ખોડીયાર બાવની……


       ખોડીયાર બાવની….  
========================================================
 
જય  જગદંબા ખોડલ માત ,   શક્તિ રૂપે  તું સાક્ષાત.
 
હદયકમળમાં કરજો વાસ , કામ ક્રોધનો કરજો નાશ.
 
તું બેલી  તું તારણહાર,    જગ સારા  ની    પાલનહાર.
 
ગાજે તારો  જય જયકાર,    વંદન  કરીએ    વારંવાર.
 
નોંધારાની તું    આધાર,      શરણે   રાખી લે સંભાળ.
 
મમતાનો તું સાગર માત,   વેદ  પુરાણે જાણી   વાત.
 
માંમડીયા   ચારણને  ઘેર,    પગલા પાડી  કીધી મહેર .
 
મ્હેણાં  ઉપર  મારી   મેખ ,     ભક્તિની તે  રાખી    ટેક.
 
આવડ,જોવડ,તોગડ હોલ્ય,ચાંચાઈ, વીજ, ખોડ્લની જોડ.
 
સતની  તું ઝળહળતી જ્યોત, પ્રેમ તણી  ના આવે ખોટ.
 
અવની પર લીધો  અવતાર,  પરચા પૂર્યા   અપરંપાર.
 
દુષ્ટોનો  કરતી    સંહાર ,   તુજને   જોતાં  કંપે  કાળ .
 
આસન  તારા   ઠામે ઠામ ,  ગૌરવ  ગાજે   ગામે ગામ.
 
નવખંડ ગાજે  તારું નામ,   જગ જનની   તું   પૂરણકામ .
 
જુનાગઢના રા’ ની  નાર,    આવી   માડી  તારે   દ્વાર.
 
દીકરો દઈને ટાળ્યું દુખ ,   અજવાળી  છે એની  કુખ .
 
માયાનાં  કીધા મંડાણ ,  રા’ નવઘણ ને   ક્યાંથી  જાણ .
 
વિપતના વાદળ  ઘેરાય,  લીલા તારી   ના  સમજાય .
 
ડગલે  પગલે ભાળ્યાં,  દુખ,  રાજ્ય તણું  રોળાયું  સુખ .
 
માં દીકરો ભટક્યા વન માંય , અગ્નિ પરીક્ષા એવી થાય.
 
મારગમાં  તાણી  તલવાર , આવ્યા દુશ્મન સૈનિક ચાર.
 
માં  તુજને કીધો   પોકાર ,   જગ  જનની તેં કીધી વ્હાર.
 
મધદરિયે  જાગ્યું  તોફાન,   જાવા  બેઠા    સૌના   પ્રાણ.
 
માડી  તેં  થઈને   રખવાળ , ઉગારી લીધો  નિજ  બાળ .
 
બૂડતાની  તેં પકડી બાંય , માં ખોડલ તું મીઠી  છાંય .
 
દિવસો  પર દિવસો  જાય , રા’ નવઘણ તો મોટો થાય.
 
નૌતમ લીલા  તારી થાય,  ગેડી  દડાની  રમત  રમાય.
 
ભરૂચનો રીઝ્યો  ભૂપાળ , કન્યા કેરાં  દીધાં  છે    દાન.
 
તારણહારી તેં  રાખી ટેક,  નસીબના  તેં  બદલ્યા લેખ.
 
જૂનાગઢનું  મળ્યું  રાજ ,  રા’નવઘણ    રાજાધિરાજ.
 
મામાની  દીકરી જાસલ ,  વિપતના  માથે    વાદળ.
 
સિંધભૂમિમાં થઇ છે કેદ,   છોડાવવાની  લીધી   ટેક.
 
અશ્વારૂઢ થઇ આગળ જાય,  મારગ લાંબો  કેમ કપાય.
 
મુંઝવણ એવી મનમાં થાય, ખોડલ તારી માગી સહાય.
 
સ્મરણ કરતાં ભાગ્યું દુખ,  દેવ  ચકલીનું   લીધું   રૂપ.
 
ભાલા  ઉપર બેઠી માત,    બાળકને  દેવાને    સાથ.
 
માયા તારી  અપરંપાર  ,  રા’  ઉતર્યો   સાગરની પાર.
 
જાસલનો થઈને  રખેવાળ,  સિંધ ધણીને  માર્યો ઠાર.
 
ચરણકમળનો  થઈને દાસ, નવઘણ કરતો તુજને યાદ.
 
ભાગ્યાની તું ભેરુ માત , એક અટલ  તારો   વિશ્વાસ .
 
આતાભાઈની પૂરી આશ,  રાજપરામાં  કીધો   વાસ.
 
નરનારીનાં હરખે મન,   તુજ   ચરણે  થાતાં પાવન .
 
અંધજનોને દેતી આંખ ,  પાંગળાને  તું  દેતી  પાંખ .
 
મૂંગો તારાં  મંગળ  ગાય, માડી તારી કરુણા  થાય.
 
હાથ ત્રિશુળ કુમકુમની આળ, મગર પર થઇ અસવાર .
 
ખોડલ તારું નામ છે એક,  તોય  તારાં સ્થાન  અનેક.
 
ખમકારી  તું માં ખોડીયાર , સુખ  શાંતિ સૌને  દેનાર.
 
સુનિવર મુનિવર ગુણલા ગાય,પ્રેમ સુધા તું સૌને પાય.
 
તારી કૃપા જેના પર થાય,  દુખ નિવારણ   તેનું   થાય.
 
મનનું  માગ્યું  આપે  માત , ના  કરતી  કોઈને  નિરાશ.
 
અધમ તણો  કરતી ઉદ્ધાર ,  વરસાવે   અમૃતની  ધાર.
 
“બિંદુ” ખોળે રમતો બાળ ,  માડી  કરજો ભવજળ  પાર.
 
============================================================
 
રચયિતા :  શ્રી  બિંદુ ભગત
સંકલન :   સ્વપ્ન જેસરવાકર    ( ગોવિંદ પટેલ )

30 thoughts on “ખોડીયાર બાવની……

    1. શ્રી શ્રેયા બહેન,
      મા ખોડીયાર આપની સર્વે મનોકામના પૂર્ણ કરી સફળતાના શિખરો સર કરાવે એવી માડીને પ્રાર્થના
      અપના શુભ સંદેશ બદલ ખુબ જ આભાર.
      જય મા ખોડીયાર

      Like

  1. શ્રી ગોવિંદલાલ,

    જય ખોડીયાર માં. ખોડીયાર બાવની ફેસ બુક પર વાંચી.

    મઝા આવી ગઈ. ભાવનગર માં ખોડીયારનું મંદિર અને

    તાંતણીયો ધરો વિગેરે યાદ આવી ગયું.

    જો શક્ય હોય તો મને પ્રિન્ટ કરીને મોકલજો. જય ખોડીયાર.

    Like

  2. જય જગદંબા ખોડલ મત, શક્તિ રૂપે તું સાક્ષાત,
    હદય કમલમાં કરજો વાસ કામ ક્રોધનો કરજો નાશ.
    ઘણા સમયથી ખોડીયાર બાવની શોધતી આજે મળી.
    જય ખોડીયાર.

    Like

  3. Thank you for posting Great Khodiyar Mata ni Khodiyar Bavani, You write very nice amazing, always great to read your post and visitng your blog remind me of Gujarat and India ALOT. Makes me proud that I am a Gujarati reading post from all Gujaratis. Thank you…this reminds me of my young days in INdia when every evening my family and I would sing Khodiyar Bavani and Hanuman Chaalisa..thank you please keep posting great things. Always great to visit your blog and all nice comments from everyone on the blog as well you take the time to write to each person very nice comments. Thank you Swapna Jesarvakar.

    Like

    1. ભાઈ શ્રી દીપેશ,

      માં ખોદીયારની આરતી અને બાવની વાચી ભારત અને ગુજરાત યાદ આવી ગયું .

      મારા માટે આનદ ની વાત છે. પરદેશમાં રહી ભારતીય સંસ્કૃતિ વાગોળો છો.તે

      બદલ ધન્યવાદ. રોજ બાવની અને ચાલીસા કરતા હતા તે યાદ છે એજ મહત્વનું છે.

      આપનો આભાર.

      Like

  4. ખમકારી તું માં ખોડીયાર , સુખ શાંતિ સૌને દેનાર.

    સુનિવર મુનિવર ગુણલા ગાય,પ્રેમ સુધા તું સૌને પાય.

    તારી કૃપા જેના પર થાય, દુખ નિવારણ તેનું થાય.

    મનનું માગ્યું આપે માત , ના કરતી કોઈને નિરાશ.

    અધમ તણો કરતી ઉદ્ધાર , વરસાવે અમૃતની ધાર.

    “બિંદુ” ખોળે રમતો બાળ , માડી કરજો ભવજળ પાર.
    ………………………..
    જય ખોડીયાર. જય માં ભવાની.
    Ramesh Patel(Aakashdeep)

    Like

    1. આદરણીય શ્રી ડો. ચંદ્રવદનજી ,
      આપ જેવા મહાનુભાવના પુનીત પગલા મારા બ્લોગમાં થયા
      ને બ્લોગ તેમજ હું ધન્ય થઈ ગયા.. આપ જેવા વડીલ મહાનુભાવોના
      આશીર્વાદ થકી આ બધું કામ થાય છે. મેં બ્લોગ જગતની ગૌરવ ગાથામાં
      ચંદ્ર પુકારને વાણી લીધેલ છે. આપનો ખુબ ખુબ આભાર.
      નવલી નવરત્રિમાં માં ખોડીયાર આપની મનોકામના સફળ બનાવી દરેક
      કાર્યમાં યશ કીર્તિ અપાવે. જય ખોડીયાર. જય માં ભવાની.

      Like

આપનો અમુલ્ય પ્રતિભાવ દર્શાવો.

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s