Monthly Archives: સપ્ટેમ્બર 2012

ગોદડિયો ચોરો…ભદો ભેખડે ભરાણો.


ગોદડિયો ચોરો…ભદો ભેખડે ભરાણો.


========================================================


ગણેશોત્સવનો રંગ બરાબર જામ્યો છે. વિધ્નહર્તા ગજાનન ગણેશજી વિદાય લેવાની


તૈયારી કરી રહ્યા છે. ભાવિક ભક્તો મનની હર મુરાદો પૂરી થાય એ માટે ગજાનનજીને


માનતા બાધા આખડી રાખી સોના ચાંદીથી મળી રૂપિયા ડોલર કે પાઉન્ડની ભેટ સોગાદો


ચઢાવી રહ્યા છે .


ગોદડિયા ચોરાનાં પાત્રો બાપાનાં દર્શન કરી આલબેલ પોકારી પધારી રહ્યાં છે.


ગુજરાતમાં નીકળતી યાત્રાની ચર્ચા ચકડોળે ચઢી છે


હમણાં એક માસથી યાત્રાઓની રમઝટ ગુજરાત ભરમાં જામી રહી છે. જાણે કે યાત્રા યુગમાં


ગુજરાત પ્રવેશી રહ્યું છે


અમારા ગોદડિયા ચોરાના ભદા ભૂતને નેતા થઇ જવાનું ભૂત સવાર થઇ ગયેલું.


એને કોઈએ ગમ્મતમાં કહેલું કે આ વખતે મોદી અને કોંગ્રેસ તેમજ બીજા પક્ષો સારા અને


વગવાળા ઉમેદવારોને પસંદ કરશે એ જાણી ભદો ભૂત પોતાને એક સક્ષમ નેતા સમજતો.


એ ઘેર તેના બાળકો અને પત્નીને સવારમાં ભાષણ આપતો. જુઓ કામ બરાબર થશે તો તમને


ચોકલેટ મળશે . પત્નીને જુદા જુદા કલરમાં ચાંલ્લા આપવાનું વચન આપતો.


ગામમાં ચોરા પર લોકો ભેગા થયા હોય કે મંદિરે દર્શન કરવા જતા આવતા લોકોને જોઇને


બસ ભાષણ કરી વચનો આપતો થઇ ગયેલો .


ભદો ભાષણમાં કહે ” ભૈઓ અને બુનો જો આ ચટણીમાં મને વરરાજો બનાવવાની હંધીય તયારી


મેં કરાઈ દીધી છે”


  “જો ઓણસાલ હૂ દલ્લી પોચ્યો તો તમે હંધાયને  દલ્લી દરબારમાં ઓટા (આંટા)  ફેરા મારવાનું


પુન ( પુણ્ય) મલશે. મારા જેવો હબલ ( સબળ) મુરતિયો કોઈ પખને ( પક્ષ) મળવો મુસ્કેલ સે “


મેં “પનદર ( પંદર ) હતર  ( સત્તર )લેધા ઝબ્બા ને ટોપીઓ હિવડાઈ (સિવડાવી ) લીધી સે”


“પાછુ ત્યોંથી  (ત્યાંથી)ઠેઠ ગેર ( ઘેર )પાછો ચ્યો નાહમ નાહ (નાસમ નાસ) કરું.


મારી ભેળહેળ ( ભેળ સેળ )   જેવી ભદલી (પત્ની) પણ હમજાઇ ( સમજાવી ) દધુ  ( દીધું ) કે


હવે આપણને ન્યાં  ( ત્યાં ) જવાનું સે “


જો કોઈ મંડળ  ગણેશ મહોત્સવમાં ભદા ભૂતને આરતી એવા ટાણે બોલાવે તો પણ ભદો બસ


ચુંટણીના મૂડમાં જ હોય એને એમ કે આપણને ટીકીટ મળી ગઈ ને આપણે નેતા  થઇ ગયા છીએ.


ત્યાંય પાછો ભાષણ ભરડે ” ભૈયો ને બુનો હાંભળો ( સાંભળો ) જો આ ગનપતિ બાપા ની હાક્ષીએ 


(સાક્ષી )  ઉં (હૂ ) કવ (કહું) સુ   (છું) આપડે (આપણે) ગાંડી (ગાંધી) બાફું (બાપુ)જેમ રાજ કરવું સે “


“હંધાયને (બધાયને) વેંચી વેંચીને  ( વહેંચી વહેંચી ) ખાવાનું સે “


મોટરમાં ને બલૂનમાં હંધાયે બેહવાનું સે . એકલા એકલા નથી ઉડવાનું  એ બલુન હંધાયનું સે”


ભાષણ ચાલતું હતું ત્યાં એક મુષક રાજ ગણપતિ દાદાના વાહન તરીકે પ્રસાદ લેવા આવી પહોચ્યા.


ભક્તો કહે ભાઈ એમને નસાડો એ પ્રસાદ બગાડશે.


ભદો કહે ” ભગતો હાંભળો લ્યા આ ઉંદયડા  (ઉંદર) જેવા જ આપણા પરધાનો સે “


“મારા બેટા ચેટ ચેટલું  ( કેટ કેટલું )ફોલી ખાય તોય ધરાતા નથી ” !


મારા વા ‘ લા ફોલી ખાય ને વચનોની ફુંકો મારતા જાય “


ત્યાં કોઈ કહે ભદા ભગત જો આવું ભાષણ ભરડશો તો કોઈ પક્ષ ટીકીટ નહિ આપે હોંકે ?


ભદા ભગત ચુપ થઇ લાડવાનો પરસાદ લઇ ઘેર ગયા.


યાત્રામાં લોકોની ભીડ એકત્ર કરી ચુંટણીમાં વાતાવરણ પોતાની તરફે કરી લેવા માટે બધાજ


રાજકીય પક્ષોની હોડ જામી છે. મોટા પ્રદેશ કક્ષાના નેતાઓ જીલ્લા તાલુકાવાર મીટીંગ કરી


કાર્યકરોને માણસોનો ટાર્ગેટ જણાવી રહ્યાં છે .


અમારો ભદો ભૂત આવી એક મીટીંગ વિવેકાનંદ ( વિવેક વગરના આનંદની )


યાત્રા માટે મળેલી એમાં ગયેલો .


નેતાઓ ને પદાધિકારીઓનાં એક  જ મુદા પરનાં ભાષણો  પુરાં થયાં ને માણસોનો ટાર્ગેટ


લખવાનું શરુ થયું.


કોઈ કાર્યકર કહે હૂં પચાસ માણસો લાવીશ,   કોઈ કહે સો માણસો, કોઈ કહે દોઢસો ,કોઈ કહે બસો.


ત્યાં એકદમ ભદો ભૂત એકદમ ઉભો થઇ ગયો ને બુમો પડી કહેવા લાગ્યો .


ભદાને એમ કે ગામમાં ભવાઈ હોય ત્યારે આરતી કે ગીતોમાં ચઢાવો બોલે છે એમ કૈક હશે.


” હાંભળો લ્યા હાંભળો મારું કેવું ( કહેવું) હાંભળો . મારે કૈક ભાશણ ( ભાષણ )કરવું સે .”


બધા એકદમ આશ્ચર્ય પામીને ભદા ભૂત સામે જોઈ રહ્યા. ભદાએ ભાષણ ચાલુ કર્યું.


ભઈઓ બુનો ને કાયર  કરતાઓ ( કાર્યકર્તા )  આપણા પાનસો  ( પાંચસો ) લખી ડો ( દો ).


આપણે ઓમેય  ( આમેય )  ચૌય  ( કંઈ ) ઓસા (ઓછા ) જાનીતા  ( જાણીતા) નથ ( નથી)


બધાયે ભદાને તાળીઓથી વધાવી ખુબ શાબાશી આપી.


ભાળો ઘેર આવી ભદલીને કહે આપણે પાનસો ( પાંચસો ) લખાવી દીધા .


ભદલી કહે ચ્યોંથી (ક્યાંથી ) લાવશો ઘરમાં પાયલુંય ( પાવલી ) પણ પડ્યું  નથી.


ભદો કહે વાયડી પૈસા નઈ  ( નહિ ) પન ( પણ ) માણસો લખાયા સે .


ભદલી કહે અવે  ( હવે ) ઘેર પરસંગ ( પ્રસંગ ) હોય તો પોચ ( પાંચ ) ભેગા થતા નથી ને


તમે પોનસો ( પાંચસો )  લઇ  જશો ચ્યોંથી ?


ભદો  ભૂત વિચારમાં પડી ગયો હવે એને મારેલી બડાશોનું  ભાન થયું. ઉદાસ ચહેરો અને પડી


ગયેલા મોઢે એ ગોદડિયા ચોરામાં પ્રવેશ્યો.


કનું ક્ચોલું કહે અલ્યા ભૂત આમ બારેય  વહાણ ડૂબી ગયા હોય એમ દીવેલિયું મોઢું કરીને કેમ


બેઠો છે.?


ભદા ભૂતે સમગ્ર વાત અમને બધાને જણાવી .


એટલે મેં કહ્યું ભાઈ આ ગજાનન બાપા ગણપતિ દેવ સામે ભદો ખરેખર સાચું બોલ્યો છે.


ધ્રુતરાષ્ટ્ર કહે અલ્યા ગોદાડિયા વાતમાં મોણ નાખ્યા વગર સીધે સીધું સમજાય.


મેં કહ્યું અલ્યા ” ગણ એટલે સમૂહ .”  ” જનતાનો સમૂહ “


” સમુહને દોરે તે  સરકાર કહેવાય.”


“દુંદાળા દેવનું વાહન એટલે મુષક ” મુષક એટલે ઉંદર . આ ઉંદર બાપાની પ્રસાદી આરોગી જાય.


જનતા માટેની સુવિધા જેમ કે ” રસ્તા, પુલ, અનાજ, કોલસો, આરોગ્ય, ખાતર, બીજ , વાહન વ્યવહાર


એવી અનેક સુવિધાને આ ઉંદરો ( નેતા, પ્રધાનો, કાર્યકરો  સમજવું ) પ્રસાદ સમજીને કાતરી ખાય છે .


બીજું કે અલ્યા ભૂત તારે ” કોદરા લાવું કે કોદરી “ એમ પૂછવાની તારે  ક્યાં જરૂર હતી ?


“મારા વા ‘ લા આવું પૂછીએ તો કહે અલ્યા અહિયાં  ભરડવા કોણ નવરું છે. કોદરી જ લાવજો “


તારે આટલા માણસો લાવીશ એમ કહેવાની કયાં જરૂર હતી કે મોટેથી ભસી પડ્યો.


ખેર હવે જે થશે તે જોયું જશે. ચિંતા  ના કરતો. જરા હિમ્મત રાખ.

નોધ- ” કોદરા લાવું  કે  કોદરી “ એક આઝાદી પછીના સમયની સત્ય ધટના છે .


જે હવે પછીના ” ગોદડિયા ચોરામાં ”   રજુ થશે.

હાટકો-

દંભ  દાવપેચ તંત તુક્કા અને તુત


ચતુર હોય તો ચેતજો આ રાજકારણનું ભૂત


===============================================================


સ્વપ્ન જેસરવાકર

Advertisements

વર્ષોની વાર લાગે છે ….કાવ્ય


 

વર્ષોની વાર લાગે છે ….કાવ્ય

==============================================================



                 

                                                 ગુગલનો આભાર


==============================================================

એક કવિ કવિતાને પૂછ્યું  કે તને કેમ લાગે છે


કવિતાએ કહ્યું હવે તો   અલંકારનો ભાર લાગે છે


ક્યાંક પ્રશ્નાર્થ ક્યાંક જોડણી ને ક્યાંક ચિન્હો


ક્યાંક ઢાળ ને ક્યાંક પ્રાસ જ  અસરદાર લાગે છે


કવિએ ફરી કવિતાને પૂછ્યું તું તો છે ખુશને


કવિતા કહે આજે પોપ ગીતોનો પ્યાર લાગે છે


નથી વાંચવી ગમતી એમને મને  કદીય પણ


ચટપટી વાતો ને ચિત્રો જોઈ એ ચિક્કાર લાગે છે


શીલાની જવાની ને મુન્ની ની બદનામીમાં


રાતદિવસ તો ચેનલોના કેવા ચમકાર લાગે છે


ગુજરાતી ભાષાના પ્રચાર પ્રસારની કરે વાતો


જાય કવિ સંમેલનમાં તો ઊંઘના આસાર લાગે છે


નામી કવિઓની કવિતા લલકારે ભાષણમાં


કવિઓની વેદનાને સમજતાં વર્ષોની વાર લાગે છે


=========================================


સ્વપ્ન જેસરવાકર

 

એફ.ડી.આઈ શું છે ? ….કાવ્ય


 

એફ.ડી.આઈ શું છે ? ….કાવ્ય

=======================================

      ગુગલ મહારાજના આભાર સહ

========================================

આ “એફ. ડી .આઈ” એટલે ફૂંકી દીધું બધું જ ઇન્ડીયામાં

ને ફેલાવી દીધું  બધું જ ભ્રષ્ટાચાર કરી ઘરના ખાતામાં

કોલસામાં કરી હાથ કાળા ભર્યા  સગાં વહાલાં ટોપલામાં

ડીઝલમાં કરીને ડખો રખડાવી દેશની જનતાને રસ્તામાં

ફરી દઈશું ઇન્ડીયામાં તક તો વેચશે સ્વમાનને સસ્તામાં

કોલસા કોમ્યુકેશન ને સોસાયટીઓ બાકી શું છે વેચવામાં

મમતા છોડો લાલસા સતાની શું ભર્યું છે આપના તાગાંમાં

મુલાયમ લાલુ માયા કે પાસવાનને  ભૂખ છે ફક્ત સત્તામાં

“એન.ડી.એ ” નથી ડાહ્યા એમાં ભર્યા રસ છે  બુમ બરાડામાં

સત્તા ને સ્વાર્થ ભરેલા પક્ષો નથી ખેવના જનતાની સેવામાં

==========================================


સ્વપ્ન જેસરવાકર

ગજાનન અને ગોટાળાજન …કટાક્ષ કવન..


ગજાનન અને ગોટાળાજન …કટાક્ષ કવન..  

 

સર્વે મિત્રો અને વાચક જનોને ગણેશોત્સવની શુભ કામના..

કોમ્પ્યુટરની ખામી હોઈ ઘણા સમયથી આના બ્લોગમાં આવી શક્યો નથી .

હજુ પણ પાંચ દશ મિનિટમાં બંધ થઇ જાય છે .

આપની ક્ષમા યાચના સહ….

================================

 ======================================

ગજાનન ગણપતિ દાદા    તમે પધારો જરૂર  હરેક  વરસે,  

 

અમારા પ્રતિનિધિઓ  પણ ,  પધારે   જરૂર  પાંચેક   વરસે .

 

તમે તો  અમારા  આરાધ્યદેવ   અને  છો  આપ  વિઘ્નહર્તા ,

 

આ તો  બની બેઠા  અમારા માલિકો, અને કાયમ દુઃખ દેતા.

===========================================

 

આપ કદીયે ના માગો કશુંયે   માનવ યથા શક્તિ ભોગ ધરતા,

 

અમારા  આખલાઓ  રોજ ખાતા, ને કોઈક વાર તો માગી લેતા.

 

આપને લાડુના  ભોગ ધરાવીએ તો,  પ્રસાદી  ભોગથી ખુશ થાતા,

 

આ  વિચક્ષણ પ્રાણીઓ  તો  નાણાં પ્રસાદ વગર સહેજ ના ધરાતા.

 

===========================================================================

આપ ના દર્શન બહાને તેઓ  પંડાલમાં  રોજ  આંટા  જરૂર   મારશે,

 

આવે  એ  આરતી પ્રસાદ ટાણે  માઈક લઈને પાછા ભાષણ ભરડશે.

 

તમારા સેવા  ગુણો તો બાજુ પર, પક્ષની વાહના ચમકારા ચમકાવશે,

 

પોતાની કે નેતાની  પ્રસંશા  કરતા સુત્રો  શોધી એમના બોર્ડ જ મુકાવશે.

=======================================================

આપની શોભા યાત્રામાં  ભક્ત જનો ઢોલ ત્રાંસા દુંદુભી વગાડી નાચે,

 

આમની મુલાકાત યાત્રામાં નાચે  ચમચાઓ, અને પ્રજાને પણ  નચાવે.

 

આપને  ધૂપ દીપ અબીલ ગુલાલ  ચઢે ને  ભક્ત જનો હાર  પહેરાવે,

 

આતો હાર ખરીદી લે ને પાછા ચમચાઓ  થકી  પ્રજા  દ્વારા  પોતે પહેરે.

=====================================================

 

હે ગજાનન ગણપતી દાદા સહુ નું રૂડું કરતા ને વિઘ્ન સૌ  હરતા,

 

આ સગવડિયા લોકો  જન સેવા એવા રૂપાળા નામે ખિસ્સાં ભરતા.

 

આપને દર્શને આવી શાંતિ મળે  આપ હર સમયે  જરૂરથી  મળતા.

 

કોઠા વીંધીએ પત્ની પટાવાળો અને પી.એ પછી જ પ્રધાન  મળતા.

================================================

સ્વપ્ન જેસરવાકર