Monthly Archives: માર્ચ 2013

મનાવો પછી રોજ હોળી મજેથી


મનાવો પછી રોજ હોળી મજેથી
=============================================================================================
holi
આદરણીય વડિલ શ્રી દાવડા સાહેબની
એક સ્વરચિત રચના પ્રસ્તુત કરું છું
===========================
      (ભૂજંગી)
કરીને   ભલે કાષ્ટ ભેળા બધેથી,
જલાવો તમે આજ  હોળી મજેથી,
ઉડાડો  ગુલાલો અને  રંગ બીજા,
અને  માનજો બાળી નાખી બુરાઈ.
 
ભલે   છેતરાઓ તમારી જ જાતે,
નથી  નાશ પામી  બુરાઈ જરાએ,
હજીતો  વધારે  વધે  છે  બુરાઈ,
હજી  આજ લોકો રહ્યા છે લુટાઈ.
 
હજી  ટેક્ષ ચોરો મજાથી  ફરે છે,
અને  ભ્રષ્ટ નેતા હજીયે હસે  છે;
ગરીબો તણા ભાગના ખાઈ નાણા,
હજી પ્રહલાદના બાપ છૂટા ફરે છે.
 
કરો નાશ આ દાનવોનો પહેલા,
પછી  છો ઉડાડો થઈ રંગ-ઘેલા;
રંગો મુખ કાળા ધુતારા જનોના,
મનાવો પછી રોજ હોળી મજેથી.
 
રચનાકાર=-પી. કે. દાવડા
========================
સંકલન=સ્વપ્ન જેસરવાકર

 

હોળી આવી છે…કાવ્ય


હોળી આવી છે…કાવ્ય

=============================================================

Colorful Fun Filled Wishes For  Holi.

                                             (  આભાર ગુગલ દેવ )

========================================

ગુજરાતી બ્લોગ જગતના આદરણીય  વડીલો વહાલા મિત્રો

 

 બહેનો વાચક મિત્રો તેમજ ભવ્ય ભારતના જન જન માનવ

 

 સમુદાય ને હોળી – ધૂળેટીની રંગ ભરી શુભ કામના

 

=====================================

 

હોળી આવી છે આવી છે હોળી આવી છે

રંગો સાથ આનંદ ઉમંગનો આભાસ લાવી…હોળી આવી છે.

ધાણી ચણા ખજુરની મોસમ આવી

ઘેરૈયાઓની ટોળીએ જાજમ બિછાવી

હોળીનો પૈસો આપોને એ  આહલેક જગાવી…હોળી આવી છે.

મોર પોપટ સંગ કોયલડી જ ટહુકી

ફાગણના ફાગ ખેલવા પ્રકૃતિ ઝબકી

આંબલિયાની ડાળે મજાની કેરીઓ ઝુલાવી…હોળી આવી છે.

ચીન પિચકારી બજારોમાં ઠલાવાઇ

સ્વદેશી વસ્તુની ભાવનાઓ ભુલાઇ

વિદેશી વસ્તુઓની ઘેલછા મનમાં સમાવી…હોળી આવી છે.

અબીલ ગુલાલ ને કેસુડાને ખુબ છાંટો

અંગોને ભિંજવી લઇ લો આનંદ મોટો

હોળીકામાં વ્યસન કામ ક્રોધને દો જલાવી…હોળી આવી છે.

ગોકુળ વૃંદાવન ભકતો  આનંદે નાચે

કિશન કનૈયો રાધા સંગ રંગમાં રાચે

ડાકોરને માર્ગે જય રણછોડ કેરી ધુન ગાજી…હોળી આવી છે

ભાવ પ્રતિભાવ કેરી પિચકારીઓ વાગે

રંગ રંગીલાં હોળી ગીતો હર બ્લોગે રાચે

બ્લોગ જગતે કાવ્ય ગીતોની ભરમાર આવી…હોળી આવી છે

====================================

સ્વપ્ન જેસરવાકર

ના લાવશો વિદેશી વઉ….હાસ્ય કવિતા


ના લાવશો વિદેશી વઉ….હાસ્ય કવિતા

==================================

૨૨ માર્ચ ૨૦૧૩ ને શુક્ર્વારે ” ગોદડિયા ચોરા” માં
    ”  કાળસંગનો ખરઘોડો ”   
http://www.godadiyochoro.wordpress.com/
===================================
                        આભાર ગુગલ દેવ
==================================================
અલ્યા હોંભરો ને જવાનિયા  તમને હાચી  વાત કઉ
મારું માનો તો ભઇલા તમે  ના લાવશો વિદેશી વઉ
 
અને લાવીએ તો શું થાય……..>>>>>>>>>>>>>>>>>>
 
 
પીઝા પાસ્તા બર્ગર બરીટો ને સેન્ડવીચે ધ્યાન બઉ
રોટલા રોટલી હાંડવો ખીચડી ઢોકળી તો ના હું ખઉ…ન લાવશો.
બીન્સ પોટેટો ચિપ્સ રાઇસ ચીઝ ને ભાવે બટર પાંઉ
કોદરી બાજરી બંટી બાવટો ના હમજે ડાંગર કે ઘઉં…ના લાવશો.
છાસ માખણમાં હમજે નહિ ને કોકાકોલા પીએ બઉ
ગાયની જેમ આખો દા’ડો ચાવ્યા કરે ચીગમ  ચાંઉ…ના લાવશો.
ચણિયા ચોળી પોલકાં ના ફાવે કહે પેન્ટ પહેરી લઉં
દિવાળી હોળી ન હમજે એને વેલેન્ટાઇન વા’લું બઉ…ના લાવશો.
કાશી દ્વારકા મથુરા મેલે પડતું  ના જુવે એ લખનઉ
ગોદડિયાજી કહે ગુરુ પરતાપે એ જાયે પેરિસ મકાઉ…ના લાવશો.
======================================
સ્વપ્ન જેસરવાકર …

પરાર્થે સમર્પણ….>>>>>>>>>>>>>>>>>>>>

https://swapnasamarpan.wordpress.com/

ધન્ય ધન્ય રણછોડ રાયા…ભજન


ધન્ય ધન્ય રણછોડ રાયા…ભજન

=================================================================

 

  ડાકોરના ઠાકોર રાય રણછોડજીનું મદિર …. ( આભાર ગુગલ દેવ )

     ડાકોરના ઠાકોર રાય રણછોડજી…. ( આભાર ગુગલ દેવ )

=======================================

અમને લાગી તમારી માયા નિર્મળ થઇ છે અમારી કાયા

તમે ભક્તોની વહારે  ધાયા  ધન્ય ધન્ય  રણછોડ રાયા

કોયલી નામે છે એક ગામ વસતા માસ્તર મનસુખરામ

તમે તો  મનસુખરામને ભાયા ધન્ય ધન્ય રણછોડ રાયા

એમણે લીધી હતી એક ટેક કે ડાકોર દર્શન કરવાં અચુક

ભાવ  ભક્તિની ગંગામાં નાયા ધન્ય ધન્ય રણછોડ રાયા

હતો એક શિક્ષણાધિકારી એની હતી અદેખી અમલદારી

ઇન્સપેકશન કેરાં કર્યા ચાળા ધન્ય ધન્ય રણછોડ રાયા

મનસુખરામ ગયા ડાકોર એમના રુપે પધાર્યા છે ઠાકોર

રાય રણછોડે બાળકો ભણાવ્યા ધન્ય ધન્ય રણછોડ રાયા

ઇન્સપેકશન પુરાં કર્યા વિચારી મન મલકયા અધિકારી

સ્ટેશને મનસુખરામ ભટકાયા ધન્ય ધન્ય રણછોડ રાયા

અધિકારી મુખ વિસ્મય ને ખીજ એ હતી ફાગણ સુદ બીજ

એમનાં બબ્બે રુપથી ચકરાયા ધન્ય ધન્ય રણછોડ રાયા

શ્રધ્ધા ને વિશ્વાસ કેરી વાત ભગવાન જાણે છે ભલી ભાત

‘ ગોવિંદે ‘એના ગુણલા ગાયા ધન્ય ધન્ય રણછોડ રાયા

===============================

સ્વપ્ન જેસરવાકર

” ગોદડિયા ચોરા” માં માર્ચ ૧૫- ૨૦૧૩ન રોજ વાંચવા પધારો

          ” ઓ હો હો હો શું નામ રાખ્યાં છે ” ?

http://www.godadiyochoro.wordpress.com/

પોંક પોચો ને લોચો….કાવ્ય


પોંક પોચો ને લોચો….કાવ્ય

===========================================

સૂરત શહેરની સ્થાપનાને ૫૦૦ વર્ષ થયાં એ નિમિત્તે સૂરતની સેવાભાવી
સંસ્થા ” સંજીવની ગ્રુપ” દ્વારા ચિત્રકળા ફોટોગ્રાફી અને કાવ્ય સ્પર્ધા યોજાઇ
હતી એમાં કાવ્ય સ્પર્ધામાં ” શિક્ષણ સરોવર “ના સર્જક શ્રી કિશોરભાઇ પટેલ
દ્વારા !…જય જય સુરત નગરી…!
કાવ્યનું લેખન કરવામાં આવેલું તેમાં તેમની પસંદગી પ્રથમ દશ નંબરમાં
આવેલી. શ્રી કિશોરભાઇ પટેલને “સંજીવની ગ્રુપ” દ્વારા ટ્રોફી એનાયત
કરવામાં આવી ચાલો શ્રી કિશોરભાઇને શબ્દ પુષ્પ ગુચ્છ દ્વારા વધાવીએ.
http://shikshansarovar.wordpress.com/

========================================

 

(રાગ- તમે કિયા તે ગામનાં ગોરી રાજ…અચકો મચકો કારેલી)

=========================================

સૂરત શહેરને પાંચસો વરસ થયાં રાજ….પોંક પોચો ને લોચો

પંદરસો તેરમાં એ તો વસ્યું હતું રાજ……પોંક પોચો ને લોચો

એતો વસ્યું છે તાપી કેરા કિનારે રાજ…..પોંક  પોચો ને લોચો

અંગ્રેજોએ ત્યાં તો કોઠી સ્થાપી રાજ…....પોંક પોચો ને લોચો

એ  હીરા બજારનું હબ કહેવાય રાજ…….પોંક પોચો ને લોચો

જરીકામનો જબરો ઝળકાટ જ રાજ…….પોંક પોચો ને લોચો

એમ્બ્રોયડરીનો તાજ બાદશાહ રાજ…….પોંક પોચો ને લોચો

કવિ શ્રી નર્મદને ભગવતી શર્મા રાજ…...પોંક પોચો ને લોચો

ખમણી મુરબ્બા ઘારીનો સ્વાદ રાજ…….પોંક પોચો ને લોચો

સુરત શહેરને ગજાવતી પ્રતિભા રાજ……પોંક પોચો ને લોચો

સૂરત સંજીવની ગ્રુપ દ્વારા યોજાય રાજ…પોંક પોચો ને લોચો

ચિત્ર ફોટોગ્રાફી ને કાવ્ય હરિફાઇ રાજ….પોંક પોચો ને લોચો

વયસ્ક છતાંય કહેવાય કિશોર  રાજ…….પોંક પોચો ને લોચો

એ તો શિક્ષણ સરોવરનો ધામી રાજ…….પોંક પોચો ને લોચો

સૂરત શહેર જીલ્લા કાવ્ય સ્પર્ધા રાજ…….પોંક પોચો ને લોચો

એકસો પચાસ પ્રતિસ્પર્ધી હતા રાજ…….પોંક  પોચો ને લોચો

એકથી દશમાં નંબર કિશોરનો રાજ …….પોંક  પોચો ને લોચો

મલી ટ્રોફી આઇ લવ સૂરતની રાજ…..….પોંક પોચો  ને લોચો

હરખ્યાં મિત્ર મંડળ કેરાં હૈયા રાજ……….પોંક પોચો ને લોચો

આપો અભિનંદન કેરાં ઓથાર રાજ………પોંક પોચો ને લોચો

=========================================

સ્વપ્ન જેસરવાકર ….https://swapnasamarpan.wordpress.com/

ખોબલા ભરી વધાવ્યા રે…કાવ્ય


ખોબલા ભરી વધાવ્યા રે...કાવ્ય

=============================================
 
આદરણીય વડિલ શ્રી દાવડા સાહેબના જન્મ દિને
જન્મ દિનની ખોબલા ભરી શુભેચ્છા.
 
====================================================
સુંડલા ભરીને ફુલડાં લાવ્યા ને ખોબલા ભરીને વધાવ્યા રે
વસંત કેરા વધામણાં આપે કુળ દીપક બનીને સજાવ્યાં રે
દિન વસંત પંચમીને માર્ચની દશમીએ ઉમંગે પધાર્યા  રે
નામ વહાલપ કેરુ ધરીને પુરષોતમજી પ્રેમે રમાડ્યા  રે
મોહમયી નગરીએ જન્મ ધરી જન્મ સ્થળ દિપાવ્યાં રે
એન્જિનીયરની પદવી લાર્સન ટુબ્રોમા વર્ષો ગાળ્યાં રે
આધ્યાત્મિક્તા દેશથી ભોતિક્તા ભુમિ પગલાં પાડયાં રે
વહાણાં વિત્યાં બે વરસનાંને આખરી પડાવ આરંભ્યાં રે
જન્મ દિન કેરાં વધામણાંનાં ‘ સ્વપ્ન ‘ ગાયે છે ગાણાં રે
==================================================
સ્વપ્ન જેસરવાકર

વિશ્વાસ નથી…કાવ્ય


  

       વિશ્વાસ  નથી…કાવ્ય

======================================

શુક્ર્વારે “ગોદડિયા ચોરા”માં વાંચો

” પ.પૂ.ધ.ધુ.શ્રી.શ્રી ૪૨૦ “ઠાઠડિયા બાપુ”

http://www.godadiyochoro.wordpress.com/

=====================================================

 

(રાગ : દિલ લુંટનેવાલે  જાદુગર ….ફિલ્મ : મદારી.)

======================================

 

મુક્યો મેં વિશ્વાસ જગત  પર

                                     …  જગતને  મારામાં  વિશ્વાસ  નથી.

ભાગ્યના ભરોસે  દોડ્યો  છું

 

પણ હરદમ પાછો પડ્યો છું

 

હવે અંતિમ કોઈ આશ નથી…….જગતને મારામાં વિશ્વાસ નથી.

 

ડોલરના દમામે દોડ્યો  છું

 

ડાઈમમાં  તો  દબાયો    છું

 

આજ પેની મારી  પાસ નથી…..જગતને  મારામાં   વિશ્વાસ  નથી.

 

અમેરિકાની અજાયબીને મોહી ગયો

 

ભૌતિકતાની  ભૂગોળમાં  ભરાઈ ગયો

 

આધ્યામિકતા મને રાશ નથી…..જગતને  મારામાં  વિશ્વાસ નથી.

 

કોઈ  લાખો  ખર્ચીને  આવે  છે

 

કોઈ ગ્રીનકાર્ડ મુકીને ભાગે છે

 

વાઈટ જોબનો હવે ક્લાસ નથીજગતને મારામાં વિશ્વાસ  નથી.

 

અંતર ને  મારા હું  વલોવી રહ્યો

 

“સ્વપ્ન”મૃત્યુની રાહ જોઈ રહ્યો

 

હવે માનવીનો મુક્ત શ્વાસ  નથી… જગતને મારામાં વિશ્વાસ નથી.

 

==========================================

 

( ડાઈમ  એટલે  દસ પૈસા)  

( પેની  એટલે એક પૈસા )

(લેખન તા.-૧૫ સપ્ટેમ્બર ૧૯૯૪ )

==========================================

 

સ્વપ્ન જેસરવાકર

તોય ઘણું છે … કાવ્ય


 તોય ઘણું છે … કાવ્ય

=================================

ગોદડિયા ચોરામા શુક્ર્વારે માણો અનોખી અવનવી કથા………

મહા ગનાની પ.પૂ. ધ.ધુ.શ્રી શ્રી ૪૨૦ “ઠાઠડિયા બાપુ “
==================================
 
અરમાનો આ હિન્દુસ્તાનના એ પુરા થાય તોય ઘણું છે.

વામણા નેતાઓથી કાશ્મીર કોકડું ઉકેલાય તોય ઘણું છે

સરદાર જેવી અડગતા ને આસ્થા છે આજે ક્યાં ?

એ  સિદ્ધાંતોને આદર્શ બનાવી અપનાવાય તોય ઘણું છે.

સુભાષને સમરો જરા ને ભગતસિંહને ના ભુલાવશો

શહીદોની   શહીદીને  ક્યાંય ના વટાવાય  તોય ઘણું   છે.

અરુણાચલ કેરી આગ ને તેલાંગણ  કેરું ગુમડું

ઠારી આગ ને સફળ શસ્ત્રકિયા કરાવાય  તોય   ઘણું છે.

નિત નવાં ઉછળે છે મોજાઓ  કૌભાંડ કેરાં

સુપ્રીમ કોર્ટ દ્વારા એમને સાટકા  મરાય  તોય ઘણું છે.

નીતિમત્તાની વાતો કરતાં ઓ નફફટ  નેતાઓ

ચીન પાકિસ્તાનને જડબાતોડ જવાબ અપાય તોય ઘણું છે.

છપ્પન ભોગ ધરાવ્યાને ઝાપટી ગયા છે ઝરદારી

જો શાંતિ પ્રક્રિયાની બે ચાર વાતો થઇ હોત તોય ઘણું છે

સ્વમાનથી જીવો અને દેશાભિમાનનો પંથ ઉજાળો

કટકી બટકીમાંથી ઉંચા આવી  સમાજ સેવા થાય તોય ઘણું છે.

સાથે મળી ‘ સ્વપ્ન’ સજાવો બાપુ સરદાર સુભાષ કેરું

સ્વાભિમાન કેરી લોક લાગણીનું એક ભારત રચાય તોય ઘણું છે.

=====================================

સ્વપ્ન જેસરવાકર