ડોલરિયા દેશમાં ……. ( કાવ્ય )


    ડોલરિયા દેશમાં……( કાવ્ય ) 
    ==================================

     

હે જી પાઉન્ડ તો  પોક મુકાવે ને રિયાલ તો રખડાવે
 
ડોલર તો એક  દિ ડુબાડે પણ મારો રૂપિયો ઋણ ચુકાવે
 
===============================================================
 
( રાગ :નંદ કુંવર નાનો રે, કાનો રમે છે મારી કેડમાં )
===========================================================
 
કારોએ તો કચડી નાખ્યા રે ….. …….ડોલર તારા દેશમાં.
 
મેઈનટ્ન્સે તો  મારી નાખ્યા રે …… ડોલર તારા દેશમાં.
 
વોરન્ટીએ તો  વાઢી નાખ્યા રે …… ડોલર તારા દેશમાં.
 
બની જાપાનમાં ને, આવી અમેરિકા,
 
ટોયોટા એ  તો તોડી નાખ્યા રે ………ડોલર તારા દેશમાં.
 
મેળવ્યા તા વિઝા ને ખાધા રે પીઝા,
 
યા ! યા ! માં અટવાઈ ગયા રે …… ડોલર તારા દેશમાં.
 
પીધી જ કોક ને મૂકી છે પોક રે,
 
ડોલરમાં તો ડૂબી ગયા રે …… ડોલર તારા દેશમાં.
 
જયારે પીવે બીયર તે જ પડે ગીયર,
 
પાર્ટીમાં તો  પછડાઈ ગયા રે …ડોલર તારા દેશમાં.
 
કરે આજ હાયર ને કાલે પછી ફાયર,
 
ઇન્સુરન્સે તો ઉધા પાડ્યા રે ….ડોલર તારા દેશમાં.
 
ફરવા ગયા મોલ ને ઠેર ઠેર સેલ,
 
ટેક્સમાં તો તણાઈ ગયા રે .. …. ડોલર તારા દેશમાં.
 
આવે તો હાય ને જાયે તો બાય,
 
માણસ ને હાય ગાય કહેવાય રે … ડોલર તારા દેશમાં.
 
હે ગરવા ગુજરાતીઓ ગરિમા સંભાળજો,
 
” સ્વપ્ન ” જગતમાં તો છલકે  રે ….. ડોલર તારા દેશમાં.
 
=========================================================
 
સ્વપ્ન જેસરવાકર  ( ગોવિંદ પટેલ )
Advertisements

30 thoughts on “ડોલરિયા દેશમાં ……. ( કાવ્ય )

  1. ડોલરિયા દેશમાં ડોલર રે ડોલિયા

    ને મારા ગોવિંદભાઈ બોલ્યા રે ….!

    ” ઇન્સુરન્સે તો ઉધા પાડ્યા રે ….ડોલર તારા દેશમાં.

    ફરવા ગયા મોલ ને ઠેર ઠેર સેલ,

    ટેક્સમાં તો તણાઈ ગયા રે .. …. ડોલર તારા દેશમાં.

    આવે તો હાય ને જાયે તો બાય, “

    Like

  2. હમણા જ આ ડોલરિયા દેશનો અનુભવ છ મહિના માટે લીધો…

    સુંદર રચના…

    કશુંક પામવા માટે કશુંક ગુમાવવું પણ પડે ને ?
    માણસને હાય ” ગાય ” કહેવાય ? સરસ…
    જોકે મારો અનુભવ તો બહું સરસ રહ્યો..આ વખતે અને પહેલા આવી હતી ત્યારે પણ…
    પરંતુ હમેશ રહેવાવાળા અને અમારી જેમ ટૂંક સમય માટે આવનાર બંનેની કથા કદાચ અલગ જ હોવાની…

    Like

    1. આદરણીય યશવંતકાકા ,
      આપના આશીવાદ માટે ખુબ ઋણી છું .
      આપના જેવા વડીલો માટે આ મોટલ કાયમ પ્રતીક્ષા
      કરતી જ હોય છે.
      અસરના ઓટલે ખુબ જાણવા જેવું હોય છે. એટલે તો
      સારું જાણવા, માણવા ને વાંચવા આવવું જ પડે.
      મારા જેવા નવા નિશાળિયા માટે તો આ આશીર્વાદની
      પરબ છે.

      Like

  3. શ્રી ગોવિંદભાઈ,

    જબ્બરજસ્ત ગીત બનાવ્યું છે. વાસ્તવિકતાથી ભરપુર શબ્દોનો

    સુંદર પ્રાસ . પરદેશની નવી રીતો જાણવા મળી.

    ખરેખર મઝા પડી ગઈ. લખતા રહેજો .મોકલતા રહેજો.

    Like

  4. શ્રી ગોવિંદભાઈ,

    હમણાં જ અમેરિકાથી ચંદુભાઈનો ફોન આવ્યો કે ગોવિંદ રાજાની એક ન્યુનતમ કવિતા

    જોરદાર આવી છે. મીટીગમાં હતો તો શિક્ષક મિત્રો કહેવા લાગ્યા કે સાહેબ ગોવીન્દ્કાકાની

    કવિતા વાંચી બતાઓ તો મેં વાચી તો બધા વાહ વાહ પોકારી ગયા. ખુબ જ સુન્દર રાગ

    લઈને સમજવા જેવી કવિતા બનાવી છે. પાસે નથી નહિતર પીઠ થાબડી ધન્યવાદ આપત.

    Like

  5. વાહ ગોવિંદ રાજા વાહ,
    “મેળવ્યા તા વિઝા ને ખધા રે પીઝા ,
    યા યા માં અટવાઈ ગયા રે ….ડોલર તારા દેશમાં ”
    શું સુંદર પ્રાસ બનાવી કાવ્ય બનાવ્યું છે. સત્ય હકીકત.
    .ભારતી કહેતી હતી કે મઝાની માસ્ટરી છોડીને અહી આવી ગયા.
    અભિનંદન.

    Like

    1. ભાઈ શ્રી ચંદુભાઈ,

      બસ જોયું તેવું લખ્યું છે. અને સત્ય વાત વિચારમાં લીધી છે.

      ભારતીબેનની વાત સાચી છે. નોકરીમાં ખુબ જ મઝા આવતી હતી.

      ખુબ આભાર.

      Like

આપનો અમુલ્ય પ્રતિભાવ દર્શાવો.

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s