મેરી ક્રિસમસનાં વધામણાં

  મેરી ક્રિસમસનાં વધામણાં

=================================================================

જગત ભરના ખ્રિસ્તી ધર્મના ભાઈ-બહેનો અને બાળકોને  નાતાલની શુભેચ્છા.

બ્લોગ જગતના વડીલો  મિત્રો અને બહેનો તેમજ વાચક મિત્રોને ………….

MERRY   CHRISTMAS   &      HAPPY HOLIDAY ……………….

ગુણોનો ગુણાકાર–…….પ્રેમના સરવાળા- ……રાગ,ઈર્ષા દ્વેષની બાદબાકી

=========================================================

 ક્રિસમસ

 ક્રીસ – (  ક્રિશ્ના સાથે) મસ-  (મહમદ સાથે) સર્વેને. ( સર્વ ધર્મ સમભાવ )

=======================================================================

 

 X-MAS 

  X –(એક્સ એટલે બધા )  M –  (માનવ )  A – (આવે ) S– (સાથે )

====================================================================================

 

CHRISTMAS  

 C (ચાલો) H (હવે)  R(રહીએ)  I  (ઈશ્વર)  S  (સાથે ) T  (ત્યાં)  M (મારું)  A (અને)  S (સર્વેનું.)

=====================================================================================

 

નાતાલ

  ના-   નામ   તા- તારું   લ – લઉં

=====================================================================================

 

ઇઝરાયેલની પાવન ભૂમિએ  જેરુસલેમમાં  જન્મ પાયા

 

જીસસ છે  નામ પ્યારૂ  એ માતા મેરીના  લાડલા  જાયા

 

ક્રોસ  શીખવે માનવ  ને  જીવન જીવવાના સરવાળા

 

ગુણાકાર કરવા ક્રોસ  જરા આડો ફેરવો બને ગુણકારા

 

સર્વે ને પ્રેમનો સંદેશ આપી જઈને શુળીએ  ચડનારા

 

હદય  બને નિર્મલ  માનવનું  એ પ્રેમ સંદેશ ઝીલનારા

 

=============================================== 

સ્વપ્ન જેસરવાકર   

ગોદડીયો ચોરો …સ્વવિકાસ ભવન (કટાક્ષ કથા)

ગોદડીયો ચોરો …સ્વવિકાસ  ભવન (કટાક્ષ કથા)

 

======================================================== =======

 

શિયાળાના દિવસોમાં સાંજ જલ્દી પડી જાય છે. કાશ્મીરમાં હિમવર્ષા થઇ હોવાથી એની

 

અસર ઠેઠ ગુજરાતનાં ગામડાં સુધી પહોચી ગઈ હતી. જન માનસ ઠંડીમાં ઠુંઠવાતું હતું.

 

ઘેર જઈ રાત્રિનું ભોજન પતાવી મારી પ્રિય ગોદડી લઈને મજાની નિંદર માણતો હતો.

 

ખબર નહિ કેમ મારી પત્ની મને ફાટેલું ઓશિકું જ સમજે છે. જેમ ઓશિકું ફાટી જાય અને

 

એમાંથી ખૂણે ખૂણે નીકળેલા રૂ ના ગઠ્ઠા ડરાવતા હોય એવો આભાસ કરાવે છે .

 

આમેય પતિનું જીવન  ફાટેલા ઓશિકા જેવું જ હોય છે . જેમ ફાટેલા ઓશીકામાંથી રૂના

 

ગઠ્ઠા ડરાવતા હોય છે તેમ પતિને લાઈટ બીલ, પાણી બીલ, ગેસ બીલ ,ફોન બીલ, અને

 

ઘરના  હપ્તાનું બીલ ડોળા કાઢીને કાયમ ડરાવતાં હોય છે.

 

મજાની મીઠી નિંદ્રા  માની રહ્યો હતો ત્યાં પત્નીએ કહ્યું લ્યો કહું છે પરવારી લ્યો ?

 

હવે ઘણા શબ્દો પત્નીની સ્વરપેટીમાંથી નીકળતાં આચકા મારી જતા હોય છે !

 

હું મઝાનું સપનું નિહાળી એની મઝા લઇ રહ્યો હતો.

 

સ્વવિકાસ ભવનમાં બેઠક મળી છે . ઘણા સભ્યો આવ્યા છે અને ઘણા ધીમેથી આવે છે.

 

સ્વવિકાસ ભવન એટલે જ્યાં પહેલાં પોતાના વિકાસની વાતો થાય અને ચર્ચાય

 

બરોબર બારના ટકોરે સત્તા પક્ષના કૌરવોનું ટોળું મહારાણી ગાંધારી દેવી અને એમના વંઠેલ

 

સુપુત્રો સાથે ધામધૂમથી પ્રવેશે છે. એમના રક્ષકો આલતુ ફાલતુંને ધક્કાથી હડસેલી મુકે છે. 

 

સ્વવિકાસ ભવનમાં ચર્ચા જામી છે . થોડા સભ્યો ચર્ચામાં ભાગ લે છે.તો થોડા ઘણા બપોરની

 

મીઠી નીંદર વાતાનુકુલિત  વાતાવરણમાં માણી ઝોકે ચડી ગયા છે.

 

કુરુક્ષેત્રના મેદાનમાં બન્યું હતું તેમ સામે વિરોધીઓની અણનમ સેના શસ્ત્રો સજી રહી હતી .

 

બરાબર સાડા ત્રણના  ટકોરે નારાયણ નામનો કોઈ વચેટીયો કાગળના થોકડા લઈને સ્વવિકાસ

 

ભવનમાં પ્રવેશ કરે છે તો કૌરવ સેનાના વિરોધીઓ કાગારોળ મચાવી બુમો પડે છે કે …..

 

લ્યો લોકપાલ આવ્યું રે ભાઈ અધકચરું લોકપાલ આવ્યું રે ભાઈ .

 

જે પોપટો ઝોકે ચડ્યા  હતા તેમને કાને અવાજ પડતા જ ઝબકીને જાગી જાય છે તેમાંથી ચાર

 

પાંચ જણ તો દરવાજેથી બહાર સીધી દોટ મુકે છે ને બોલતા જાય છે ભાગો લોકપાલ આયો છે !

 

કોઈએ પૂછ્યું અલ્યા ભાગો છો કેમ ? તો એવડા કહે આ લોકપાલ આયો છે એટલે ?

 

આ બંગલા વાપરીએ છીએ. ખાલી  કરતા નથી ભાડું ભરતા નથી બીલ ભરતા નથી એટલે

 

એવડો એ આવ્યો છે તો અમે તો ઘરબાર વિનાના જ થઇ જવાના ને ?

 

આ ટકાવારીમાં મારી ખાવાનું જશે !

 

એટલે અમને મંજુર નથી આ લોકપાલ અમને ના જોઈએ….ના જોઈએ….ના જોઈએ. સમજ્યા.

 

આ બાજુ બીલમાં ચર્ચા ચાલી કોઈ કહે ભાઈ એ કર્મચારીઓની તપાસ કરે આપની નહિ.

 

બીજો કહે સભ્ય થઈને છતાય એટલે વિશેષ અધિકાર એ આપનો સાહેબ ના ચાલે ?

 

એક બહેન ઉભા થઈને કહે સાહેબ આ પતિઓ પગાર ઘેર લાવતા નથી બબ્બે  ફોન રાખે છે

 

એવડા ક્યાંજાય છે ? શું કરે છે ? પૈસા  કોની પાછળ વેડફે છે ?

 

 આ બધી તપાસ લોકપાલ કરવા જોઈએ.

 

બે ત્રણ જણા તો કહે આ લોકપાલ આપણું શું બગાડી લેવાનો છે. પોલીસ અને સીબીઆઈ આપણી

 

પાસેરાખીએ પછી તપાસ તો એવડા ઈ જ કરવાના છે ને?

 

એટલે આ લોકપાલ ફોક્પાલ બધું બાજુ મુકીને આપનો વિકાસ થાય એવી ચર્ચા સ્વવિકાસ

 

ભવનમાં થવી જોઈએ બીજી કોઈ જાતની ચર્ચાને અવકાશ નથી.

 

ઘણા સભ્યોએ તો અત્યારથી જ સીબીઆઈના ડાયરેક્ટરને કિસમસની ભેટ આપવાની તૈયારી કરી દીધી.

 

કોઈ કહે અનામત રાખો તો કોઈ કહે ના રાખો આખરે બધાને લોકપાલ જોઈતું જ નથી.

 

બે ત્રણ  સભ્યોનું લોજીક ખરેખર લાજવાબ હતું. એવડા એ કહે આપણને લોકપાલ પકડી શકે જ નહિ.

 

આપને જો કોઈને રેશન કાર્ડ બનાવવું હોય તો એને ભજીયાની લારીએ મળવાનું કહેવાનું આખું

 

કુટુંબ ભજીયા અને ચા પાણી કરી લઈએ પછી કહેવડાવશું એવું વચન આપીએ.ક્યાં પાળવાનું છે ?

 

જો કોઈ મોટા કામની ભલામણ કરવી હોય તો મોટો હોટલમાં જયાફત માણીએ ને વચન દઈએ.

 

જયારે કોઈને લાયસન્સ માટેનું કામ હોય તો અશોકા કે તાજમાં એના ખર્ચે મીઠી મોજ માણી લઈએ.

 

સાથે છોકરાઓને કે જમાઈ સાળાને પણ મફતની મોજ મનાવડાવીએ છીએ અને મફતમાં 

 

કાર , ફ્રીઝ, વોશિગ મશીન, એવું ઘણું બધું સેરવી લઈએ છીએ. બોલો કેવો મજાનો વહીવટ?

 

છે ને આપનો  અફલાતુન  આઈડિયા? બોલો કોઈના મગજમાં આવે આવા વિચારો ? 

 

મારો બધો વહીવટ મારો સાળો જ કરે છે એટલે પત્ની પણ ખુશ જ રહે.

 

 

“હતા એક ભીષ્મ કે જે ભાઈને માટે ગાદી છોડી જાય છે

 

આજે તો જ્યાં જુઓ ત્યાં શકુનિઓનો વહીવટ દેખાય છે”

 

 

લોકપાલ આવ્યું છે અને સુસવાટા મારતા પવનની સાથે આવ્યું છે.

 

 

હાટકો = આ ગાંધી કુટુંબને સરદારજીઓ સારા સદી ગયા છે.

 

            લાલજી મહારાજ તમે પણ કોઈ એવા સરદારજી શોધી કાઢો.

================================================================

સ્વપ્ન જેસરવાકર  

કરામત છે ” ક ” ની અમેરિકામાં….કવિતા

કરામત છે “ ક ” ની અમેરિકામાં….કવિતા

=========================================================

(ગુજરાતી ભાષાનો પ્રથમ વ્યંજન મૂળાક્ષર “ક ” જે શ્રી કૃષ્ણ અને કૈલાસપતિના

 

નામનો પ્રથમ અક્ષર છે .તેનો વપરાશ જાણ્યે અજાણ્યે અમેરિકામાં રોજીંદો થાય છે)

 

========================================================

 

…રાગ –==– મારી હુંડી સ્વીકારો મહારાજ રે ….. શામળા ગિરધારી

 

=======================================================

 

કોલમ્બસે શોધી કાઢ્યો આ દેશ રે…. અમેરિકાની બલિહારી.

 

” ક” ની શરૂઆત ત્યાંથી થાય રે.. …અમેરિકાની બલિહારી.

 

કામ મળે તો આ દેશમાં ને સુખેથી જીવાય

 

કાર વિના આ દેશમાં સહેજ પણ ના ચલવાય

 

હે…………………… કોલથી થાય હરેક  કામ રે …અમેરિકાની બલિહારી.

 

કાચ તણા બારી- બારણા ને સર્વત્ર સોહાય

 

કિચન તો હર ઘરમાં અલાયદું જ રખાય

 

હે ….ક્લોઝેટ વિના ઘરમાં ના ચલાવાય  રે …અમેરિકાની બલિહારી.

 

કપડા-લતાના સેલ તો વારંવાર અહી થાય

 

કાગળનો વપરાશ અહી વિષેસ પ્રમાણે થાય

 

હે …  કારપેટ તો ઘર- ઓફિસમાં નખાય રે …અમેરિકાની બલિહારી.

 

કોફીનો કપ તો સવારમાં હર હાથમાં દેખાય

 

કોટ- પેન્ટ અને ટાઈમાં બધા અપટુડેટ દેખાય

 

હે……….કોલબેલ તો હર ઘરમાં નખાય રે …અમેરિકાની બલિહારી.

 

કચરાપેટી માટે અહી તો ગાર્બેચકેન રખાય

 

કોઈન લોન્ડ્રીમાં પૈસા નાખીને કપડાં ધોવાય

 

હે………કોકા કોલા ને ક્રશ બેહદ પીવાય રે…અમેરિકાની બલિહારી.

 

ક્રેસીડા ને કોરોલા તો ટોયોટા ની વખણાય

 

કિંગ – કેબ ને ક્રેસલારની જોડ ના જણાય

 

હે……   કેડીલેક તો લકઝરીયસ ગણાય રે …અમેરિકાની બલિહારી.

 

કાર્ડ લખીને અહી કોન્ગ્રેચ્યુંશન જ અપાય

 

કેન્ડલ બુજાવીને પાર્ટીની શરૂઆત થાય

 

હે …… કેક કાપી ને અભિનંદન ગવાય રે …અમેરિકાની બલિહારી.

 

કોર્ન – કેક્ટસ ને કચુંબર ખુબ ખુબ ખવાય

 

કૉન ઓઈલ અને કૉન ટોટીયા ખુબ વેચાય

 

હે…કોલગેટ ને ક્રેષ્ટ થી દંત મંજન થાય રે…અમેરિકાની બલિહારી.

 

કેન્ડીબાર ને કુકી તો હરતે-ફરતે જ ખવાય

 

ક્રીમ પણ જાત-જાતની હરેક સ્ટોરમાં વેચાય

 

હે…કેબીનેટ તો ઘર ને ઓફિસમાં નખાય રે …અમેરિકાની બલિહારી.

 

કોકટેલ પાર્ટીઓ તો વારે- તહેવારે યોજાય

 

કોકેઇન નો વેપાર પણ અહી અનહદ થાય

 

હે..કોલગર્લ ને કામિનીઓ રસ્તામાં ભટકાય રે …અમેરિકાની બલિહારી.

 

કંપની દ્વારા પગારમાંથી ઇન્કમ ટેક્સ કપાય

 

કાર્યકરો પણ અનેક જાતના અહીં જ  દેખાય

 

હે…કોર્ટ-કચેરીની લફરાબાજી ગમે ત્યારે થાય રે…અમેરિકાની બલિહારી.

 

કેરોલીના અને કેન્સાસના રાજ્યો અહીં  દેખાય

 

ક્લીપર અને કિગ રમતની ટીમો પણ  વખણાય

 

હે………કેલીફોર્નીયા ને ગોલ્ડન સ્ટેટ કહેવાય રે …અમેરિકાની બલિહારી.

 

કે- માર્ટના સ્ટોર તો આખા દેશમાં દેખાય

 

ક્લબો પણ અહી જાત-જાતની સ્થપાય

 

હે…………કેસીનોમાં કરોડોનો જુગાર ખેલાય રે …અમેરિકાની બલિહારી.

 

કે- કેલ નાઈન અને કે ટીવી વખણાય

 

કેબલ નેટવર્કથી સમાચારો પણ  અપાય

 

હે………… કોમ્પુટરનો ઉપયોગ સર્વત્ર થાય રે …અમેરિકાની બલિહારી.

 

કેનેડી તો વિશ્વશાંતિના દૂત જ કહેવાય

 

ક્લીન્ટન કેરાં “સ્વપ્ન“  જ સાકાર થાય

 

હે ……   ક્રિસમસથી વરસના વધામણાં થાય રે…અમેરિકાની બલિહારી.

 

=======================================================

(આ કવિતા જાન્યુઆરી ૧૯૯૫ માં લખેલ છે)

 

સ્વપ્ન જેસરવાકર

ગોદડીયો ચોરો …પાટનગરમાં પોપટ…(હાસ્ય કથા)

ગોદડીયો ચોરો …પાટનગરમાં પોપટ…(હાસ્ય કથા)

 

 

===============================================================

શિયાળાની ઋતુ બરાબર જામી રહી છે. ઠંડીના વાતાવરણમાં દિલ્હી દરબારે ક્યારેક

 

ગરમીનો પારો ઉપરનીચે રહ્યા કરે છે. રોજ રાજીનામાં મંગાય છે. સંસદ ખોરવાય છે.

 

હોંકારા  પડકારા સંભળાય છે.

ગોદડીયો ચોરો મિત્ર મંડળી સાથે જામ્યો હતો. વીરૂના ડબલ શતકીય દાવની દબદબા

 

ભરી વાતો થતી હતી.

જેમ વીરૂના હર ફટકે ઇન્દોરના સ્ટેડીયમમાં ચાહકોના હાકોટા સંભળાતા હતા.

 

એવા હાકોટા આજકાલ દિલ્હીનાસંસદ નામના સ્ટેડીયમમાં બોલરો અને બેટ્સમેનો  સાથે

 

ફિલ્ડરોના પણ સંભળાય છે.

કનું કચોલું કહે અલ્યા ગોદડીયા તે પેલા પોપટે પ્રધાન બન્યા પછી ગાધીનગર જઈ શું કર્યું ?

 

 

તે કહે ને આગળ વાર્તા વધાર ભૈલા.

 

મેં કહ્યું પોપટલાલ પરધાન થયા એટલે ઘરવાસ ભરીને ગાંધીનગરના  બંગલામાં રહેવા ગયા.

સચિવાલયથી પોપટલાલને બે પીએ અને એક સિક્યુરીટી ગાર્ડ ને ડ્રાયવર ફાળવવામાં આવ્યા .

એક પીએનું નામ હતું દામજીભાઈ લવજીભાઈ વસાવડા.સચિવાલયમાં બધા એમને “દાલવડા” 

 

 કહેતા હતા .

બીજા પીએનું  નામ ચેતનભાઈ વશરામભાઈ ડોબરિયા હતું. સચિવાલયમાં બધા “ચેવડો” કહેતા.

સિક્યુરીટીનું નામ હતું બદરુદીન રફિયુંદીન ફીણાવા  હતું . સચિવાલયમાં બધા “બરફી” કહેતા.

જયારે ડ્રાયવર હતા  નાગજીભાઈ ગગજીભાઇ ડાભડા હતું . સચિવાલયમાં બધા “નાગડા” કહેતા.

હવે દાલવડા, ચેવડો , બરફી ને નાગડા પોપટની સાથે બરાબરના લાગી ગયા.

બીજા દિવસે મુખ્યમંત્રીએ  ખાતાં વહેચવા મંત્રી મંડળની મીટીંગ બોલાવી .

પોપટલાલે જિંદગીમાં મોટા માણસ તરીકે ફક્ત ટપાલીને જ જોયેલો .ટપાલી એમની લારીએ

 

બેસે .આજુબાજુના ગામની ટપાલ વહેચે . એટલે એમને એમ કે ટપાલીથી મોટું કોઈ નહિ.

એતો એકદમ ઉછળીને કહે સાયેબ (સાહેબ) મને કાગર (કાગળ)વારો સાયેબ બનાઓ એટલે

 

ભયો ભયો. મોજ મજો  થી (થઇ) જાહે (જશે)

મુખ્ય મંત્રી કહે પોપટલાલ પોસ્ટ ખાતું દિલ્હીમાં હોય અહીં  નહિ.

 

જુઓ તમને દારૂબંધી ખાતું આપીએ છીએ.

જોકે મુખ્યમંત્રીઓ  ખાતાની  ફાળવણી વખતે જ કહે છે લ્યો ભાઈ આ તમારું ખાતું

 

ખાતું  ….એટલે “ખા-તું “.આ ખા-તું એટલે તું ખા અને મને ખાવા દે. ગરબડ ના કરતો.

 
પોપટલાલના કિસ્સામાં થયું એવું કે વાંદરાને દારૂ પાયો હોય એવું બન્યું. પોપટલાલ

 

દારૂબંધી ખાતાને દારૂ બાંધી ખાતું  હમજ્યા (સમજ્યા). મૂળ તો દારૂ વેચતા અને દારૂબંધી ખાતું.

પોપટ એમના સ્ટાફ સાથે બંગલે આવ્યા. એમના પીએ ડ્રાયવર ને સિક્યુરીટી બંગલામાં

 

સમજાવતા હતા.

પોપટલાલ કહે અલ્યા હોંભરો (સાંભળો) લ્યા દારુબાંધી ખાતું આપણું સે તો અવે (હવે)

 

દારૂ બાંધી  હાતે (સાથે) વડા, ચેવડો,ને બરફી રંગ જામશે.

બંગલામાં ચેવડો કહે સાયબ આ તમારો બેડરૂમ સે (છે) અને આ તમારો બેડ છે.

 

મશરૂમ જેવો બેડ જોઈ ને!પોપટલાલ કહે અલ્યા આતો “હુવણીયું” એટલે  માંચો (ખાટલો) સે.

બરફી કહે સાયેબ આ બાથરૂમ સે (છે) .

 

એટલે પોપટ કહે લ્યા આંય (અહી) “નાવણીયું” (ન્હાવાનું) સે .

પોપટલાલ કહે અલ્યા નાગડા આ કુવા જેવી કુંડી સે એ હૂં (શું) સે (છે)

નાગડા કહે સાયેબ આ વિલાયતી ટોયલેટ છે . હવે આનું નામ ટોયલેટ કેમ પડ્યું હશે ?

પોપટલાલ  કહે એમ કે’ ને આ “જંગલ ઢેંચણીયું ” સે. ( ઢીંચણ સુધીની ઉંચાઈ  હોય )

 

ગામડામાં જુના જમાનામાં લોકો મળ ત્યાગની ક્રિયાને જંગલે જવું એવો શબ્દ વાપરતા.

પછી બેડરૂમમાં આવ્યા તો દાળવડા કહે સાયેબ આ સ્વીચ પાડશો તો આ પંખો ફરશે.

પોપટ કહે લ્યા ચોંપ (સ્વીચ) નેચી (નીચી) પાડીએ તો આ “વા- ફરીયું” (પંખો) હેંડે (ચાલે).

પોપટલાલ ગાંધીનગરમાં ગોઠવાયા.મૂળ ગામડાનો સામાન્ય માણસ એટલે આ નવીન

 

સગવડો જોયેલી નહિ . એટલે આશ્ચર્ય સાથે જોઈ રહ્યા ને ગામઠી ભાષા પ્રયોગ કરતા.

પોપટલાલ હવે પ્રધાન થયા પણ બાબુ અને શના વગર સહેજ પણ ચાલે નહિ એટલે

 

બન્નેને બોલાવી લીધા.બંગલાની પાછળ વાડા જેવું હતું ત્યાં એમને દારૂ ગાળવાનું ચાલુ

 

કરી દીધું.

 
હવે પોપટલાલની કેબીન સચિવાલયમાં સાતમાં માળે ફાળવવામાં આવી હતી.

 

સાયેબ હવે સચિવાલયમાં આપને જવું પડશે .પોપટ કહે લ્યા આ હચીવાલય(સચિવાલય)

 

એ વળી નવું હું (શું) સે  ?

મેતો ગોમમાં (ગામમાં) હિવાલય ( શિવાલય) હોભરેલું (સાભળેલું)છે . જ્યો (જ્યાં) હંકરદાદા

 

(શંકરદાદા)નું ડેરું છે.

પછી પોપટલાલનો  કાફલો  સચિવાલય પહોચ્યો.  અને પોપટલાલ સાત માળનું મકાન જોઈ

 

છક થઇ ગયા. અહાહા ચેવડું (કેવડું) મોટું આ ઝોપડું (ઝુપડું ) સે !

તે કહે અલ્યા વડા ( પીએ ને એ નામથી બોલાવતા ) આ ઔચે (ઉંચે) જોયે (જોઈએ) તો ટોપી

 

પડી જાય એવું સે !

અલ્યા ચેટલી (કેટલી) નેહણીયો ( નિસરણી) મેલાઈ( મુકવી) સે ત્યો (ત્યાં) ચડવા .

 
ચેવડો કહે સાયેબ આમાં ઉપર જવા લીફ્ટની વ્યવસ્થા હોય છે .જેમાં બેસી ઉપર જવાય.

પોપટ કહે શું લ્યા “ચિપટ”  એ ચેવી (કેવી) હોય .બધા લીફ્ટમાં પ્રવેશ્યા.

 

પોપટલાલ તો  નમી પગે લાગ્યા………. જે હજો આ ચડણીયા માતાની !

 
લીફ્ટમેને બટન દબાવ્યું તો લીફ્ટ ઉપર જવા લાગી . પોપટ કહે માળું વા’લું આ હારું (સારું)

 

ચોંપ દાબીયે ( દબાવીએ) તો ધડબડ ધડબડ ઓંચી(ઉચી) હેંડે ( ચાલે) જબરું ભઈ આ “ઓચું ચઢણીયું”

 
પછી બધા પોપટલાલની કેબીનમાં વાજતે ગાજતે પધાર્યા .

 

 ટેબલ ખુરશી હતા ને મુલાકાતીઓની ખુરશીઓ હતી. રૂમ શણગારેલો હતો

 
પોપટલાલ  મુલાકાતીની ખુરશીમાં બેસી ગયા. સ્ટાફ હસવાનું રોકી મુંઝવણમાં પડી ગયો.

પીએ વસાવડા કહે સાયેબ તમારે આ ખુરશીમાં બેસવાનું છે . તમારી ખુરશી અહીં છે.

પોપટલાલ કુશનવાળી  ફરતી ખુરશીમાં  બેસી ઝૂમવા લાગ્યા ને મોજમાં આવી ગયા .

લારીએ બાંકડા સિવાય બેઠેલા નહિ એટલે મોજમાં આવી કહે.

આ “લિહા ચકડોળિયા” માં ( કુશનવાળી ફરતી ખુરશી)  બેહવાની (બેસવાની) મઝા પડી .

 

ત્યાં વસાવડા, બરફી , ચેવડો અને નાગડા ભારતીય ક્રિકેટ ટીમ ઓસ્ટ્રેલીયાના પ્રવાસે ગઈ એની

 

ચર્ચા કરવા લાગ્યા.

 

નાગડા કહે જોજો સચિનની ૯૯ સદી થઇ ગઈ છે આ વખતે જરૂર ૧૦૦ મી સદી જરૂર ફટકારશે.

 

પોપટલાલ થોડા ધેનમાં હતા ને ઊંઘ આવી રહી હતી તે ઝબકીને બોલ્યા .

 

ઓલ્યા વડા હુ (શું) વાતો કરો સો ( છો)   આ હચિનને (સચિન) ૯૯ હદી(સદી) ખરું ને !

 

મારો વા’લો જબરો કે’વાય (કહેવાય) નસીબનો બરિયો ( બળીયો ) કે’વાય

 

એને ૯૯ હદી (સદી – માફક) ને મને આ એક મેના જ હદી. બીજી એકય ના હદી ( માફક ના  આવી)

 
એમ વિચારતા પોપટને વાતાનુકુલિત વાતાવરણમાં ખુરશી પર ઉઘ આવી ગઈ.

આજકાલ સરકારો પ્રજાના પૈસે બંગલા વાહન ને એરકન્ડીશનોમાં  બેસી મઝાની મીઠી નિદર માણે છે.

 

 

હાટકો=  કોણ કહે છે આ સરકાર કશાયના ભાવ નથી ઉતારતી.

 

             જોયું નહિ આ રૂપિયાના ભાવ કેવા નીચે લાવી ને ગગડાવી દીધા.

=========================================================================

સ્વપ્ન જેસરવાકર  

 

જન જન કેરા મનમાં વસે સરદાર હમારા.. ( કાવ્ય )

જન જન કેરા મનમાં વસે સરદાર હમારા..  ( કાવ્ય )

 

===============================================================================

 

પ્યારા વાંચક મિત્રો આવતી કાલે  ૧૫ ડીસેમ્બર  ના રોજ એકતા અખંડીતત્તાના

 

સ્વપ્નદ્રષ્ટા અને લોખંડી પુરુષ એવા સરદાર વલ્લભભાઈ પટેલની પુણ્ય તિથી 

 

આવે છે તો ગીતના માધ્યમ દ્વારા તેઓને યાદ કરી તેમના કાર્યો અને ગુણોને

 

જીવનમાં ઉતારવા પ્રયત્નશીલ બનીએ એવી અભિલાષા સહ……

 

==========================================================

 

  સરદાર પટેલ વિવિધ મુદ્રામાં

  

  (ચિત્ર માટે ગુગલનો આભાર.)

===================================================

 

( રાગ:   આંધળી માનો કાગળ )

 

=========================================================

 

ખેડા જીલ્લો   ખમીરવંતો ને ગૌરવવંતી  છે ગુજરાત ,

 

ઝવેરભાઈ ને ઘેર જન્મ્યા  છે  બળુકા બંધુ   બે   ભ્રાત.

 

                                જન્મ્યા છે  એ નડીયાદ  મોસાળે ,

 

                                વિઠ્ઠલ  અને વલ્લભ એવા નામે.

 

પ્રાથમિક શિક્ષણની  લીધી છે શિક્ષા  કરમસદ  ગામે ,

 

માધ્યમિક શિક્ષણ  મેળવ્યું છે  ભાઈ  પેટલાદ  મુકામે 

 

                                ઉચ્ચ શિક્ષણ માટે દીધો છે ડંકો,

 

                                વિલાયત   જવાનો નિર્ધાર પાકો.

 

બેરિસ્ટર બની ને જબરી  એમણે તો  કરી છે વકીલાત,

 

હિન્દુસ્તાન આવી  ગરીબોના  સાક્ષી બન્યા છે સાક્ષાત.

 

                                 ગાંધી બાપુ  કેરા  સંપર્કે  આવ્યા,

 

                                પરદેશી  પોશાક પણ ના ભાવ્યા.

 

બોરસદમાં જજિયા વેરો   ખેડામાં પ્લેગની મહામારી,

 

લડતના માંડી સરકાર સામે,સેવાના  બન્યા ભેખધારી .

 

                                 દાંડી યાત્રામાં જ ચેતના જગાવી .

 

                                 રાસમાં  વલ્લભ વડે ધૂણી ધખાવી.

 

ખેડૂતોના મહેસુલ વધારી,ઘર જમીનની  જપ્તી ચલાવી,

 

સરદાર પોકારે  બારડોલી  જાગ્યું ને સરકાર પણ  ડોલાવી.

 

                              માફ થયું મહેસુલને સરકાર ગઈ હારી,

 

                              કેવી રંગત લાવી  સરદારની સરદારી.

 

હિન્દ છોડોની  લડત લડ્યા ગાંધી  સાથે ખભે ખભો મિલાવી,

 

રાત દિવસ કેરી ના કરી પરવા  રહ્યા જેલમાં  દિવસો વિતાવી. 

 

                             આઝાદીની ઉષાએ ઉગ્યો  આનંદ ને ઉમંગ .

 

                             પ્રજાએ   સહુને વધાવ્યા  સરદાર કેરા સંગ  .

 

છસો  રજવાડા એક જ કર્યાને  ગુથી છે ભારત ભાગ્યની માળા ,

 

આઝાદી મળી ભવ્ય ભારત ભૂમિને અંગ્રેજોએ ભર્યા  છે ઉચાળા ,

 

                               એકતા અખંડીતત્તા  કેરી  હાંક જ  વાગી,

 

                                જુનાગઢ  જાગ્યું ને  હૈદરાબાદ ગયું હાલી.

 

અમુલ કેરો મંત્ર જ આપ્યો ને પોલસનને  કર્યો  છે પડકાર,

 

શ્વેત ક્રાંતિ  કેરા બીજ  રોપ્યા ને ખેડૂતો   થયા  છે ખબરદાર.

 

                               ગરીબ જનતાનો બન્યો સાચો હમદર્દી,

 

                               બનાવી  છે  સાચા જન સેવકની કીર્તિ

 

સોમનાથ   મંદિરે કરી અડગ  પ્રતિજ્ઞા  જીર્ણોધ્ધાર  કેરી,

 

શુરા સરદારે  એક  અંજલી જળ લઇ  કરી છે એને  પૂરી ,

 

                               કાશ્મીર કેરું કોકડું  આજે પણ  ગુંચાવે  .

 

                              વારે ઘડીએ સરદાર કેરી યાદ  અપાવે.

 

રાજઘાટ, શાંતિઘાટ, વિજયઘાટ ,ઘાટ  ઘાટ છે  કેરી   હારમાળા ,

 

લોક જનતાના પ્રાણ પ્યારા સરદારને ભૂલી ગયા દિલ્હીવાળા, 

 

                               ભલે  તમે ભૂલી ગયા છો સરદાર પ્યારા.

 

                              જન જન કેરા મનમાં વસે સરદાર હમારા.

 

====================================================================

 

સ્વપ્ન જેસરવાકર   

નેતા બની ગયો…કટાક્ષ કવન

 નેતા  બની  ગયો…કટાક્ષ કવન  

 

===================================

 

સ્વ. આદિલ મન્સૂરીજીની લોકપ્રિય  ગઝલ-

 

“માનવ ના બની શક્યો તો એ ઈશ્વર બની ગયો”

 

ઉપરથી લખવાનો નમ્ર પ્રયાસ કર્યો છે.

 

===================================

  

નાગરિક ના બની શક્યો તો એ   નેતા  બની  ગયો

 

બધાય ને બનાવી ને એ  પોતે  નેતા  બની  ગયો.

 

પાળ્યું ના વચન એનો  દિલમાં છે ડાઘ

 

એ   અમારા  ડાઘ  ને  ઘોળી  ને  પી   ગયો …નાગરિક.

 

જીવવું  પણ દોહ્યલું  બન્યું છે હવે

 

અમારી એ વ્યથાને એતો  મજાક માની  ગયો… નાગરિક.

 

ગેસ, ડીઝલ.પેટ્રોલે તો માઝા મૂકી

 

અમારી વાતોને એ  હવામાં ઉડાવી ગયો… નાગરિક.

 

પાંચ વર્ષે  ફરી હાથ જોડી ઉભા રહ્યા

 

નઠારા નેતાઓ જુઓ  એકબીજાને ભાંડી રહ્યો … નાગરિક.

 

નહોતું  કશું  ય  પણ હવે  છે  બધું  જ

 

સાયકલવાળો જ હવે  મોટરે ચઢી  ગયો… નાગરિક.

 

“સ્વપ્ન” હતું  જે  એ  પૂરું  થઈ  ગયું

 

ઉધાર માંગતો એતો  કરોડોએ પહોંચી  ગયો… નાગરિક.

 

==========================================

(નાગરિકનો અર્થ દેશ અને પ્રજાને વફાદાર સમજવું ) 

 

સ્વપ્ન જેસરવાકર 

ગોદડીયો ચોરો…પોપટીયો પરધાન થયો (હાસ્ય કથા)

 

ગોદડીયો ચોરો…પોપટીયો પરધાન થયો(હાસ્ય કથા)

======================================================

 

=====
ગોદડીયો ચોરો જામ્યો હતો. અલકમલકની વાતો ચાલતી હતી. કેન્દ્રમાં સરકાર

 

મોઘવારીને  ભરી પી ગઈ હતી . અન્નાજી વચ્ચે વચે ધમકીઓ આપતા હતા પણ

 

સરકાર બેફીકર હતી.કોઈને નહિ ગાંઠવાનું પ્રણ લીધું હતું. આમેય સરકારો ક્યાં 

 

કદી પ્રજાને ગણે છે.

 

હું ગોદડીયો, નારણ શંખ, ધ્રુતરાષ્ટ્ર , કનું ક્ચોલું ,કોદાળો, અઠો બઠો જામી પડ્યા હતા.

 

કોદાળો કહે અલ્યા ગોદડીયા તું પેલા પોપટિયાની વાત કરતો હતો એનું શું થયું એ કહે.?

 

 

મેં કહ્યું જયારે ચુંટણીઓ આવી પડે  ત્યારે નેતાઓ જ્ઞાતિ આધારે ટીકીટ ફાળવતા હોય છે .

 

આખલાપર નામનું એક ગામ હતું . હજુ પાકા રોડ બન્યા નહોતા . વીજળી રાણી હજુ

 

 

શહેરના વૈભવ છોડી ગામડામાં પધાર્યા નહોતાં .ગામડાના જીવોને શહેરનો રંગ લાગ્યા

 

 નહોતો.

 

ગામની ભાગોળે પોપટભાઈ અને મેનાબેન ચાની રેંકડી  ચલાવતા સાથે નશેડિયું (દારૂ) પણ

 

વેચતા .

પોલીસ અને લોકોને ગંધ ના આવે એટલે દારૂ ને ” નશેડિયું ” નામ આપી દીધેલું .

 

 
ગામલોકો એમને પોપટી મેના નશેડીયા કહેતા. આજુબાજુના ગામના લોકો ચા પીવા ત્યાં

 

 
પધારતા .ઘણા રંગીલા પોપટની દારૂની પોટલીનો રંગ માણવા રેંકડી સુધી લાંબા થતા.

 

આ પોપટના બે મિત્રો  પોટલીનો રંગ માણવા રોજ અચૂક પધારતા એક શનો ને

બીજો બાબુ લોકો ગમ્મતમાં આ ચંડાળ ચોકડીને પોપટ પોટલી, મેના માટલી ,

 

 

શનો શીશી ને બાબુ બાટલી કહેતા.

 

કેમ કે નશેડિયું (દારૂ) ભરવા પોટલી, માટલી, શીશી ને બાટલી જ  કામ લાગે.

લોકોએ  ગમ્મતમાં એક જોડકણું બનાવી દીધું હતું.

 

 

“શના કેરી  શીશી ને બાબુ ભરે છે બાટલી

 

મેના કેરી માટલીએ પોપટે બાંધી  પોટલી “

 

 

નેતાઓએ આ પોપટિયાને વિધાનસભાની ટીકીટ આપી દીધી. ચૂંટણી પંચે નિશાન

 

 

માટલીનું આપ્યું.

 

 

મારા વા’લા દેકારો કરે ને  આઠ દશ માટલીઓ સાથે રાખે જેમાં નશેડિયું ભરેલું હોય

 

 

ને ગામે ગામ ફરે.

 

 

સવારથી પોપટ કામે લાગી જાય. ગામડાં ફરે લોકોને સમજાવે રેંકડીએ કીટલીનો

 

સ્વાદ લેવા આવવાનું આમંત્રણ આપે કે સાથે નશેડિયું  ને ચવાણું મળશે.

 

શનો અને બાબુ તો બસ પોપટની છાપરીએ પડ્યા ને પાથર્યા જ રહે.

 

પાછા એ બન્ને હતા ઉમેદવારના સબળ ટેકેદારો .

 

પોપટ વિધાનસભાનો ઉમેદવાર થયો એટલે દુર સંચાર ખાતાએ એમની છાપરીમાં

 

ફોન જોડી આપ્યો.

 

દુર સંચાર કેવું છે ? એ લગભગ બધાને ખુબ જ અનુભવ થયો છે.

 

ઘણી વાર તો કેસેટ જ વાગે તો કોઈક વાર અવાજના પડઘા પડે.

 

એક વાર ફોન આવ્યો તો શના શીશીએ ફોન ઉપાડ્યો તો કેસેટ વાગવા લાગી .

 

હવે સવારથી જ નશેડીયાની (દારૂ) વખારમાં હોય અને બરાબર  ઠઠડાવ્યું (પીધું) હોય.

 

પછી કોણ શું બોલે એનું ભાન ક્યાંથી હોય ?

 

કેસેટમાં….ઇસ રૂટકી સભી લાઈને વ્યસ્ત હે કૃપા કરી થોડી  દેરકે બાદ ડાયલ કરે ?

 

શનો કહે અલ્યા બાબુ આ કોક છોડી ( છોકરી ) કે.. સે ( કહે છે )

 

એને વ્રત સે તો બરાડે( બોલે) સે હેની (કેમ)

 

બાબુ કહે તને હમજણ નો પડે તારામાં વળી અકલ (અક્કલ) જ ચ્યોં સે ( ક્યાં છે )

 

હવે ભુંગળુ હું લેઇશ (લઈશ)

 

બાબુએ એક નંબર ડાયલ કર્યો તો કેસેટ વાગી આપ ક્યુ (લાઈન ) મેં હે !

 

બાબુ કહે અલ્યા શના આ છોડી કે સે તમે કુવામાં સો (છો)

 

હવે આ બધાની સાથે પેલા મફત પીવાવાળા પણ આ પોપટિયાના પ્રચારમાં લાગી ગયા.

 

એક જગ્યાએ મોદ (એક જાતનું જાડું કાપડ) પાથરી મંડપ જેવું કરી લોકોને ભેગા  કરી

 

પોપટિયાનું પ્રવચન રાખ્યું.

 

હવે સ્ટેજ પર શનો અને બાબુ તો હોય જ ! કેમકે આ બે પોપટના કારભારીઓ હતા.

 

શનો શીશીમાંથી હથેળીમાં નશેડિયું (દારૂ )કાઢે ચારેય દિશામાં ઉડાડતો  જાણે કે એ

 

ગંગાજળ છાટતો  હોય . બાબુ બાટલી જોરથી પોપટ પોટલીનો જયકારો બોલાવતો હતો.

 

બોલો પોપટ પોટલીયાની જે …જે…જે …જે…જે..

 

પોપટીયો પોતડી ને નવો ઝબ્બો ( ઝભ્ભો ) પેરીને(પહેરી) આવી ગયો કોઈએ કહ્યું આ

 ભુંગળામાં (માઈક) બોલો.

 

પોપટલાલ કહે ભઈઓ ને બોનો (બહેનો) જુઓ આ ભુંગળામાંથી હવે ભોકું (બોલું) સું.

 

હંધાય(બધાય) હરવરો ને હદીયારો (સથવારો) ધો તો બાપલા આપનું હારું થાય ને

 

હોનાનો (સોનાનો) હુરજ(સુરજ) ઉગે.

 

આખી ટોળી જથ્થાબંધ દારૂની પોટલીયો અને ચવાણું ને ચા વહેચવા માંડે.

 

આમેય આપણે ત્યાં ચૂંટણીની મોસમ હોય ત્યારે ચા..ચવાણું ..અને ચૂસકી નો રંગ ખુબ જામે છે .

 

પ્રજા પણ સારા ઉમેદવારને ભૂલી ” ચા …ચવાણું.. ચૂસકી ” રંગે રંગાઈને  અમુલ્ય મત વેડફી

 

 દે છે.!

 

” ચૂસકી ” એટલા માટે કે ઘણાય ધીમે ધીમે ચુસ્કીનો રંગ માણતા હોય છે. હમણાં જ

 

 અમદાવાદમાં આ ચૂસકીની મઝા માણતા નેતાઓ, બિલ્ડરો, અને વેપારીઓ તેમજ

 

 ઉદ્યોગપતિઓ ઝડપાયા છે.

 

ચા..ચવાણા અને ચૂસકીની રંગતના પ્રતાપે મતદાન જોરદાર થયું.

 

મત ગણતરીમાં  પોપટીયો જીતી ગયો . ગાંધીનગર જવાનો રસ્તો ખુલી ગયો .

 

જોકે મોટાભાગના પોટલીયા જ જીતીને ગાંધીનગર જતા હોય છે.

 
ગાંધીનગર  એક આંધીનગર જ કહેવાય. બધી આંધીઓ અહીંથી ઉઠે છે. કોકને રડાવે કોકને

 

હસાવે તો કોકને ગર્તામાં ધકેલી દે.

ભલ ભલાને ઉખાડીને ફેંકી દે…કોક ગગલો પાછો ગાદીએ બેસી જાય !.

 

પોપટીયો ગાંધીનગર ગયો ને નસીબનો બળીયો કે પ્રધાન મંડળમાં નંબર લાગી ગયો.

 

રાજ્યપાલે પોપટલાલને સોગંધ  લેવા સ્ટેજ પર બોલાવ્યા.

 

રાજ્યપાલ કહે હું બોલું એમ તમારે બોલવાનું છે.

 

પોપટ કહે હાઉ મારી મેનાના  હોગંધ (સોગંધ) લેવ (લઉં) સુ (છું ) કે હંધુય ( સઘળું ) કોમ (કામ )

 

 હરખી (સરખી) રીતે કરશ (કરીશ) જે કોમ (કામ) હોપશે (સોપશે) ઈને (તેને) બવ (બહુ)

 

 વધારેશ (વધારીશ).

 

 

રાજ્યપાલ કહે જુઓ પોપટલાલ આમાં મેનાબહેનના સોગંધ ના ચાલે.

 

પોપટ કહે બાપલા તમે નો હમજો (સમજો) મારા ગરાકો (ઘરાક)ને મેનાના હોગંધ દુ તો પટાક

 

 (તરત) કરતી પોટલી વેચઇ (વેચાઈ) જાય.એટલે મેનાના હોગંધ મારે બવ હોનાના (સોનાના)

 

મુખ્યમંત્રીએ રાજ્યપાલને કહ્યું નામદાર આ પોપટલાલ ભણેલા નથી ને અમારે સરકાર રચવા 

 

આવાની  જરૂર પડે જ એટલે આવા પોપટોને નિભાવવા પડે છે.

 

 જરા મહેરબાની કરીને ચલાવી લોને ?

 

આમ પોપટીયો પરધાન થઇ ગયો . કોઈએ પોપટલાલને કહ્યું આ તમારા પીએ છે.

 

 

પોપટીયો કહે બવ હારું લ્યો આ પીએ તો મારો પોટલીનો પે’લો (પહેલો) ગરાક (ઘરાક) મલી

 

 ગયો .

 

ત્યાં એમણે કહ્યું એ બીએ છે .પોપટીયો કહે પીએ ને બીએ (બીવે) એ કેમ ચાલે ?

 

પોપટીયો કહે મારે સાપરું (છાપરું) ચ્યાં (ક્યાં)બનાવવાનું મારે જગા વધારે  જોઇશે હજુ

 

 ઘરવાહ ( ઘરવખરી) ને માટલાં હંધુય (બધુય ) લાવવાનું સે . ખાટલો ગોદડી , નવહાર

 

 

 ( દારૂ બનાવવા વપરાય) ગોર (ગોળ) બધું જોઈએ તોજ ધંધો હાલે.ને મોજમાં દા’ડા

 

(દિવસો) જાય

 
પીએ સમજી ગયા કે પોપટલાલ જોડે એમની ભાષામાં બોલવું પડશે.

 

પેલા પીએ કહે સાયેબ (સાહેબ) તમારે બંગલામાં રેવાનું સે (રહેવાનું).

 

પોપટીયો કહે અલ્યા પીએ તું પીધા પેલાં (પહેલા) જ વંટોરે ( વંટોળે ) ચડ્યો.

 

બગલા પર ચેવી (કેવી) રીતે રેવાય ?. અક્કલમઠો લાગે સે !

પીએ કહે બગલો નઈ (નહિ) બંગલો એટલે મોટું ઘર .

 

 

ત્યારે એમ હરખું (સરખું) હમજાય (સમજાવ) ને. કે મોટો બગલો સે . 

 

 
ગામ જવાનું હોવાથી એમ્બેસડર ગાડી આવી ગઈ.

 

 

 આમેય પ્રજાને પૈસે આવા પોપટોને ગાડી મળે છે !

 

 

પોપટીયો કહે અલ્યા ભાય (ભાઈ)  આ હડેડાટીયું (કાર) કોનું સે ?

 

 

પીએ કહે તમારે આમાં બેહી (બેસી)તમારે ગોમ (ગામ)  જવાનું સે ? જામો પડશે.

 

 

પોપટલાલ હડેડાટિયાને પગે લાગ્યા……..જે  ચટણી (ચૂંટણી) મા……….

 

 

આ ચટણી માયે મન હડેડાતિયું દધું (દીધું)……એની જે હોજો ..

 

હવે પ્રધાનની કાર હોય એટલે સિક્યુરીટી હોય જ ને !

 

 

પોપટલાલને   પાઈલોટ કરવા  પોલીસ હોય તે આવી. પહોચી.

 

 

એટલે પોપટીયો કહે સાયેબ (સાહેબ) હજુ ગાળવાનું હાલું (ચાલુ)  કર્યું નથી ને અપતા

 

 

(હપ્તા)  લેવા આઈ જ્યા (ગયા) !

 

પોલીસ વિમાસણમાં પડી ગઈ. પીએ એ કહ્યું. આતો તમને રસ્તો બતાવવા આવે છે .

 

ગોમમાં (ગામમાં) પોપટીયો હડેડાતીયું (કાર) લઈને આયા (આવ્યા) એટલે આખું ગોમ ભેળું

 

 

થી (થઇ) જયું .(ગયું)

 

 

મેનાબોન તો હડેડાટીયાની  પૂજા કરી હાત (સાત) ફેરા  ફરી આયાં. કંકુ ભરેલી ડાબલીઓ 

 

 

કાર પર નાખી મસાજ કરતા હોય એમ સફેદ રંગની કારને લાલ રંગની કરી દીધી. લગભગ

 

 

 શેર ચોખા ચડાવ્યા . ફૂલો વેર્યા .કંકુના ચાંલ્લા કર્યા. જયકારો કરી લાંબા થઈને આઠ

 

 

દશવાર તો પગે લાગ્યાં.

 

 

એમણે ખાટલા, ગોદડી, માટલાં ચા સામગ્રી બધું ભરી તૈયાર  કરી દીધું. સાથે નવસાર , ગોળ

 

 

ને   બીજી સામગ્રી લીધી.

 

કાર પર ખાટલો અને રેંકડી કાથીથી બાંધી દીધા. ને ડ્રાયવરને કહ્યું ભાય હદેડાતીયું હંકારો

 

 અવે..

 

 

આખું ગામ પોપટ મેનાને વળાવવા ભેગું થયું હતું. એમણે પોપટનો જયકારો બોલાવ્યો .

 

 

પોપટ ચાલ્યો રે પરદેશ ….એતો ચલાવશે આખો દેશ ….પોપટ ચાલ્યો રે પરદેશ.

 

 

પોપટ મેનાને લઇને  નીકળી પડ્યા આંબા ડાળે ઝૂલવા…

 

 

 

ગાંધીના નગર…ગાંધીનગર ઉર્ફે.. આંધીનગર..

 

 

 

હાટકો= પોપટ આમ તો લીલો હોય છે પણ આ પોપટ તો લાલ થઇ ગયો……

 

 

 

               આમેય આ પોપટો ચૂંટાયા પહેલાં લીલા હોય છે .

 

 

               પણ સત્તાનો નશો ચઢે એટલે લાલ થઇ જાય છે.

 

 

==============================================================================

સ્વપ્ન જેસરવાકર

પ્રેમ પાંગર્યો નેટ પર…કાવ્ય

 

પ્રેમ પાંગર્યો નેટ પર…કાવ્ય  

================================

પ્રેમ અમારો પાંગર્યો હતો નેટ પર

વાતો અને પ્રેમાલાપ થયો ચેટ પર

કાયમ આવતાં જ હતાં એ જેટ પર

અમેય પ્રતિક્ષા કરતા હતા ગેટ પર

કાયમ ખુશ રહે છે અમારી ભેટ પર

દેવું વધી ગયું છે  મારી ક્રેડીટ પર

એમને વધુ પ્રેમ છે એમની કેટ પર

ડાયેટિંગ માટે  જીવે છે લો ફેટ પર

સરકારો પણ હવે ચાલે છે વેટ પર

ભાંગી ગયા બધાંય  સપનાં સેટ પર

================================

સ્વપ્ન જેસરવાકર   

સદા બહાર દેવાનંદને શ્રદ્ધાંજલિ…..

 

સદા બહાર દેવાનંદને શ્રદ્ધાંજલિ…..

 

===============================================

 

                             ચિત્ર માટે ગુગલનો આભાર

 

=================================================

 

જાગી  “ઈન્સાનિયત” તો “ટેક્સી ડ્રાયવર” બના “ઝીદ્દી” 

 

“બાઝી” ખેલેંગે “હમ દોનો” મેં કોન હે ” અસલી નકલી “

 

કિયા જો “કાલા બાઝાર”  તો સજા ભી હુઈ “કાલાપાની”

 

“જ્વેલથીફ” કી “જાલ” મેં  ફસકર બના “શરીફ બદમાશ”

 

“તેરે ઘર કે સામને “ દેખા  “જબ પ્યાર કિસીસે હોતા હે “

 

“સીઆઈડી” ને “વોરંટ “ નિકાલા તો  ભાગા “દેશ પરદેશ “

 

“જોશીલા” બનકર “જાનેમન” ગાયા ” હરે રામા હરે કૃષ્ણા”  

 

“અમીર ગરીબ” કો “મુનીમજી” પહેચાને યા ” છુપા રુસ્તમ” 

 

“ગાઈડ “ અબ અલવિદા કહેતા હે કી ” જોની મેરા નામ “

 

શ્રધ્ધાંજલિ “સ્વપ્ન”કી “સદા બહાર દેવાનંદ” કો  સો  સલામ  

 

=============================================

“સ્વપ્ન” જેસરવાકર (ગોવિંદ પટેલ)

 

ગોદડીયો ચોરો……..સીડીનું કમઠાણ

 

ગોદડીયો ચોરો……..સીડીનું કમઠાણ

 

========================================================================
શિયાળાની ઋતુ જામી હતી ઠંડીની શરૂઆત થઇ રહી હતી. જોકે વાતાવરણ દ્વી ઋતુ બની ગયું હતું.
સવિતાનારાયણ વહેલા વિદાય લઇ રહ્યા હોવાથી અંધારું પણ વહેલું થઇ જતું હતું.  જોકે રવિ ઉર્ફે
ભાસ્કર મહારાજને બીજા દેશોમાં એપોઇન્ટમેન્ટ સાચવવાની હોવાથી જલ્દી વિદાય લઇ રહ્યા હતા.
અમે ગોદડીયા ચોરાના મિત્રો નોકરી પરથી સીધા જ ચોરાના મથકે પહોચી જતા હતા.
હું ગોદડીયો,  ધ્રુતરાષ્ટ્ર,  નારણ શંખ, અઠો , બઠ્ઠો ભેગા મળી ગાદલા તળાવ કિનારે બેઠા હતા.
બધા ચર્ચાના ચકડોળે ચઢી દેશ વિદેશના વાયરામાં ઝૂમી રહ્યા હતા ને ચાની ચૂસકી લેતા હતા.
એટલામાં કનું કચોલું અને કોદાળો ઝૂમતા ઝૂમતા આવી પહોંચ્યા.
ક્ચોલું કહે અલ્યા તમે બધાએ સાભળ્યું ને ટીવીમા જોયું કે નહિ પેલા વાયદા બજારના વેપારી એવા
શરદ પવારને કોઈક સરદારજીએ   ધમધમાવીને સટાક કરતો લાફો ઝીકી દીધો . મને લાગે છે કે હવે
જે ગાલવો  ફૂલેલો હતો તે સરખો થઇ ગયો હશે ચાલો વગર પૈસે ઓપરેશન થઇ ગયું.
મેં કહ્યું અલ્યા સરદારજીના સારથીને સરદારજીએ સટાકો સમ સમાવ્યો .
એટલામાં કોદાળાના  મોબાઈલ ફોન પર કોઈનો ફોન આવ્યો .  મારા વા’લાએ રીંગટોન પણ જબરો મુકાવેલો.
“પ્યાર હુઆ ઈકરાર હુઆ પ્યારસે કયું ડરતા હે દિલ” કોદાળો ફોન ઉપાડી કહ્યું હલું કોણ બોલો છે ?
સામેથી જવાબ આવ્યો કેમ ઈકરાર થયો કે પછી સીડી મોકલી આપું પેલી !
કોદાળાજીએ  ફોન કાપી નાખ્યો ને મો કટાણું કરીને બોલ્યો આજકાલ આ સીડીઓ માઝા મુકે છે ?.
જુઓને હમણાં ભવરીદેવીની સીડી અને બીજી એક સીડી રાજસ્થાનમાં રમખાણ મચાવી રહી છે.  કોંગ્રેસ અને
ભાજપવાળા બન્નેના ધોતિયાં ઢીલા થઇ ગયાં છે. શાખ બચાવવા હવાતિયા મારે છે .
નારણ શંખ કહે થોડા દિવસ પહેલા પ્રશાંત ભૂષણની સીડી આવી હતી .
ધ્રુતરાષ્ટ્ર કહે હવે તો બાવાઓની સીડીઓ પણ મંદિરમાંથી  નીકળી બજારમાં ચકડોળે ચઢે છે.
મેં કહ્યું ભાઈ આ સીડી જયારે બજારમાં આવી તો તેનાં પહેલા મીણની રેકોડ આવતી પછી કેસેટો આવતી
જોવાની અને સાંભળવાની એના ભાવનો ભડકો કરી ભોયમાં ભંડારી દીધી છે.
સીડી જોવાય સંભળાય ને વગાડાય. અરે સીડી કોમ્પ્યુટરમાં પણ કામ આવે. સીડી દ્વારા પ્રેઝન્ટેશન થાય.
મેં કહ્યું ભાઈ આ સીડી ઘણીવાર જૂની થઇ જાય ઘસાઈ જાય તેના ઉપર સ્કેચ પડી જાય તો જયારે વગાડીએ
ત્યારે ઘણા શબ્દો સંભળાય પણ નહિ વચ્ચે આઆઅ …..ર્ર્ર્રર્ર્ર  ….ઊઊઉ….લાલલા……ઈઈઈઈ જેવું સંભળાય.
કેટલીય સીડીઓ જથ્થાબંધ ભેગી થાય ત્યારે જો ઉપર કઈક લખેલું ના હોય તો શોધવામાં મુશીબત પડે.
કેટલીક વખત નકામી સીડી માળિયા ઉપર મૂકી દેવામાં આવે અને ભૂલે ચુકે જો માળીયેથી  નીચે પડે તો પાછી
ઉછળી ઉછળીને કહે કે હું હજી છું મને જુઓ મને વગાડો મને સાંભળો હું હજી લાઈનમાં છું.
ભલ ભલા ને  મનમાં થાય કે હા ભાઈ તું છું પણ જયારે હતી ત્યારે સીધી ચાલી નહિ કોઈને સાંભળ્યા  નથી.
કોઈનું માન્યું નથી . બહુ સમજાવ્યું કે ચકલી ફૂલેકે ના ચડાવીશ નહીતો ઘસાઈ જઈશ. સ્ક્રેચ પડી જશે પણ

અમ જેવાનુંકોણ સાભળે…………….હવે કર્યા ભોગવ ને માળીયે પડી રહે.
ઘણીવાર નામ પણ કેવી ગમ્મત સર્જે છે . અર્થના અનર્થો પણ થઇ જાય છે.
અમારા એક મિત્ર છે નામ છે ચંદુભાઈ ડાહ્યાભાઈ ….. એટલે અંગ્રેજીમાં ટૂંકું નામ સી.ડી.
હવે ઘણા અળવીતરા  એમના ઘર આગળ બોલે કે લખી આવે ….જુઓ કેવી ગમ્મત.
સીડી ભાડે મળશે………સીડી વેચવાની છે…..સીડી ઘસાઈ ગઈ છે….સીડીમાં સ્કેચ પડ્યા હોઈ સસ્તામાં કાઢવાની છે.
સીડીનો બીજો અર્થ નિસરણી થાય…..આ સીડી ઉપર ચઢવા કામ લાગે તો નીચે ઉતરવા પણ કામ લાગે
હવે સીડીનું એક પગથિયું ભાગી જાય તો નકામી થઇ જાય પણ વાંકીચુકી થઈને પણ હાજરી તો પુરાવે.
સીડીથી ઉપર ચડાય પણ જો કોઈ ઉપર ચડ્યો હોય એને નીચે ખેચી લેવાય. અથવા કોઈને ઉપરથી નીચે પડાય…..

આમેય હવે સીડીઓ નકામી થી હોઈ માળીયે મૂકી દેવાની જરૂર છે . નક્કામી વચ્ચે અટવાય અને ફફડતી બંધ થાય.

સીડી એક દેશી રમત પણ છે અને સર્પ સીડીની રમતથી તો આપ વાકેફ હશો જ ! ઠેઠ ઉપર પહોચ્યા પછી પછી

ધમ કરતી  ને પછી નીચે લાવી દે ! હવે આ સીડીને ધરબી દ્યો…… ભાઈ ધરબી દ્યો…….ભાઈ ધરબી દ્યો !!!!!!!!

હાટકો-     સીડી, બીડી, ને  કીડી સર્વનાશ નોતરે છે માટે ચેતજો !!!!!!!!!!!!!!!!!!!!!!!!!!!!!!!!!!!!!

==================================================================================

સ્વપ્ન જેસરવાકર