નાણાં  પ્રસાદ વગર  સહેજ ના ધરાતા

 

=======================================================================================

(૩)

આપ ના દર્શન બહાને તેઓ , પંડાલમાં  રોજ  આંટા  જરૂર   મારશે,

આવે  એ  આરતી પ્રસાદ ટાણે, માઈક લઈને પાછા ભાષણ ભરડશે.

તમારી  સેવા ને ગુણો તો બાજુ પર,  ચુંટણી  ચમકારા ચમકાવશે,

આચાર સહિંતા ના નડે એવા, રસ્તાઓ  શોધી એમના બોર્ડ મુકાવશે.

 

===========================================================================================

( ૪)

આપની શોભા યાત્રામાં, ભક્ત જનો ઢોલ ત્રાંસા દુંદુભી વગાડી નાચે,

આમની જીત યાત્રામાં જરૂર ચમચાઓ, નાચે   પ્રજા  ને  પણ  નચાવે.

આપને  ધૂપ દીપ અબીલ ગુલાલ , ચઢે ને  ભક્ત જનો હાર  પહેરાવે,

આતો હાર ખરીદી લે ને પાછા,ચમચાઓ  થકી  પ્રજા  દ્વારા  પોતે પહેરે.

 

===============================================================================================

(૫)

હે ગજાનન ગણપતી દાદા,સહુ નું રૂડું કરતા ને વિઘ્ન સૌ  હરતા,

આ સગવડિયા લોકો  જન સેવા,એવા રૂપાળા નામે ખિસ્સાં ભરતા.

આપને દર્શને આવી શાંતિ મળે,  આપ હર સમયે  જરૂરથી  મળતા.

કોઠા વીંધીએ પત્ની ,પટાવાળો,અને પી.એ પછી જ પ્રધાન  મળતા.

 

================================================================================================

 

સ્વપ્ન જેસરવાકર   ( ગોવિંદ પટેલ )

તુક્તકો….. સ્વપ્નનાં…..(૨)

     તુક્તકો.. સ્વપ્નનાં…..[૨]

============================================================================

સ્વપ્ન  સુંદર હોય પણ  એ સાચા હોતા નથી,

અને સાચા  સ્વપ્ન  કદીયે સુંદર  હોતા નથી.

મન અને દિલની સુંદરતા હોય  તો  જુઓ ,

મહેનતી  લોક કદી સ્વપ્નો  સેવતા જ નથી.

==========================================================================

ખુલ્લી  ને  બંધ આંખે  સ્વપ્નાં  જોયા છે,

હસતા  ને  રડતા  પણ સ્વપ્નાં જોયા છે.

એમને  જોયા  છે ઘણી  વખત જયારે,

તો એમને  સ્વપ્નાંમાં  રડતાં  જોયા છે.

=========================================================================

સ્વપ્નમાં  પ્રેમ  ને  પ્રણય ને  જોયાં છે,

સ્વપ્નમાં મેં છળ ને કપટને  જોયાં  છે.

બેહાલ જનતાના દુખ-દર્દ પણ જોયાં છે,

સ્વપ્નમાં નાલાયક નેતાઓને  જોયાં  છે.

=======================================================================

અરે ભાઈ સ્વપ્નાંની વાતો કયાં કરો  છે,

એમણે  વચનોનો  માહોલ  બનાવ્યો છે.

ધોળે  દિવસે  તારા બતાવી  અમને,

પોતાનો પણ  તાજ મહેલ  બનાવ્યો  છે.

=======================================================================

સ્વપ્ન સાચું પડ્યું તો એ છકી  ગયા છે,

વાયદા અને  વચનો  બધું ભૂલી ગયા છે.

ઈશ્વરને  પણ  ચિંતા છે  એ  વાતની કે,

મારા બનાવેલા મને બનાવી  ગયા છે.

=======================================================================

 

સ્વપ્ન જેસરવાકર  ( ગોવિંદ  પટેલ )

 

તુક્તક……… જોડકણા…. સ્વપ્ન…

      ===============================

           તુક્તક

         ===========================================================================

મુક્તક કહો તો મુક્તક, એ કવિઓનું  સર્જન  છે,

તુક્તક કહો તો તુક્તક , એ મારું   વર્ણન   છે.

સ્વપ્ન  સજાવવા  છે,  મારે આપ સહુના,

તમારા ચરણોમાં  આ મારું  એક   કીર્તન  છે.

==============================================================================

 

દિવસો   ચુંટણીના  આવી   રહ્યા   છે  ને,

ચર્ચા છે  પક્ષોમાં ઉમેવારના  ચયન  સુધી.

ના  સંસદ   સુધી, ના વિધાન ભવન  સુધી,

અમારે પહોચાડવાના તમારા જ ભવન સુધી.

==========================================================================

 

ચુંટીને  અમે  મોકલ્યા તો, તમે તો બહુ ફર્યા,

ગાડીમાં જોયા તમને તો કાચ નીચા ન કર્યા.

અમે  તો  અરજી લઈને દોડતા હતા  પણ,

પરવા ક્યાં હતી તમોને , કદીયે ના  મળ્યા.

=========================================================================

 

એક   વાતનું  દુખ છે, હજી  સમજાતું   નથી,

જયારે કરીએ  ફોન ત્યારે  સાહેબ ઘર  નથી.

એવો જ  હોય છે, આપના પત્નીનો  પ્રત્યુતર,

ચુંટ્યા છે કોને  આપને, કે એમને સમજાતું નથી.

============================================================================

 

કહેવત  છે એ જ કે , જીવનચક્ર  કાયમ  ફરવાનું,

કાલ સુધી તમેજ બોલતા, આજ મારે પૂછવાનું.

તમે તો  સલામત  રહો  છો  કમાન્ડોની  વચ્ચે,

અમારે  આતંકવાદ, ને નકસલવાદમાં રહેવાનું.

=============================================================================

 

સ્વપ્ન  જેસરવાકર….. ( ગોવિંદ  પટેલ )

 TAG…….તુક્તક…….  જોડકણા…… સ્વપ્ન

 

 

 

 

 

 

 

 

 

 

 

 

 

 

 

 

 

 

 

 

 

 

 

                                  

વડાપ્રધાનો ના વિશેષણો

 

મિત્રો અત્રે આપણા માનનીય વડાપ્રધાનો માટે

વિષે વિશેષ ટીપ્પણી કરી છે. આપને ગમે તો

અભિપ્રાય આપશો

==========================

વડાપ્રધાનો ના વિશેષણો

==========================

(૧ ) શ્રી પંડિત જવાહરલાલ નહેરુ=

વંશવાદનું એરુ === કાશ્મીરનું સ્વપ્ન અધૂરું

====================================

(૨) શ્રી લાલ બહાદુર શાસ્ત્રી ==

જંગ બહાદુર==== સાદાઈનું સ્વપ્ન પૂરું.

===================================

((૩) શ્રીમતી ઇન્દિરા ગાંધી ==

કટોકટીકી આઈ આંધી=== બંગલા દેશકી સચ્ચાઈ .

=======================================

(૪) શ્રી મોરારજીભાઈ દેસાઈ==

સિદ્ધાંત કી લડાઈ ==== સિધ્ધાંતમાં ગયે ઘસાઈ

=======================================

(૫ ) શ્રી ચરણસિઘ ==

ના વાગી રીગ ==== બહુમતીની ટુકી પડી રીગ

=======================================

(૬) શ્રી રાજીવ ગાંધી ==

દેખુંગા દેખેગે કી આંધી ===ટેલીકોમ વ્યવસ્થા જાગી.

========================================

(૭ ) શ્રી વિશ્વનાથ પ્રતાપસીહ===

ખુદ બન ગયે અનાથ ===મંડલ પંચ વિવાદ .

=======================================

(૮ ) શ્રી ચંદ્રશેખર ====

એ હતા બેખબર === સતા માટે સિધ્ધાંત બાજુ પર.

==========================================

(૯) શ્રી નરશીહ રાવ===

ખાવું હોય એટલું ખાવ === મને સુટકેશમાં પૈસા આપી જાવ

================================================

(૧૦) શ્રી દેવગોડા====

સત્તા પર રહ્યા થોડા === સંસદમાં પણ ઉંઘવાના ગોડા .

================================================

(૧૧) શ્રી ઇન્દ્રકુમાર ગુજરાલ ==

ગયા સસુરાલ ====== નડી ગયો પક્ષનો અંતરાલ .

================================================

(૧૨) શ્રી અટલ બિહારી બાજપાઈ ==

રામ રાજ્કી દુહાઈ ======= સંસદ પર હુઈ ચઢાઇ.

=============================================

(૧૩ ) શ્રી મનમોહન સિંહ ==

ન્યુક્લીયર કી હુઈ ડીલ=== કોગ્રેસમાં સરકસના સિંહ .

===========================================

મિત્રો આવડ્યું એવું લખ્યું છે, આપજો અભિપ્રાયની પ્રીત,

ગુજરાતી જન જનમાં પ્રસરે તો , થાયે “સ્વપ્ન” મનનો મીત

સ્વપ્ન જેસરવાકર

Tags: SWAPNA

મુક્તકો

  

 

 
————————પ્રિય મિત્રો—– આપણા દેશની અત્યારની પરિસ્થિતિને

અનુરૂપ થોડા “મુક્તકો ” મુકું છું. આશા છે આપને ગમશે .

મુક્તકો

( ૧) ગરજતી ને વરસતી આ ચુંટણી સભા જોવા દે ,

આક્ષેપબાજી ને નારા દ્વારા વ્યક્ત થતી વ્યથા જોવા દે

સળગી રહી છે સરહદો ને, વિલાઈ દયું છે “સ્વપ્ન”,

આઝાદ હિન્દુસ્તાન ની થયેલ આ દુર્દશા જોવા દે .

——————===========————————-

( ૨) કૌભાંડો ને ગોટાળા જેવું રાજકારણ છે આપણું,

લોકો ભલે પાડતા બુમો, પણ આ રાજ છે આપણું,

ચુંટણી ટાણે દઈ ભેટ અને વચનોનું “સ્વપ્ન “

પાંચ વરસ ચરી ખાવાનું આ ખેતર છે આપણું

——————–============————————

.

( ૩) સરવાળો કર્યો છે એમણે હમેશાં કૌભાંડોનો ,

ગુણાકાર ગણ્યો છે એમના બેનામી ખાતાઓનો,

ભાગકારનું “સ્વપ્ન” છે એમનું આ દેશની સરહદોનું ,

બાદબાકીમાં ગણી લીધું છે એમને આપેલા વચનોનું .

=======================================

( ૪) હિન્દી ને રાષ્ટ્રભાષાના ગૌરવભર્યા સ્થાને જુઓ ,

વિજ્ઞાનને વિશ્વનામના ના અગ્રેસર સ્થાને જુઓ ,

ઈતિહાસને યાદ કરોને આઝાદીના આગણે જુઓ ,

ભૂગોળ ને ભૂમિતિ ને અખંડીતાતાના તાંતણે જુઓ,

ગણિત ગણો પણ લોક કલ્યાણના નાદ ને જુઓ

વ્યાકરણમાં વીટરાઈ ને માનવતાને આબાદ જુઓ ,

રમત રમશો નહિ કદી કચ્છ કે કાશ્મીરના “સ્વપ્ન” પર

ભાગલા છે ભાષાના પણ મરશું અખંડ હિંદના નામ પર

=========================================

સ્વપ્ન જેસરવાકર