Monthly Archives: નવેમ્બર 2016

દોડાવ્યો એમણે હાથી..ટ્રમ્પ..કાવ્ય..


દોડાવ્યો એમણે હાથી..ટ્રમ્પ..કાવ્ય..

=====================================

trump=============================================================

ઓ મારા ભાઇ ટ્રમ્પ, તેં તો જબરો માર્યો જમ્પ

સામે હતી હિલેરી, એતો  લાગતી બહુ  ભલેરી

રાજ્યો રંગ્યા રંગે લાલ, પ્રમુખ પદે સજ્યું ભાલ

લોકો  મિડિયા આવેદનો, ના નડયાં નિવેદનો

દુનિયામાં મચ્યો હડકંપ, ના નડયો કોઇ બમ્પ

બોલ્યા ચણાવો દિવાલ, વચનનો રાખો ખ્યાલ

ના રહી કોઇ દુવિધા, સજાવો લોકોની સુવિધા

માનસ આપનું  વેપારી, જીત મલી છે  જબરી

બિરાજો વાઇટ હાઉસ, બોલીમાં બનો નાઇસ

મતદારો બન્યા સાથી, દોડાવ્યો એમણે હાથી

==============================

ભાલ= કપાળ,  બમ્પ= આડશ, અવરોધ,

હાથી= રિપબ્લિક નિશાન

==============================

સ્વપ્ન જેસરવાકર

 

વાહ રે મોંઢાની ચોપડી તારી કમાલ–હાસ્ય કવિતા


વાહ રે મોંઢાની ચોપડી તારી કમાલ--હાસ્ય કવિતા

======================================

વરસ્યો વરસાદ અભિનંદન કેરો મોંઢાની ચોપડીએ.

મેં પણ કર્યાં આભાર દર્શન એજ મોંઢાની ચોપડીએ.

જન્મ દિવસની શુભેચ્છાનું ઝરણું મોંઢાની ચોપડીએ.

પોસ્ટકાર્ડ ગ્રેટિંગ કાર્ડ આવી ગયાં મોંઢાની ચોપડીએ.

દેશ વિદેશના સમાચારો મળે એ મોંઢાની ચોપડીએ

ના મલ્યા હોય તોય ઓળખાણ મોંઢાની ચોપડીએ.

ચેટ થાય ભેટ અપાય મિત્રો થાય મોંઢાની ચોપડીએ

વેપાર ને ધંધા કેરી જાહેરાત થાય મોંઢાની ચોપડીએ

શું છે મોંઢાની ચોપડી તો કહું તો ભાઇ એ ‘ ફેસ બુક ‘

‘અંદર આવ બરાબર’ હોય તો જ ચાલે ભાઇ ‘ફેસબુક’

facebook_2015_logo_detail

===================================

ઇન= અંદર / ટર = આવ  / નેટ = બરાબર

અંદર ટર બરાબર===”  ઇન્ટરનેટ  “

જુના જમાનામાં ઘર બહાર  કે શાળામાં મેદાનમાં બાળકો તોફાન કરે

ત્યારે વડિલો કે શિક્ષકો કહેતા

“અંદર  ટર” એટલે કે ” અંદર  આવ. “

એટલે ” ટર “ કે ” ટળ “ શબ્દ વાપરતા.

========================================================

સ્વપ્ન જેસરવાકર