Monthly Archives: એપ્રિલ 2012

ધન્ય છે બ્રહ્મ મંડળી…


ધન્ય છે બ્રહ્મ મંડળી…

=========================================

આજે ૨૪ એપ્રિલ  પરશુરામ જયંતીના શુભ અવસરે બ્રહ્મ સમાજને

 ખુબ ખોબલા ભરીને અભિનંદન…..

==========================================

ક્યાંક જાની ક્યાંક જોશી કયાંક મચી રહ્યા છે પંડ્યા

ક્યા વ્યાસ ક્યાંક ત્રિવેદી મળી હસાવવાને છે મંડ્યા

હાસ્ય દરબારે જુઓ   કેવી કેવી છે બ્રહ્મ કેરી મંડળી

જુગ જુગ જીવો ને ખુબ હસાવો છે પરશુરામ જયંતિ

કિનારે બેસી માણીશું આ  અનોખા હાસ્ય કેરા ટુચકા

ગોપ, વિનોદ અશોક ને વાંચકો સાથે મુસ્કરાય વલીદા

========================================

સ્વપ્ન જેસરવાકર

Advertisements

ધરતી દિન…કાવ્ય


 

ધરતી દિન…કાવ્ય

======================================

 

મિત્રો આજે ૨૨ એપ્રિલ એટલે “અર્થ ડે” (ધરતી દિન)

જે ધરતી માતા આપને પાળે પોષે તેવી ધરતી માતાની

વંદના કરીએ.

==========================================

ઝીલો ઝીલો આજે સહુ કોઈ “ધરતી દિન” કેરો સાદ

આભાર માનીને  ધરતીનો  જગાવીએ  અનેરો નાદ

ઝીલે ભાર માનવ પશુ પક્ષી તણો ના કલેશ લગાર 

અર્પે ધન ધાન્ય જળ  ખનીજ તેલ ધાતુઓ અપાર

છાતી પર પર્વત ઝીલે ને ખળખળ ઝરણાં લગાતાર

વનરાજી વહેતી નદીઓ સાથે ઝીલે સમંદર કેરો ભાર

પૂજન અર્ચન કરી માનીએ  ધરતીનો ખુબ છે આભાર

આજે “ધરતી દિન” અનેરો સંદેશ પહોચાડીએ દ્વાર દ્વાર

========================================

સ્વપ્ન જેસરવાકર

ગોદડીયો ચોરો…બખડજંતર બાબાની બખડ વાણી


 

ગોદડીયો ચોરો…બખડજંતર બાબાની બખડ વાણી

===================================================================

બખડજંતર  બાબાની ભક્તિ વાણી અવિરત વહી રહી છે . ભક્તજનો આતમ વાણીનો

નિરંતર લાભ લઇ રહ્યા છે. ચઢાવો પણ વિપુલ પ્રમાણમાં આવી રહ્યો હતો.

બાબાજી ગાંજાની ચલમ ચડાવી મોટા ભડકા કાઢી રહ્યા છે. ધુમાડાના ગોટે ગોટા વાતાવરણમાં

ફેલાઈ રહ્યા હતા.

આ જોઇને પેલા નિવેદન પ્રસાદમાંના એકે બાબાને કહ્યું બાબા તમે આ ઘુમાડા કાઢીને ચોખ્ખી

હવાને બગાડી રહ્યા છો અને ભક્ત જનોના પૈસા બરબાદ કરી રહ્યા છે.

બાબા કહે ભક્ત જનો આ નાદાન પ્રાણીઓ કેવી બકવાસ જેવી વાતો કરી રહ્યા છે.?

संसदानि विधानगृहाणि त्वम् तोफ़नि करयन्ति

माइकं तोदाणि काग्ज्म फ़ाडानि प्रजा धनामि वेद्फ़ानि
 
અર્થાત તમે સંસદ વિધાન ગૃહે તોફાન મચાવી માઈકો તોડી, કાગળો ફાડી પ્રજાના પૈસાનો
 
વ્યય કરો છો એનો જરા વિચાર કરો .

બીજો નિવેદન પ્રસાદ કહે બાબા આ અફીણ પી અને પીવડાવી તમે લોકોનું  અહિત કરો છો

અને શરીર તોડવાના ધંધા કરો છો .

બાબા કહે ભાઈઓ આ મુર્ખ લોકો કેવી બેહુદી વાતો કરે છે.

प्रजनि धनानि लुटानि मोघवरी जीवानि दुष्कर्याणि जनतानि त्रहिमं पोकराणि

तवं भादाणि भथ्थानि लुट्म चालवानि जनता कमरम तोदाणि त्वम् न यादम आवनि

તમે પ્રજાના પ્રજાના પૈસાની લુંટ ચલાવો છો મોઘવારી વધારી જીવન દુષ્કર કરો છે અને ભાડાં

ભથ્થાંની  પણ  લુટ ચલાવી પ્રજાની કમર તોડી નાખો છો તે યાદ આવતું નથી.

એક પક્ષનો નિવેદન પ્રસાદ કહે બાબા આમના પક્ષના લોકોએ ખુબ ભ્રષ્ટાચાર ચલાવ્યો છે

હજુ તપાસ ચાલે છે અને ઘણા જેલમાં છે

भ्रष्टाचारानि अत्याचारानि दुराचारानि घासचाराणि गोचरचाराणि सर्वं मानव चराणि

दिने दिने समाचारं दर्शावानिं कल्जुग्म ये सर्वं कःन्ति सदाचारं

ભ્રષ્ટાચાર અત્યાચાર દુરાચાર ઘાસચાર ગોચર સર્વે માનવ આચરે છે. અને સમાચારમાં દર્શાવાય છે .

કળયુગમાં આ સર્વે સદાચાર બની ગયું હોય તેમ લાગે છે. ઘણા નેતાઓ જેલમાં છે .

પણ ક્યાંક એવુંય  બને છે……………………………………………………………………………

જનતા જાય છે જેલમાં અને નેતા રહે છે મહેલમાં

બીજો નિવેદન પ્રસાદ  કહે બાબા આમના પક્ષના ઘણા પ્રધાનો  હમણાં સ્ટેજ પર ઉંઘતા

જોવા મળે છે .

બાબા કહે ભાઈ ભરપેટ જનતાનું નાણું ઝાપટી લીઘુ હોય બેન્કોમાં અબજોની થાપણો હોય.

 પછી નિરાતે ઉઘ આવે. બીજું કે એમના નેતાએ વારંવાર કહ્યું છે કે તમે એક દિવસ જાગો

પછી હું જાગીશ હવે એમના નેતા જાગે પછી આ બાપડા ઉંઘે જ ને.?

 બીજું  કે એમને ભાષણ રાગ આલાપવાતો હોય તો નિંદ્રા આવે જને ?

બિચારા મત વિસ્તારમાં જાય તો મતદારો ઉઘવા ના દે ?

સચિવાલયમાં મુલાકાતીઓ ના ઉંઘવા દે ?

ઘેર જાય તો પત્ની ને પુત્રો પૂછે આ કેટલા  તોડી લાવ્યા બસ આટલું જ કેમ ?

 એમ એ ઊંઘવા ના દે ?

પછી બિચારા સ્ટેજ પર ના ઊંઘે તો ક્યાં  ઊંઘે.?

હમણાં કિશાન યાત્રાનો  શંખ નાદ ફૂંકાયો . પેલા બાર કાનવાળા (કાનબાર) ભાઈને
 
આજથી હજરો વર્ષ પહેલાનું સ્વપ્નું આવ્યું અને જાહેરાતમાં જબરા પાત્રો મૂકી દઈ

 બુદ્ધિનું બારમું દર્શાવ્યું છે.

ભૈલા  બાર કાનવાળા તારી ટીકીટ પાકી હોકે ?  લડવાની તૈયારી શરુ કરી દે !!!!!!!!!!!!!!!!!

ભાઈ પક્ષના પ્રમુખ ” રણછોડ ” હોય ને એ જ રાજમાં ગાયોના ચરા ચરાઈ જાય .

એ કેવું આશ્ચર્ય ?

રણછોડે તો ગાયોને ચરાવી હતી ભૈલા ગાયોને ભૂખે નહોતી મારી .?

હા આ રણછોડ  ક્યારેક ક્યારેક  ફળ – દે છે એટલે જ ફળદુ કહેવાય છે.

હમણાં માણસમાં ફળ ના દીધું પણ પછી નગરપાલિકામાં ફળ દીધું.

વાહ રણ…..છોડ ….વાહ.

હાટકો==  શ્રી પ્રતિભાબહેને પ્રવાસમાં જબ્બર પ્રતિભા દેખાડી બધાયને પાછળ પાડી નંબર વન બની ગયા..

              રાષ્ટ્રપતિ  શ્રીમતી પ્રતિભાબહેન પાટીલે બધાય રાષ્ટ્રપતિઓ કરતા વધુ પ્રવાસ ખેડ્યા…જય હો ..

=============================================================================
સ્વપ્ન જેસરવાકર

શ્રી સચ્ચિદાનંદની ૮૧ મી જન્મ જયંતિની ઉજવણી


 
 
 
 
 
 
 
 
 
 
આદરણીય વડીલો તથા વહાલા વાચક મિત્રો
 
ગુજરાત ભારત અને વિદેશોમાં આધુનિક ક્રાંતિકારી સંત તરીકે જાણીતા અને ભેટને પણ
 
રકમ ઉમેરીને પરત સંસ્થાને અર્પણ કરતા એવા પૂજ્ય સ્વામી શ્રી સચ્ચિદાનંદની ૮૧ મી
 
જન્મ જયંતિની ઉજવણી પર્સ્ન્ગે રકતતુલા કાર્યકમ આગામી ૨૨ એપ્રિલ ૨૦૧૨ના રોજ આણંદ
 
જીલ્લાના પેટલાદ મુકામે સ્વામી સચ્ચિદાનંદ સંકુલમાં ધી વેસ્ટર્ન ઈંગ્લીશ મીડીયમ સ્કુલ ખતે
 
યોજાનાર છે .
 
આપ સહુ મિત્રોને નમ્ર વિનંતી કે આપ પણ શુભેચ્છા સંદેશ કે કાવ્ય પંક્તિઓ દ્વારા શુભેચ્છા પાઠવવા
 
ચાહો તો નીચેના મેઈલ એડ્રસ પર મોકલવા કૃપા છે. આપના શુભ સંદેશનું વાંચન પઠન સમાંરભમાં
 
આપના નામ સહિત સરનામાનો ઉલ્લેખ કરવામાં આવશે.
 
શુભેચ્છા સંદેશ મોકલવા માટે-==========    avkash_912@yahoo.com
                                                                                   
                                                                                                   આપનો સ્વપ્ન જેસરવાકર

 
 
 
 
 Thank You,
 
Govind Patel
 Swapnajesarvakar

આતા અનમોલ નાણું છે…જન્મ દિનની શુભેચ્છાઓ


 
આતા અનમોલ નાણું છે…જન્મ દિનની શુભેચ્છાઓ
=================================

 
૧૫ એપ્રિલ એટલે જવામર્દ ને જોશીલા  તથા ખુદારી

 
ને ખુમારીનું અનોખું ઉદાહરણ એવા  આદરણીય વડીલ

શ્રી હિંમતલાલ જોશી (આત્તા) નો જન્મદિન.

===================================

 

આતા તો અમારા  છે જ અલબેલા

આતા અમારું એક નવલું ઘરેણું છે

નામ તો છે એમનું જ હિંમતલાલ 

અટક છે જોશી પણ ના  ટીપણું છે

ગરવા ગીરનાર તણા છે એ વાસી

બ્લોગ જગત કેરું અનમોલ નાણું છે

જીવન સંઘર્ષની વાતો ને મૂલવતા

અનુભવનું તો એ અનોખું અથાણું છે

વહાલપ કેરી વાતોથી આપે આશીર્વાદ

‘સ્વપ્ન’ને મન તો  મજાનું વસાણું છે

જિંદગીના ઝંઝાવતો સામે એ ઝઝુમતા
 
ખુદારી અને ખુમારીનું વહેતું ઝરણું છે

એરિઝોનાના ફિનિક્સમાં વસે બળીયો

એકાણુંમું વહી ગયું ને આજે બેઠું બાણું છે

=============================
સ્વપ્ન જેસરવાકર

 

ગોદડીયો ચોરો…બખડજંતર બાબા.. હાસ્ય કથા


 

ગોદડીયો ચોરો..બખડજંતર બાબા 

=========================================================

ગોદડીયો ચરો જામ્યો હતો. દેશ પરદેશની મીઠી મધમધતી વાતો ચલતી હતી.

ધ્રુતરાષ્ટ્ર કનું કચોલું નારણ શંખ અઠા બઠા ગોરઘન ગઠ્ઠો કોદાળોની રંગત જામી

ત્યાં જ કોદાળો કહે અલ્યા ગોદડીયા તું પેલા બાબાની વાત કરતો હતો તે કહે.

મેં કહ્યું મિત્રો આજે તમે હસીને બેવડ થઇ જવો એવી અનોખી વાત સંભળાવું .

ચરોતર પ્રદેશમાં ખુબ ફળદ્રુપ જમીન છે . સોનાની લગડી જેવી જમીન.

અમારું ચરોતર એટલે ચઢ-ઉતર . કોઈ ઉંચે ચઢ્યો હોય તેને ઉતારી પોતે ઉંચે

ચઢવા માથે ત્યાં પેલો પાછો એને ઉતારે એટલે મેં એનું નામ રાખ્યું ચઢ-ઉતર .

પેટલાદ પાસે શાહપુર નામે એક ગામ આવેલું છે તેની સીમમાં એક ચરો છે

એને ઢેબરીયો  ચરો કહે છે . શિયાળામાં ઘણા બધા ટાઢાં ઢેબરા ખાવા જાય.

એ ચરામાં એક બાબા બખડજંતર આવી ચઢ્યા ને ઝુપડી બનાવી ધામા નાખ્યા.

આમે બધા પ્રદેશો કરતા ગુજરાતીઓ પાસેથી સરળતાથી પૈસા ખંખેરી શકાય.

બાબા આમેય ગંજેરી હતા એટલે અફીણ ગાંજો એવી નશીલી ચીજોના બંધાણી.

પેલો પોપટીયો પ્રધાન થયેલો એ આ બાબાના મંતર જંતરના પ્રતાપે.

આમેય બાબાઓ વડા પ્રધાન, મુખ્ય મંત્રી, મંત્રી કે પ્રમુખ થવા  માટેની  વિધિઓ

કરતા જ હોય છે . એમને બે ચેલા જોઈતા હતા તે પોપટે બાબુ બાટલી અને શના શીશીને

મોકલી બાબાનું કામ આસાન બનવી દીધેલું.

બાબાએ એક માંચડો બંધાવી એના પર એક મજાની ઝુપડી બનાવી દીધેલી .

હવે બાબાઓ ચેનલ પર આવે તો આ બાબાને થયું કે હું કેમ નહિ ?

પણ એ માટે પૈસા અને સ્ટુડિયો વાધકો એમ મંડળી જોઈએ. બાબા આ અંગે વિચારતા જ હતા.

ત્યાં બાબુ બાટલી અને શના શીશીએ કહ્યું બાબા આ ઝુંપડીની સામે જે લીમડો છે ત્યાં આગળ

એક મોટો અરીસો ભરવી દઈએ . તમે માંચડા પરની ઝૂપડીમાંથી બોલો અને ભક્તજનો

આપનેઅરીસામાં જ્ઞાનની વાતો કરતા જુએ એટલે આપ ટી.વી.માં આવી ગયા કહેવાવ .

બાબાને આ વિચાર પસંદ પડ્યો ને કામકાજ શરુ થઇ ગયું.

હવે ચૂંટણીની મોસમ આકાશે ડોકિયા કરવા લાગી હતી. ઘણા ટીકીટના દાવેદારો પણ બાબાના

દર્શને આવી આશીર્વાદ માગવા અને ભેટ ચરણે ધરવા આવવા લાગ્યા.

ગુજરાતના બે પક્ષો પણ ચુંટણીની તૈયારીમાં લાગી બાંયો ચડાવતા હતા.

મોવડી મંડળે પણ બાબાનો અને ભક્તોનો તાગ મેળવવા નક્કી કર્યું. કેમ જાણે વાત ફેલાઈ ગઈ

હોય કે અંદરના માણસોએ  લીક કરી હોય પણ ભાજપ અને કોંગ્રેસના બે જણા કાર લઇ આવી ગયા.

આ કારો પણ કદાચ કટકીમાંથી જ વસાવી હશે.

દરેક પક્ષમાં એક આવેદનકુમાર. એક નિવેદનકુમાર અને એક ભાષણકુમાર અચૂક હોય.

જોકે પક્ષમાં દંડક પણ હોય . એમને દંડ કરવાની સત્તા જ ના હોય ખાલી નામના  દંડક.

દંડની સજા તો મોવડી મંડળ જ નક્કી કરે .

દરેક પક્ષમાં એક પ્રવક્તા અચૂક હોય પણ એ નામ પ્રમાણે પર-વક્તા હોય એટલે કે એમને તો

બીજાનું વકતવ્ય જ જાહેર કરવાનું એમનું પોતાનું મગજ નહિ દોડાવવાનું .

આ બે મોંઘી  ગાડીઓ જોઈ બાબા મનોમન ખુશ થયા . બાબાને થયું વાહ બે બકરા તો આવ્યા.

બાબા આમતો ખાસ ભણેલા નહિ પણ પેલી કહેવત છે ને કે દશ શ્ર્લોક અને બેચાર શાયરી ને

ચાર પાંચ ટુચકા આવડતા હોય ને રામાયણ કે બીજી કોઈ વાર્તા આવડે તો માણસ કથા કરી શકે .

એ બાબા જોરથી સંસ્કૃતમાં  બોલી ઉઠ્યા.

जानामि चुनाव आकाशम् गरजानि तत् षण्म यादम हम आवानि

कुर्शी देविकी जरुरत्म पदानि तदानि दोनम् परति यहि तक आवानि

બાબાએ બંનેને આશીર્વાદ આપ્યા અને શના શીશીને અફીણનો પ્રસાદ આપવા કહ્યું.

પેલા આમતો બધીય રીતે બનેલા જ હતા પણ જાહેરમાં આ રીતે અફીણ માટે શરમાવા લાગ્યા.

બાબા કહે  – शिखण्ड्म ज्ञब धीसनि तब मिठा होनानि

અર્થાત શીખંડને જેમ ફીણવામાં આવે છે તેમ મીઠો થાય છે તો અ- ફીણ મીઠું જ છે.

તો રહેવાદો ગાંજો ચલમમાં જમાવો અને એક બે સુટા મારો .

પેલા કહે બાપજી ગાંજો ..!!!!!!!!!!!!!!!!!!!!!!!!!!

બાબા કહે અલ્યા તમે લોકસભા કે વિધાનસભમાં ગાજો  છો તો આમાં ખાલી અનુસ્વાર જ ઉમેરાયું છે.

બોલો આપની સમસ્યાઓ શું છે ? જલ્દી જણાવો ? મારે દર્શન દેવા અને પ્રવચનનો સમય થઇ ગયો છે.

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

બંને પક્ષના નીવેદનીયાકુમારો શું કહે છે અને બાબા કેવા જવાબ આપે છે તથા બાબા સંસ્કૃતના કેવા

અલોઉંકિક ઉચ્ચારો  કરે છે બને પક્ષોના નીવેદનીયા કેવા પ્રશ્નો રજુ કરે છે તે જાણવા આવતા અઠવાડિયે

રજુ થતો “ગોદડીયો ચોરો ” અવશ્ય વાંચો.

 

સાટકો – જ્યારથી શાહરુખની રા -વન રજુ થઇ ત્યારનો ધરતીથી અધ્ધર ચાલે છે

અલ્યા શાહરૂખ નકામો અકળાય છે તારાથી મોટા માસ રાવણો આ દેશ ચલાવે છે.

===============================================================================
સ્વપ્ન જેસરવાકર

તોય ઘણું છે … કાવ્ય


 તોય ઘણું છે … કાવ્ય
==============================================
 
અરમાનો આ હિન્દુસ્તાનના એ પુરા થાય તોય ઘણું છે

વામણા નેતાઓથી કાશ્મીર કોકડું ઉકેલાય તોય ઘણું છે

સરદાર જેવી અડગતા ને આસ્થા છે આજે ક્યાં ?

એ  સિદ્ધાંતોને આદર્શ બનાવી અપનાવાય તોય ઘણું છે.

સુભાષને સમરો જરા ને ભગતસિંહને ના ભુલાવશો

શહીદોની   શહીદીને  ક્યાંય ના વટાવાય  તોય ઘણું   છે.

અરુણાચલ કેરી આગ ને તેલાંગણ  કેરું ગુમડું

ઠારી આગ ને સફળ શસ્ત્રકિયા કરાવાય  તોય   ઘણું છે.

નિત નવાં ઉછળે છે મોજાઓ  કૌભાંડ કેરાં

સુપ્રીમ કોર્ટ દ્વારા એમને સાટકા  મરાય  તોય ઘણું છે.

નીતિમત્તાની વાતો કરતાં ઓ નફફટ  નેતાઓ

ચીન પાકિસ્તાનને જડબાતોડ જવાબ અપાય તોય ઘણું છે.

છપ્પન ભોગ ધરાવ્યાને ઝાપટી ગયા છે ઝરદારી

જો શાંતિ પ્રક્રિયાની બે ચાર વાતો થઇ હોત તોય ઘણું છે

સ્વમાનથી જીવો અને દેશાભિમાનનો પંથ ઉજાળો

કટકી બટકીમાંથી ઉંચા આવી  સમાજ સેવા થાય તોય ઘણું છે.

સાથે મળી ‘ સ્વપ્ન’ સજાવો બાપુ,સરદાર,સુભાષ કેરું

સ્વાભિમાન કેરી લોક લાગણીનું એક ભારત રચાય તોય ઘણું છે.

===============================================
સ્વપ્ન જેસરવાકર

ગોદડીયો ચોરો…સમાચાર વિગતવાર.


ગોદડીયો ચોરો…સમાચાર વિગતવાર.
====================================
 
======
ખંભાત ને આગણે આજે ચૈત્રી પુનમનો મેળો જામ્યો હતો . અબાલ વૃદ્ધ સહુ આનંદથી
 
મેળાની મઝા માણતા હતા. ગોદડીયો ચોરો સોળે  કળાએ ખીલી ઉઠ્યો હતો.
 
ધ્રુતરાષ્ટ્રએ ચોરામાં પ્રવેશતા જ પ્રશ્નોનો મારો ચલાવતાં કહેવાની શરૂઆત કરી.
 
અલ્યા ગોદા પેલા વિગતવાર સમાચારોનું શું થયું ? ટાઢો બોળ થઈ કેમ બેઠો છે.?
 
“ગોદા” શબ્દનું મનનીય સ્મરણ કરતા દરેકની આંખો ભરાઈ આવી.
 
સ્વ. કનૈયાલાલ ઠક્કર અમારા સહ કર્મી શિક્ષક હતા . ખુબ માયાળુ અને દરેકને મદદ કરવા
 
હમેશ તૈયાર હોય. “ગોદા “ શબ્દ તેઓ વારંવાર ઉચ્ચારતા. શાળામાં બાળકો ધમાલ કરે તો
 
અલ્યા ગોદા સીધો બેસને ? આ ગોદા નકામો છે? મેળામાં પીપુડા વગાડે તો એઓં કહેતા
 
આ ગોદા શું કરવા બાટક્યા છે ? મારા વા’ લા ઠરતા જ નથી તેઓની યાદ તાજી થઇ.
 
મેં કહ્યું ચાલો સમાચાર વિગતવાર સમજવું છુ.
 
 (૧) કેગનો રીપોર્ટ  ગુજરાત વિધાનસભામાં મુકાયો !
 
મુખ્ય મંત્રી વિરોધ પક્ષને પૂછે છે જાણો છો અલ્યા  કેગ એટલે શું ? 
 
 KAG…કેમ આટલા  ગાજો છો ?   CAG ચ્યમ આટલા ગાજો છો ?
 
આ કેગ શબ્દથી મુખ્ય મંત્રી ને ભાજપ આટલો કેમ ભડકે છે એ  જાણો છો ?
 
કેગ-( K.A.G) શબ્દ સાંભળી તેઓની નજર સમક્ષ ઘણી વ્યક્તિઓ દેખાવા લાગે છે
 
કે -( K) એટલે શ્રી કેશુભાઈ પટેલ, કાશીરામ રાણા, કનુભાઈ કલસરિયા.
 
એ -( A) એટલે ડો. એ. કે. પટેલ,  અર્જુન મોઢવાડિયા.
 
ગ -( G)  એટલે ગોરધન ઝડફિયા.
 
(૨) શંકરસિંહ માતૃ સંસ્થા ભાજપમાં પાછા ફરશે અને  નરેન્દ્રભાઈ દ્વારા
 

તેમને મુખ્ય મંત્રી બનાવવાની તૈયારી …..કારણ ?????????????
 
 શું માણસાનો સાણસો જવાબદાર છે કે કેમ ????????????????????
 
હમણાં ભગવાન વિષ્ણુએ સ્વર્ગમાં સભા બોલાવી તેમાં ગુજરાતના વિકાસ
 
અને સંગઠન વિષે જાણી મુખ્ય મંત્રીને તેડાવવાનો નિર્ણય કર્યો તેની જાણ ઇન્દ્રે
 
નરેન્દ્રને કરી એટલે મુખ્ય મંત્રી  એક વિરોધી ઓછો થાય તે આશયથી મુખ્ય મંત્રી
 
 બનાવવા તૈયાર.
 
(૩) નારાયણદત્ત તિવારી (એન.ડી. તિવારી) મુખ્ય મંત્રી બનવા માટે
 
   ધારાસભ્યોના સતત સંપર્ક માટે ફરી રહ્યા છે !
 
શ્રી નારાયણ દત્ત તિવારીજી રંગીલા અને મોજ મસ્તી સ્વભાવના છે તે તો
 
રાજભવનમાં તેમના કરતૂતોથી સિદ્ધ થયેલું હવે જેવો માંસ હોય તેની વિચારસરણીને
 
માફક આવે તેવાનો સંગ તેઓ કરે હમ,નાં કર્ણાટક અને ગુજરાતમાંથી તેમને માફક
 
આવે તેવા સભ્યો મળી આવ્યા છે
 
હવે તેઓ આ બધા સભ્યોને લઇ ઉતર ધ્રુવ કે દક્ષિણ ધુવ જઈ સરકાર રચે તો વાંધો
 
ના આવે કોઈ ત્યાં જોનાર નહિ પડકાર  કરનાર નથી વધુ તો છ મહિનાની રાત્રી હોય
 
વિગતથી ઢગલાબંધ પોર્ન ફિલ્મો જોઈ શકાય.
 
(૪) કેજરીવાલે વાંદરાને વાંદરા કહ્યા ને વાંદરાને અપમાન લાગ્યું.
 
આવડા આ ધમાલ કરે સંસદ ચાલવા ના દે મન ફાવે તેમ વર્તે કાગળો ફાડે, ખુરશી
 
ઉછાળે, માઈકો તોડે, તેમને અનુકુળ ના હોય તેવા કાયદા પસાર ના કરવા દે,
 
તગડો પગાર ને ભથ્થાં મેળવે તોય આયકર ટેક્સ નહિ ચૂકવવાનો ને જનતાને
 
તેઓ જ દેશના માલિકો હોય તેમ દર્શાવે છે.
 
(૫) અમેરિકાના પ્રમુખ ઓબામા દ્વારા ગુજરાતના એક અગ્રણી ઉદ્યોગપતિને ખાસ
 
આમંત્રણ અપાયું . વિચારો કોણ હશે ? કોનો નબર લાગશે ? કોણ ભાગ્યશાળી બનશે?
 
ઝાઝું ના વિચારશો નહિ  ભાઈ એમનું નામ રોજ છાપામાં ચમકે છે !
 
એ મહાશય નું નામ છે …ગૌતમ અદાણી… કેવું રૂડું રૂપાળું નામ છે ?
 
અહીં  નામનો  અર્થ  જાણવો એજ મહત્વનું છે.
 
ગૌ – ઉતમ એટલે કે ગાય ઉતમ છે
 
કહે છે ગૌ- ઉતમ પણ ગાયોના ચરા તો એજ ચરી જાય છે.!!!
 
હવે અમેરિકામાં મોટા જંગલો છે એને કેમના ચરી ખાવા એનો આઈડીયા યાનિકી ટીપ્સ
 
લેવા માટે ઓબમાજીએ ગૌતમ અદાણી ( ચરાના ચરનાર )ને  ખાસ આમંત્રણ આપ્યું છે
 
છેલ્લે સરકારનું નાણાકીય વર્ષ  પહેલી એપ્રિલે શરુ થાય એટલે આખું વર્ષ સરકાર જનતાને
 
એપ્રિલ ફૂલ બનાવ્યે રાખે છે. એપ્રિલમાં નાણાંની વહેચણી ચાલુ થાય રાજ્ય કે જીલ્લામાં
 
મે માસમાં નાણાં આવે ટેન્ડર કે બીજી પ્રક્રિયા ચાલુ થાય ત્યાં જુન માસ વરસાદની સીઝન
 
આવે રોડ કે બીજા કાર્ય થઇ શકે નહિ. ડીસેમ્બર જાન્યુઆરીમાં બીજા કામો થાય
 
ફેબ્રુઆરીમાં અંદાઝ પત્ર ( ભ્રષ્ટાચાર પત્ર ) રજુ થાય ને માર્ચ એન્ડમાં નાણાં ફાળવી
 
કામો થઇ ગયાં છે એવું દર્શાવી દેવાય છે.
 
હાટકો-  ભરખી ગઈ છે અભરખાઓને આ હસ્ત રેખાઓ
 
           કયારેક કુદરત રૂઠે છે તો ક્યારેક લોકો લુંટે છે
====================================================================
સ્વપ્ન જેસરવાકર

ચઢાવો ચડાવ્યા કરું છું…કાવ્ય


ચઢાવો ચડાવ્યા કરું છું…કાવ્ય  

=======================================

             

                  ચિત્ર માટે ગુગલનો આભાર

=======================================

વેડફી દીધો છે મત મારો હવે ભોગવ્યા કરું છું

મોંઘવારી માતને નિત ચઢાવો ચડાવ્યા કરું છું

ક્યાંક તેલમાં ક્યાંક રેલમાં હંમેશ લુંટાયા કરું છું

મોંઘવારી માતને નિત ચઢાવો ચડાવ્યા કરું છું

ક્યાંક શિક્ષણમાં કૈક  મિશ્રણમાં અટવાયા કરું છું

મોંઘવારી માતને નિત ચઢાવો ચડાવ્યા કરું છું

ક્યારે મુકશે કેડો એ  નેડો રોજ લગાવ્યા કરું છું

મોંઘવારી માતને નિત ચઢાવો ચડાવ્યા કરું છું

મોહનની મોરલી ને પ્રણવ પટારા જોયા કરું છું

મોંઘવારી માતને નિત ચઢાવો  ચડાવ્યા કરું છું

સરકારને સકંજામાં લેવાની વાતો વાંચ્યા  કરું છું

મોંઘવારી માતને નિત ચઢાવો ચડાવ્યા કરું છું

સરકાર વિરોધ પક્ષની સમજુતી સમજ્યા કરું છું

મોંઘવારી માતને નિત ચઢાવો ચડાવ્યા કરું છું

==========================

સ્વપ્ન જેસરવાકર

બ્રેકીંગ ન્યુઝ …ભાંગેલા સમાચાર


 
બ્રેકીંગ ન્યુઝ …ભાંગેલા સમાચાર
====================================
ચિત્ર માટે ગુગલનો આભાર
===================================
 
(૧) કેગનો રીપોર્ટ  ગુજરાત વિધાનસભામાં મુકાયો !

 
મુખ્ય મંત્રી વિરોધ પક્ષને પૂછે છે જાણો છો અલ્યા  કેગ એટલે શું ? 
 
 KAG…કેમ આટલા  ગાજો છો ?   CAG ચ્યમ આટલા ગાજો છો ?
 
(૨) શંકરસિંહ માતૃ સંસ્થા ભાજપમાં પાછા ફરશે અને  નરેન્દ્રભાઈ દ્વારા
 
તેમને મુખ્ય મંત્રી બનાવવાની તૈયારી …..કારણ ?????????????
 
શું માણસાનો સાણસો જવાબદાર છે કે કેમ ????????????????????
 
(૩) નારાયણદત્ત તિવારી (એન.ડી. તિવારી) મુખ્ય મંત્રી બનવા માટે
 
ધારાસભ્યોના સતત સંપર્ક માટે ફરી રહ્યા છે !
 
(૪) કેજરીવાલે વાંદરાને વાંદરા કહ્યા તેમાં વાંદરાઓને ભયંકર અપમાન લાગ્યું.!
 
(૫) અમેરિકાના પ્રમુખ ઓબામા દ્વારા ગુજરાતના એક અગ્રણી ઉદ્યોગપતિને ખાસ
 
આમંત્રણ અપાયું . વિચારો કોણ હશે ? કોનો નબર લાગશે ? કોણ ભાગ્યશાળી બનશે?
 
==============================================
આ બધા સમાચારોની  વિસ્તૃત જાણકારી માટે ગોદડીયા ચોરા”માં
 
વધુ વિગતે આવશે તો અવશ્ય મુલાકાત લઇ આગામી હપ્તો  વાંચો
 
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
 
છેલ્લે જુઓ આપણા દેશના  નાણાંકીય વર્ષ ૨૦૧૨-૨૦૧૩ની  શરૂઆત આજે પહેલી
 
એપ્રિલે થઇ…
 
બોલો કેવો યોગાનુયોગ કે દર વર્ષે નાણાંકીય વર્ષ પહેલી એપ્રિલથી શરુ થાય.
 
.!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
=============================================
સ્વપ્ન જેસરવાકર