ગોદડીયો ચોરો…પોપટીયો પરધાન થયો(હાસ્ય કથા)
======================================================
=====
ગોદડીયો ચોરો જામ્યો હતો. અલકમલકની વાતો ચાલતી હતી. કેન્દ્રમાં સરકાર
ગોદડીયો ચોરો જામ્યો હતો. અલકમલકની વાતો ચાલતી હતી. કેન્દ્રમાં સરકાર
મોઘવારીને ભરી પી ગઈ હતી . અન્નાજી વચ્ચે વચે ધમકીઓ આપતા હતા પણ
સરકાર બેફીકર હતી.કોઈને નહિ ગાંઠવાનું પ્રણ લીધું હતું. આમેય સરકારો ક્યાં
કદી પ્રજાને ગણે છે.
હું ગોદડીયો, નારણ શંખ, ધ્રુતરાષ્ટ્ર , કનું ક્ચોલું ,કોદાળો, અઠો બઠો જામી પડ્યા હતા.
કોદાળો કહે અલ્યા ગોદડીયા તું પેલા પોપટિયાની વાત કરતો હતો એનું શું થયું એ કહે.?
મેં કહ્યું જયારે ચુંટણીઓ આવી પડે ત્યારે નેતાઓ જ્ઞાતિ આધારે ટીકીટ ફાળવતા હોય છે .
આખલાપર નામનું એક ગામ હતું . હજુ પાકા રોડ બન્યા નહોતા . વીજળી રાણી હજુ
શહેરના વૈભવ છોડી ગામડામાં પધાર્યા નહોતાં .ગામડાના જીવોને શહેરનો રંગ લાગ્યા
નહોતો.
ગામની ભાગોળે પોપટભાઈ અને મેનાબેન ચાની રેંકડી ચલાવતા સાથે નશેડિયું (દારૂ) પણ
વેચતા .
પોલીસ અને લોકોને ગંધ ના આવે એટલે દારૂ ને ” નશેડિયું ” નામ આપી દીધેલું .
ગામલોકો એમને પોપટી મેના નશેડીયા કહેતા. આજુબાજુના ગામના લોકો ચા પીવા ત્યાં
પધારતા .ઘણા રંગીલા પોપટની દારૂની પોટલીનો રંગ માણવા રેંકડી સુધી લાંબા થતા.
આ પોપટના બે મિત્રો પોટલીનો રંગ માણવા રોજ અચૂક પધારતા એક શનો ને
બીજો બાબુ લોકો ગમ્મતમાં આ ચંડાળ ચોકડીને પોપટ પોટલી, મેના માટલી ,
શનો શીશી ને બાબુ બાટલી કહેતા.
કેમ કે નશેડિયું (દારૂ) ભરવા પોટલી, માટલી, શીશી ને બાટલી જ કામ લાગે.
લોકોએ ગમ્મતમાં એક જોડકણું બનાવી દીધું હતું.
“શના કેરી શીશી ને બાબુ ભરે છે બાટલી
મેના કેરી માટલીએ પોપટે બાંધી પોટલી “
નેતાઓએ આ પોપટિયાને વિધાનસભાની ટીકીટ આપી દીધી. ચૂંટણી પંચે નિશાન
માટલીનું આપ્યું.
મારા વા’લા દેકારો કરે ને આઠ દશ માટલીઓ સાથે રાખે જેમાં નશેડિયું ભરેલું હોય
ને ગામે ગામ ફરે.
સવારથી પોપટ કામે લાગી જાય. ગામડાં ફરે લોકોને સમજાવે રેંકડીએ કીટલીનો
સ્વાદ લેવા આવવાનું આમંત્રણ આપે કે સાથે નશેડિયું ને ચવાણું મળશે.
શનો અને બાબુ તો બસ પોપટની છાપરીએ પડ્યા ને પાથર્યા જ રહે.
પાછા એ બન્ને હતા ઉમેદવારના સબળ ટેકેદારો .
પોપટ વિધાનસભાનો ઉમેદવાર થયો એટલે દુર સંચાર ખાતાએ એમની છાપરીમાં
ફોન જોડી આપ્યો.
દુર સંચાર કેવું છે ? એ લગભગ બધાને ખુબ જ અનુભવ થયો છે.
ઘણી વાર તો કેસેટ જ વાગે તો કોઈક વાર અવાજના પડઘા પડે.
એક વાર ફોન આવ્યો તો શના શીશીએ ફોન ઉપાડ્યો તો કેસેટ વાગવા લાગી .
હવે સવારથી જ નશેડીયાની (દારૂ) વખારમાં હોય અને બરાબર ઠઠડાવ્યું (પીધું) હોય.
પછી કોણ શું બોલે એનું ભાન ક્યાંથી હોય ?
કેસેટમાં….ઇસ રૂટકી સભી લાઈને વ્યસ્ત હે કૃપા કરી થોડી દેરકે બાદ ડાયલ કરે ?
શનો કહે અલ્યા બાબુ આ કોક છોડી ( છોકરી ) કે.. સે ( કહે છે )
એને વ્રત સે તો બરાડે( બોલે) સે હેની (કેમ)
બાબુ કહે તને હમજણ નો પડે તારામાં વળી અકલ (અક્કલ) જ ચ્યોં સે ( ક્યાં છે )
હવે ભુંગળુ હું લેઇશ (લઈશ)
બાબુએ એક નંબર ડાયલ કર્યો તો કેસેટ વાગી આપ ક્યુ (લાઈન ) મેં હે !
બાબુ કહે અલ્યા શના આ છોડી કે સે તમે કુવામાં સો (છો)
હવે આ બધાની સાથે પેલા મફત પીવાવાળા પણ આ પોપટિયાના પ્રચારમાં લાગી ગયા.
એક જગ્યાએ મોદ (એક જાતનું જાડું કાપડ) પાથરી મંડપ જેવું કરી લોકોને ભેગા કરી
પોપટિયાનું પ્રવચન રાખ્યું.
હવે સ્ટેજ પર શનો અને બાબુ તો હોય જ ! કેમકે આ બે પોપટના કારભારીઓ હતા.
શનો શીશીમાંથી હથેળીમાં નશેડિયું (દારૂ )કાઢે ચારેય દિશામાં ઉડાડતો જાણે કે એ
ગંગાજળ છાટતો હોય . બાબુ બાટલી જોરથી પોપટ પોટલીનો જયકારો બોલાવતો હતો.
બોલો પોપટ પોટલીયાની જે …જે…જે …જે…જે..
પોપટીયો પોતડી ને નવો ઝબ્બો ( ઝભ્ભો ) પેરીને(પહેરી) આવી ગયો કોઈએ કહ્યું આ
ભુંગળામાં (માઈક) બોલો.
પોપટલાલ કહે ભઈઓ ને બોનો (બહેનો) જુઓ આ ભુંગળામાંથી હવે ભોકું (બોલું) સું.
હંધાય(બધાય) હરવરો ને હદીયારો (સથવારો) ધો તો બાપલા આપનું હારું થાય ને
હોનાનો (સોનાનો) હુરજ(સુરજ) ઉગે.
આખી ટોળી જથ્થાબંધ દારૂની પોટલીયો અને ચવાણું ને ચા વહેચવા માંડે.
આમેય આપણે ત્યાં ચૂંટણીની મોસમ હોય ત્યારે ચા..ચવાણું ..અને ચૂસકી નો રંગ ખુબ જામે છે .
પ્રજા પણ સારા ઉમેદવારને ભૂલી ” ચા …ચવાણું.. ચૂસકી ” રંગે રંગાઈને અમુલ્ય મત વેડફી
દે છે.!
” ચૂસકી ” એટલા માટે કે ઘણાય ધીમે ધીમે ચુસ્કીનો રંગ માણતા હોય છે. હમણાં જ
અમદાવાદમાં આ ચૂસકીની મઝા માણતા નેતાઓ, બિલ્ડરો, અને વેપારીઓ તેમજ
ઉદ્યોગપતિઓ ઝડપાયા છે.
ચા..ચવાણા અને ચૂસકીની રંગતના પ્રતાપે મતદાન જોરદાર થયું.
મત ગણતરીમાં પોપટીયો જીતી ગયો . ગાંધીનગર જવાનો રસ્તો ખુલી ગયો .
જોકે મોટાભાગના પોટલીયા જ જીતીને ગાંધીનગર જતા હોય છે.
ગાંધીનગર એક આંધીનગર જ કહેવાય. બધી આંધીઓ અહીંથી ઉઠે છે. કોકને રડાવે કોકને
હસાવે તો કોકને ગર્તામાં ધકેલી દે.
ભલ ભલાને ઉખાડીને ફેંકી દે…કોક ગગલો પાછો ગાદીએ બેસી જાય !.
પોપટીયો ગાંધીનગર ગયો ને નસીબનો બળીયો કે પ્રધાન મંડળમાં નંબર લાગી ગયો.
રાજ્યપાલે પોપટલાલને સોગંધ લેવા સ્ટેજ પર બોલાવ્યા.
રાજ્યપાલ કહે હું બોલું એમ તમારે બોલવાનું છે.
પોપટ કહે હાઉ મારી મેનાના હોગંધ (સોગંધ) લેવ (લઉં) સુ (છું ) કે હંધુય ( સઘળું ) કોમ (કામ )
હરખી (સરખી) રીતે કરશ (કરીશ) જે કોમ (કામ) હોપશે (સોપશે) ઈને (તેને) બવ (બહુ)
વધારેશ (વધારીશ).
રાજ્યપાલ કહે જુઓ પોપટલાલ આમાં મેનાબહેનના સોગંધ ના ચાલે.
પોપટ કહે બાપલા તમે નો હમજો (સમજો) મારા ગરાકો (ઘરાક)ને મેનાના હોગંધ દુ તો પટાક
(તરત) કરતી પોટલી વેચઇ (વેચાઈ) જાય.એટલે મેનાના હોગંધ મારે બવ હોનાના (સોનાના)
મુખ્યમંત્રીએ રાજ્યપાલને કહ્યું નામદાર આ પોપટલાલ ભણેલા નથી ને અમારે સરકાર રચવા
આવાની જરૂર પડે જ એટલે આવા પોપટોને નિભાવવા પડે છે.
જરા મહેરબાની કરીને ચલાવી લોને ?
આમ પોપટીયો પરધાન થઇ ગયો . કોઈએ પોપટલાલને કહ્યું આ તમારા પીએ છે.
પોપટીયો કહે બવ હારું લ્યો આ પીએ તો મારો પોટલીનો પે’લો (પહેલો) ગરાક (ઘરાક) મલી
ગયો .
ત્યાં એમણે કહ્યું એ બીએ છે .પોપટીયો કહે પીએ ને બીએ (બીવે) એ કેમ ચાલે ?
પોપટીયો કહે મારે સાપરું (છાપરું) ચ્યાં (ક્યાં)બનાવવાનું મારે જગા વધારે જોઇશે હજુ
ઘરવાહ ( ઘરવખરી) ને માટલાં હંધુય (બધુય ) લાવવાનું સે . ખાટલો ગોદડી , નવહાર
( દારૂ બનાવવા વપરાય) ગોર (ગોળ) બધું જોઈએ તોજ ધંધો હાલે.ને મોજમાં દા’ડા
(દિવસો) જાય
પીએ સમજી ગયા કે પોપટલાલ જોડે એમની ભાષામાં બોલવું પડશે.
પેલા પીએ કહે સાયેબ (સાહેબ) તમારે બંગલામાં રેવાનું સે (રહેવાનું).
પોપટીયો કહે અલ્યા પીએ તું પીધા પેલાં (પહેલા) જ વંટોરે ( વંટોળે ) ચડ્યો.
બગલા પર ચેવી (કેવી) રીતે રેવાય ?. અક્કલમઠો લાગે સે !
પીએ કહે બગલો નઈ (નહિ) બંગલો એટલે મોટું ઘર .
ત્યારે એમ હરખું (સરખું) હમજાય (સમજાવ) ને. કે મોટો બગલો સે .
ગામ જવાનું હોવાથી એમ્બેસડર ગાડી આવી ગઈ.
આમેય પ્રજાને પૈસે આવા પોપટોને ગાડી મળે છે !
પોપટીયો કહે અલ્યા ભાય (ભાઈ) આ હડેડાટીયું (કાર) કોનું સે ?
પીએ કહે તમારે આમાં બેહી (બેસી)તમારે ગોમ (ગામ) જવાનું સે ? જામો પડશે.
પોપટલાલ હડેડાટિયાને પગે લાગ્યા……..જે ચટણી (ચૂંટણી) મા……….
આ ચટણી માયે મન હડેડાતિયું દધું (દીધું)……એની જે હોજો ..
હવે પ્રધાનની કાર હોય એટલે સિક્યુરીટી હોય જ ને !
પોપટલાલને પાઈલોટ કરવા પોલીસ હોય તે આવી. પહોચી.
એટલે પોપટીયો કહે સાયેબ (સાહેબ) હજુ ગાળવાનું હાલું (ચાલુ) કર્યું નથી ને અપતા
(હપ્તા) લેવા આઈ જ્યા (ગયા) !
પોલીસ વિમાસણમાં પડી ગઈ. પીએ એ કહ્યું. આતો તમને રસ્તો બતાવવા આવે છે .
ગોમમાં (ગામમાં) પોપટીયો હડેડાતીયું (કાર) લઈને આયા (આવ્યા) એટલે આખું ગોમ ભેળું
થી (થઇ) જયું .(ગયું)
મેનાબોન તો હડેડાટીયાની પૂજા કરી હાત (સાત) ફેરા ફરી આયાં. કંકુ ભરેલી ડાબલીઓ
કાર પર નાખી મસાજ કરતા હોય એમ સફેદ રંગની કારને લાલ રંગની કરી દીધી. લગભગ
શેર ચોખા ચડાવ્યા . ફૂલો વેર્યા .કંકુના ચાંલ્લા કર્યા. જયકારો કરી લાંબા થઈને આઠ
દશવાર તો પગે લાગ્યાં.
એમણે ખાટલા, ગોદડી, માટલાં ચા સામગ્રી બધું ભરી તૈયાર કરી દીધું. સાથે નવસાર , ગોળ
ને બીજી સામગ્રી લીધી.
કાર પર ખાટલો અને રેંકડી કાથીથી બાંધી દીધા. ને ડ્રાયવરને કહ્યું ભાય હદેડાતીયું હંકારો
અવે..
આખું ગામ પોપટ મેનાને વળાવવા ભેગું થયું હતું. એમણે પોપટનો જયકારો બોલાવ્યો .
પોપટ ચાલ્યો રે પરદેશ ….એતો ચલાવશે આખો દેશ ….પોપટ ચાલ્યો રે પરદેશ.
પોપટ મેનાને લઇને નીકળી પડ્યા આંબા ડાળે ઝૂલવા…
ગાંધીના નગર…ગાંધીનગર ઉર્ફે.. આંધીનગર..
હાટકો= પોપટ આમ તો લીલો હોય છે પણ આ પોપટ તો લાલ થઇ ગયો……
આમેય આ પોપટો ચૂંટાયા પહેલાં લીલા હોય છે .
પણ સત્તાનો નશો ચઢે એટલે લાલ થઇ જાય છે.
==============================================================================
સ્વપ્ન જેસરવાકર
શ્રીમાન. ગોવિંદભાઇ પટેલ
આ પોપટ દરરોજ કેટલુ ખાય છે. તે જણાવવા વિનંતિ.
કારણ વગરના રાજકારણમાં પડેલ લોકો રાજ પાયમાલ કરી
નાંખવાના.
રાજકારણ પર સુંદર લખો છો સાહેબ
LikeLike
માન.ડૉ.સાહેબ, ગોવિંદભાઈએ તો જલ્સો કરાવી જ દીધો પરંતુ આપના પ્રશ્ને પણ જમાવટ કરાવી દીધી ! ખાસ તો ’હાટકો’ અને આપનો પ્રશ્ન બંન્ને ભેળા વાંચતા એક વિચાર આવ્યો કે;
પોપટ બચાડો ખાઈ ખાઈને કેટલું ખાય ? બે-ચાર મરચાં કે એક બે જામફળ !! પણ એ તો પોપટ લીલો હોય તો !!!
આ તો પોપટ ’લાલ’ થયો 🙂 હવે ગોવિંદભાઈ શોધી કાઢે તો ખબર પડે કે ખુરશીએ ચઢીને ’લાલ’ થયેલા પોપટ કેટલુંક ખાય છે 🙂
આભાર.
LikeLike
આદરણીય શ્રી અશોકભાઈ,
આ લીલા પોપટ કરતા આ લાલ પોપટો ખાવા પીવામાં તગડા હોય છે. લાખો ને કરોડોની વાત હોય છે
આપના અનન્ય સંદેશ બદલ ખુબ ખુબ આભાર.
LikeLike
સ્નેહી શ્રી કિશોરભાઈ,
આ પોપટ ઘણું બધું ખાય ને પીએ છે. આગળના હપ્તાઓની રાહ જુઓ
આપના સુમધુર સંદેશ બદલ ખુબ જ આભાર.
LikeLike
આપે તો ગોમડીયા ભાષામાં પોપટને જબરો હણગાર્યો છે. (ગમ્મત) હા હા હા
તમારા શબ્દો મુકીને હાટકા મારવાની રીત બહુ ગમી જાય તેવી છે.
પહેલા વાક્યમાં જરા ગમ્મત કરી છે તે બદલ ક્ષમા ચાહું છું. મને આ શબ્દોમાં મજા આવી ગઈ.
હવે આવી ભાષા ક્યાં વાચવા મળે છે. સરસ ચોરો, સરસ પાત્રો અને અસરકારક રજૂઆત.
LikeLike
ભાઈ શ્રી ,
આપની ગમ્મત કરવાની શૈલી ખુબ ગમી મને પણ મઝો આવી ગયો કે કોઈક તો આપણને વચે છે.
બસ આવા પોપટો વિષે વધુ માણવા ” ગોદડીયા ચોરે” પધારતા રહેજો.
આપના શુભ સંદેશ બદલ ખુબ આભાર.
LikeLike
popatiyo vanchi bahu maza av auj lakhjo koi1 neta sudhri gayo to MERA BHARAT MAHAN
LikeLike
શ્રી હર્ષદભાઈ,
ગોદડીયા ચોરામાં આપનું સ્વાગત છે. બીજા લેખો વાચો . આવા કૈક પોપટિયા ઝભ્ભા ચડાવી ફરે છે.
આ લોકો જરાક સુધરે તો ભારત ભવ્ય બની જાય. આપનો શુભ સંદેશ વહેતો કરવા પ્રયત્નશીલ રહીશ.
આમરે આગણે પધારી સંદેશ લાવવા બદલ ખુબ આભાર.
LikeLike
ગોવિંદકાકા ,
પોપટિયાના પાત્રને ગામડાની ભાષા વડે ખુબ સજાવ્યું છે. કલ્પના શક્તિને સો સલામ .
વાંચીને હસવાની ખુબ મઝા આવી. પોપટિયા પર બે ત્રણ હપ્તા લખો તો મજા આવે.
LikeLike
ભાઈ શ્રી
આપનો પ્રેમસભર સંદેશ મળ્યો ખુબ આનંદ થયો.
આપનો ખુબ આભાર.
LikeLike
ગોવિન્દભાઈ,
તમારી બધી જ “ગોદડીયો ચોરો”ની પોસ્ટો ગમે છે. જે હાસ્યમાં “કટાક્ષભર્યો સંદેશ તમે પ્રગટ કરો છો એ અદભુત છે..એ જાણે તમારી “કળા” છે.
તમે કાવ્ય પ્રસાદી તો આપી જ છે…અને આપશો..પણ, આ “ગોદડીયો ચોરો” ચાલુ જ રાખશો એવી મારી નમ્ર વિનંતી.
અત્યારે “ભારતના રાજકીય વાતાવરણ” વિષે ચર્ચાઓ છે….અને, ભવિષ્યમાં વિષય બદલતા આ “ચોરો”ની સ્ટાઈલ ચાલુ રખશો….હું તો
એ પ્રમાણે અનેક પોસ્ટો નિહાળું છું..અને એની સાથે, મારી નજરે એક પુસ્તીકા નજરે આવે છે !
……ચંદ્રવદન
DR. CHANDRAVADAN MISTRY
http://www.chandrapukar.wordpress.com
Govindbhai….Hope to see you for the Suvichar Post !
LikeLike
આદરણીય ડો. શ્રી ચંદ્રવદનભાઈ,
આપના જેવા વડીલોના આશીર્વાદ વિપુલ પ્રમાણમાં વરસતા હોઈ આવું કૈક લખવાની પ્રેરણા મળે છે.
ભારતના રાજકારણના બદલાતા વિષયો લઈને કઈક નવું કટાક્ષ રૂપે લખવાનો પ્રયત્ન કરું છું.
” ગોદડીયા ચોરા” ના પંદર એપિસોડ પ્રસિદ્ધ થઇ ગયા છે. હજુ વધુ વિકસિત થશે.
આપના આશીર્વાદ ભર્યા શુભેચ્છા સંદેશ બદલ ખુબ આભાર.
LikeLike
ગોવિંદભાઈ,
પાત્રોની પકડ સાથે ગ્રામ્ય ભાષાના શબ્દોની રમુજ લેખને એક ઉચાઇ બક્ષે છે .
ઘણા સમયે હાસ્યથી ભરપુર લેખ ફેસબુક પર વાચવા મળ્યો. પોપટિયાના પાત્રમાં
એક પ્રાણ આપે પૂરી દઈ જ્વ્ન્ત હોય તેમ સર્જ્યું છે.સાથે “હડેડાતીયું” ને ” નશેડિયું”
શબ્દો હાસ્યરંગની ખાસ જમાવટ કરે છે.આ ચોરો આગળ વધારતા રહેજો.
LikeLike
શ્રી જયભાઈ,
આપ ફેસબુકના માધ્યમથી અમારે આગણે પધાર્યા ખુબ આનંદ થયો. ચોરાની મુલાકાત લેતા રહેશે.
ગોદડીયો ચોરો હજુ કૈક નવા પ્રસંગો લાવશે. ને ચોરો આગળ વધશે.
આપના સુંદર સંદેશ બદલ ખુબ આભાર.
LikeLike
શ્રી ગોવિંદભાઇ, ’આમેય સરકારો ક્યાં કદી પ્રજાને ગણે છે.’, ’”
– ’ચા …ચવાણું.. ચૂસકી ’ રંગે રંગાઈને અમુલ્ય મત વેડફી,
-’મોટાભાગના પોટલીયા જ જીતીને ગાંધીનગર જતા હોય છે.’
– ’આમેય આ પોપટો ચૂંટાયા પહેલાં લીલા હોય છે,પણ સત્તાનો નશો ચઢે એટલે લાલ થઇ જાય છે.’
જેવા વાક્યો દ્વારા “ખરું” કટાક્ષ કર્યું છે, નેતાઓ ની લીલી સાથે પ્રજા ની નબળાય પણ છતી કરી.
LikeLike
શ્રી શકીલભાઇ,
બસ આપનું આગમન અને આપનો પ્રેમ વ્યક્ત કરતો સંદેશ ખુબ ગમ્યો.
નેતાઓ સાથે પ્રજા પણ એટલી જ જવાબદાર આવા પોપટો માટે છે.
હજુ આગળના પ્રસંગો માટે ગોદડીયા ચોરાની મુલાકાત લેતા રહેશો.
આવા અનહદ પ્રેમ ભરપુર સંદેશ બદલ ખુબ જ આભાર.
LikeLike
શ્રી ગોવિંદભાઈ,
રાજકારણી નેતાઓ પર જબરો કટાક્ષ કર્યો છે .
આ પોપટલાલનું પાત્ર મોજથી ઉપસાવ્યું છે. એમની ભાષા અને લોકબોલીની ગામઠી ભાષામાં શબ્દોના અર્થ જબરા કાઢ્યા છે.
કાર માટે હડેડાતીયું. વાહ ભણતા ત્યારે ભદ્ર્મભદ્રનો પાઠ આવતો. એવા સરસ શબ્દો શોધી કાઢ્યા છે..પોપટલાલને આગળ વધારજો.
LikeLike
શ્રી અરવિંદભાઈ,
ભદ્ર્મભદ્રા ના બીજા શબ્દો જાણવા ગોદડીયો ચોરો વાચતા રહો. તમારા સૂચનને ધ્યાને જરૂર લેવાશે.
આપના સુંદર પ્ર્રેમથી ભરપુર સંદેશ બદલ ખુબ જ આભાર.
LikeLike
પાત્રોની પસંદગી અને કથાનાક આજના રાજકારણને સચોટ રીતે વર્ણવી ગયું.
આપના વ્યંગભર્યા વાર્તાલાપ એક આગવી સૂઝબુઝ અને ઉમદા હાસ્ય લેખકની
છાપ છોડી જાય છે. આવા લેખ એ સાહિત્યનું સાચું નઝરાણું છે. આ ગામઠી વાતાવરણ જાતે માણેલું હોય આપનો લેખ વિશેષતાથી માણ્યો.
રમેશ પટેલ(આકાશદીપ)
LikeLike
આદરણીય શ્રી રમેશભાઈ,
રાજકારણમાના અનુભવો સાથે રાજકર્તાઓની કર્મ કથની સાથે ચુંટણી સમય ફેલાતા દુષણો વિગેરેને વિચારી ગામઠી ભાષાના
ઉચ્ચારોની મેળવણી કરી લેખ લખવાની શરૂઆત કરી છે. આમાં આપ તેમજ અન્ય મહાનુભાવ સરીખા વડીલોનો આશીર્વાદથી
ભરપુર સહયોગ મળે છે તે બદલ મારા જેવા નવોદિતો આનંદ અનુભવે છે.
આપના શુભ આશીર્વાદ ભર્યા સંદેશ બદલ ખુબ આભાર.
LikeLike
ગોવિંદ રાજા,
સરસ પોપટિયા નું પાત્ર શોધી લાવ્યા છો.
આ પોપતીયો ક્યા વિસ્તારનો છે એ જરા સમજાવજો. આ પોપટના કારસ્થાન વધુ વર્ણવજો.
હાટકો ખુબ જ ચોટદાર માર્યો છે……. પોપટ લાલ થઇ ગયો…… વાહ રાજા વાહ…
LikeLike
શ્રી ચંદુભાઈ
,એક મનનીય વિચાર અને રાજકારણમાં વ્યાપેલ નિર્ણય લેવાની સુઝબુઝનો અભાવ ટાંકીને આ પોપટિયાનું
પાત્ર આલેખ્યું છે. આપના શુભ સંદેશ બદલ ખુબ આભાર.
LikeLike