સનેડો હો લાલ સનેડો…. કટાક્ષ કાવ્ય


 
સનેડો હો લાલ સનેડો….
કટાક્ષ કાવ્ય
 
==========================================

 
મિત્રો નવલી નવરાત્રીમા રૂમીઝુમીને ગરબે મહાલ્યા.
 
હવે શરદ પૂર્ણિમા આવશે તો ચાલો શરદના રાસ રમવા 
 
એક નવતર પ્રકારનો સનેડો માણીએ….
 
=========================================
 
સનેડો સનેડો સનેડો  હો લાલ સનેડો
 
સમજી વિચારીને હાંભળજો રાજ લાલ સનેડો………………..હો રાજ સનેડો
 
ગુણલા ગાવો  બાપુના ને ગાંધીજીએ એ રાખી લાજ
 
અંગ્રેજોને હચમચાવ્યા ને, એમણે આંચકી લીધાં છે રાજ…….હો  રાજ સનેડો
 
ભાઈ ઓ ભાઈ બરાક ને તમે સાંભળો ને વાત જરાક
 
મંદીનો માર ઝીલાય  નહિ,  હવે   મિશેલ કહે ઓ-ભામા………હો રાજ સનેડો
 
ઝરદારી તો ઝકડાઈ ગયા ને પડ્યો છે બે બાજુનો માર
 
સેના આઈ.એસ.આઈ ગાંઠે નહિ, હવે  ગાદી ખોવાનો સાર………હો રાજ સનેડો
 
કેમરૂન તો ક્રોધે ભરાયા ને બ્રિટન બની ગયું છે  બેહાલ
 
સૂર્ય હવે આથમી ગયો   છે, હવે એતો  આજે  તૂટે કે કાલ ……..હો રાજ સનેડો
 
બાંગ્લા દેશમાં બહુ થયું ને સાંભળો શેખ હસીના
 
માગ્યું તે આપ્યું છે અમે, હવે તમે ના બનશો કમીના………….હો રાજ સનેડો
 
ગદાફી તો ગાંડો થયો ને ખુબ કર્યો છે નર સંહાર
 
આંતર વિગ્રહ ફાટી નીકળ્યો, એણે હવે છોડ્યા ઘરબાર ……….હો  રાજ સનેડો
 
નેપાળમાં પાળ બંધાઈ  ને પ્રગટ્યું છે માઓ રાજ
 
રાજાશાહી ખતમ થઇ ,જોજો તમે  પ્રજા થાશે તારાજ …………હો રાજ સનેડો
 
દિવાળી તો ડોકિયા કરતી ને ના મળતું  ટીપું  તેલ
 
પ્રજા વલખાં મારે,  આતો વેપારી ને સરકારનો ખેલ ……………હો રાજ સનેડો.
 
સરદાર ને કેમ વિસરીએ એ છે ભારતના  ભડવીર
 
દેશને તો  એક જ કર્યો , એમણે રાજાઓનાં  નમાવ્યા શિર……….હો રાજ સનેડો
 
જવાહરલાલજી  જબરા એમને વહાલું ગુલાબનું ફૂલ
 
શાંતિ દૂત ભલે  થયા ,પણ કાશ્મીરમાં કરી છે ભૂલ……………..હો રાજ સનેડો
 
ગાય શીખે ને સાભળે આ અનોખો સનેડો આજ
 
નર નારી હરખે ભર્યા, ગુણ ગાયે ગોવિંદ રાજ ………………હો રાજ સનેડો.
 
==================================================
 
નોધ-= કોઈ વ્યક્તિ પાસે પૈસા ના હોય અગર કોઈ મહેમાન આવે
 
ત્યારે ઘરમાં ખાંડ કે ચા અગર દૂધ ના હોય ત્યારે ઘરના મહિલા
 
વાત કરતા કહે કે ”  હું તો વસ્તુ વિના ઓભાતી હતી
 
આ  ઓભાવું  શબ્દ ચરોતરમાં ખાસ વપરાય છે. એટલે ફસ્ટ લેડી મિશેલ 
 
ઓબામા ને કહે છે….ઓ- ભામા  એટલે કે ઓભાઈશ  નહિ. 
 
===============================================
સ્વપ્ન જેસરવાકર
Advertisements

6 thoughts on “સનેડો હો લાલ સનેડો…. કટાક્ષ કાવ્ય

  1. શરદ પુનમને દિને આપનો ચોરો

    વધુ પ્રકાશમાન બન્યો સાહેબ

    સરસ પંક્તિઓ

    ” પ્રજા વલખાં મારે, આતો વેપારી ને સરકારનો ખેલ ……………હો રાજ સનેડો.

    સરદાર ને કેમ વિસરીએ એ છે ભારતના ભડવીર………….! “

    Like

આપનો અમુલ્ય પ્રતિભાવ દર્શાવો.

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s