દાવડાજીના દોહા….

દાવડાજીના દોહા….

===========================================

આદરણીય વડિલ શ્રી દાવડા સાહેબના દોહા આપ સમક્ષ રજુ  કરું છું.

==============================================

 

મિત્રો,સાહિત્યના એક પ્રકાર છપ્પાથી કદાચ થોડા લોકો પરિચિત ન પણ

 

હોય,પણ દોહાથી લગભગ બધા લોકો પરિચિત હશે. આજે થોડા હળવા

 

દોહા મોકલું છું………..પી.કે.દાવડા

======================================================================

 

               દોહા

==========================================================================

 

દાવડા ઈજનેર શે થયો, થાતે બાપુ  સશક્ત,

રૂપિયાનો વરસાદ થતે, ને સો ઈજનેરો ભક્ત.

 

પ્રેમમાં નિષ્ફળ થયો, દાવડા થઈ ગયો બાવો,

ભક્તાણીની ભીડ થઈ, થઈ ગયો પ્રેમપિયાવો.

 

દાવડા  જૂતા  સિવીએ,  જૂતે  બાટા  થાય,

દાવડા  લોઢું  ટીપીએ,  લોઢે  ટાટા  થાય.

 

બ્લોગે બ્લોગે  એ ફરે, દાવડા  નામ અજાણ,

ગોવિંદની કૃપા થતાં,થઈ દાવડાની પહેચાણ.

 

દાવડા  ગુગલ સૌ કરે, કારણ કાંઈપણ હોય,

સેકંડમાં  શોધી  શકે, એ  કચરામાંથી   સોઈ.

 

દાવડા ચારો  ખાઈને  નેતા  થાય  શશક્ત,

ગાયો  છો ભૂખે મરે, ક્યાં ગયા ગૌ  ભક્ત?

 

પરદા પર ખેડૂત બને, પામે સંપત્તિ અપાર,

ખરો ખેડૂત ભૂખે  મરે, દાવડા  કરે  વિચાર.

 

નવરા બેઠાં કંઇક જણ, બ્લોગ બનાવે અનેક,

દાવડા સાચો બ્લોગ એ, જેમા  હોય  વિવેક.

 

દાવડા આ સંસારમાં સૌ  ને મળજો  ગલે,

ના જાણે કયા રૂપમા નારાયણ આવી મલે.

પણ વાત મારી આ એક, યાદ રાખજો ભલે,

સુંદર નારીના  રૂપમા  નારાયણ  નહિં મલે.

 

દાવડા જીભને બાવરી  કહી ગઈ સરગ પાતાળ

તે  બોલીને અંદર ગઈ, પછી જોડા ખાય કપાળ.

 

બ્લોગર બ્લોગમા પેશીને, સમય કરીશના વેસ્ટ,

સાથી  તારા  ત્રણ છે,  માઉસ,  કોપી ને  પેસ્ટ.

 

ભલું થજો આ બ્લોગનું, છાપ્યો  મારો  લવારો,

બ્લોગ વિના આ લખવાને મારો નથી કોઇ આરો.

 

મન  મેલું, તન  ઊજળું,  ઉપરથી  અભિમાન,

દાવડા નારીથી દુર રહે, નહિંતર થઈસ હેરાન.

 

દાવડા દાવડા સૌ કોઈ કહે, દાવડા એક ઈજનેર,

બ્લોગોમાં લખતો થયો,  ત્યાં કર્યો કચરાનો  ઢેર. 

 

 

શ્રી.પી.કે.દાવડા 

 

Advertisements

એ જ સાચો કાયદો…તુલસી વિવાહ (કટાક્ષ કાવ્ય)

એ જ સાચો કાયદો…તુલસી વિવાહ …(કટાક્ષ કાવ્ય)

===============================================

 

 

 એ જ સાચો કાયદો … તુલસી વિવાહ (કટાક્ષ કાવ્ય)

=================================== 

દેવદિવાળી આવી અને ઠેર ઠેર તુલસી વિવાહ ઉજવાય

લક્ષ્મીવર પરણે વૃંદાને એતો કેવું  અજબ જેવું  કહેવાય

 સ્વર્ગમાં ચર્ચા ચાલી ભાઈ આ તો  દ્વીપત્ની પદ  સોહાય

 દેવોમાં વાદ વિવાદ  ને  ચર્ચા કેરો દોર ઘડી ઘડી  થાય

 નારદ આમતેમ દોડે  બ્રહ્મા શંકર ઇન્દ્ર કેરો લે અભિપ્રાય

 હવે સમય ઘણો ઓછો રહ્યો કૈંક નવા રસ્તાઓ  વિચારાય

 સમગ્ર  બ્રહ્માંડ વિચાર વંટોળે ચઢ્યું હવે  શો કરવો  ઉપાય

 વિષ્ણુજી  વિચારે ચડીયા  સ્વર્ગના દેવોને કેમ સમજાવાય

 વિચારે   ચઢી  વિચરણ કરતાં  સામેથી નારદજી  ભટકાય

 નારદજી કહે દિનબંધુ દીનાનાથ મુશ્કેલીથી કેમ ગભરાવાય

 શોધી લાવું  સરળ રસ્તો જો નેતા કોઈ ભારતીય ભેટી જાય

 “જેમાં જણાયે ફાયદો એજ સાચો કાયદો” એવું ત્યાં કહેવાય

 નેતાઓ  ને જરૂર પડે તો ત્યાં  કાયદા પણ  બદલાઈ  જાય

 શીખી લઈએ તેમની પાસેથી તો  સ્વર્ગ ભૂમિએ  એવું થાય

 કયાંક વકીલો કે નેતાઓ ભારતના ફરતા અહીં કયાંક દેખાય

 નહિ તો ‘સ્વપ્ન’ને પૂછીએ ને કયાંકથી  સરનામું મળી જાય

 =============================

 સ્વપ્ન જેસરવાકર 

ક્રિકેટમાં સચિનનાં સિધ્ધ શિખરો

સંકલન= ભવિષા પટેલ- દિપેશ પટેલ -સ્વપ્ન જેસરવાકર

દિવાળી આવી દિવાળી આવી…..કવિતા

દિવાળી આવી દિવાળી આવી…..કવિતા

============================================ 

આદરણીય વડીલો વહાલાં બહેનો પ્રિય મિત્રો અને

” પરાર્થે સમર્પણ” તેમજ “ગોદડિયા ચોરા”ના વ્હાલા વાંચકો

સાથે  ભવ્યાતિભવ્ય દેશના ભારતીયજનોને દીપાવલીની…

   શુભ કામના અને નુતન વર્ષાભિનંદન

==================================

દિવાળી આવી દિવાળી આવી…..કવિતા

============================================
દિવાળી આવી દિવાળી આવી જાત જાતના દીવડા  લાવી

સુંવાળી મઠીયાં મીઠાઈ  ઘૂઘરા સાથે અનેરા  ફટકડા  લાવી

દિવાળી બહેન તો રુમઝુમ કરતી સાથે ત્રણ બહેનોને લાવી

વાઘ બારશ ધન તેરસ કાળી ચૌદશ  બહેનોની જોડી  આવી

મળવા ને કાજે  મોંઘેરા ભઈલાને એ રુમઝુમ  કરતી  આવી

નૂતન  વરસના આ નવલા ભઈલાને મળવા દોડતી  આવી

ભક્તિ શક્તિ પૂજા અર્ચના આશા ઈચ્છા મહેચ્છા સાથે લાવી

સાતેય બહેનડીઓને લઈને મળવા ભાઈના સાગરે  સમાવી 

ભાઈ કહે આવો જરૂરથી મળવા મને  ખારાશ  કિનારે મુકાવી

કામ ક્રોધ મોહ લોભ લાલચ વેર ને શત્રુતાની ખારાશ સુકાવી

મધ જેવી મીઠાશ ભળશે જીવનમાં મારા આંગણે એજ આવી

નવલા વર્ષે  મિત્રતા ને ભાઈચારો જીવનમાં લેજો અપનાવી.

 

=====================================================

સ્વપ્ન જેસરવાકર…(ગોવિંદ પટેલ)